رواية رحله الى الچحيم الفصل الثالث بقلم اميره اسامه

البارت الثالث...
في صباح يوم جديد بعد ما نزلت داليدا وفطرت خرجت مع دوللي عشان كل واحده فيهم تروح علي مكانها داليدا عالشركه ودوللي عالجامعه
وفالوقت ده هبه كانت خلصت وخرجت عشان تروح مع داليدا
داليدا....دوللي محتاجه فلوس 
دوللي...لا يا حبيبتي معايا متقلقيش
داليدا....انا مش بهزر
دوللي....يعني انا هتكسف منك يا داليدا انا لما بحتاج حاجه مانا باجي اقولك وبعدين انا بوفر عشان لما نسافر مش فاهمه انتي
داليدا...اااه قولتيلي يا سوسه ماشي يا ستي ...صباح الخير يا هوبا
هبه...صباح النور يا داليدا صباح الخير يا دوللي

دوللي...صباح الخير
داليدا.. جاهزه يا هوبا
هبه...اه جاهزه
فاطمه...خرجت فالوقت ده خلاص ماشيه يا هبه
هبه...ايوه يا ماما ادعيلي
فاطمه...ربنا يوفقك يا بنتي
داليدا...ياسلام وانا مليش دعوه
فاطمه...ربنا يديكي الخير كله يا داليدا يابنت امينه خلوا بالكم من بعض يا بنات
دوللي يلا انا همشي انا عشان متأخرش
داليدا...ماشي يا روحي خلي بالك من نفسك
دوللي.... باي
مشيت دوللي ...وبعدها مشيت داليدا وهبه..
وبعد وقت بسيط وصلوا الشركه وطلعوا علي مكتب داليدا وفضلت داليدا مشغوله مع هبه وبتفهمها طبيعه الشغل ومهمتها هتكون ايه بالظبط.
وبعد وقت طويل راحت هبه علي المكتب اللي داليدا خصصتهولها وأبتدت اول يوم ليها فالشغل
خبطت نادين ودخلت
داليدا...تعالي 
نادين...ايه كل ده هي هبه هتشتغل هنا 
داليدا...اه عرفت من داده فاطمه انها نازله تدور علي شغل فا أقترحت انها تشتغل معانا هنا
نادين...طيب المهم بعتلك ايميل علي اللاب توب عندك ابقي شوفيه والورق ده ياسر باعتهولك تبصي عليه بصه وتراجعيه ولو كله تمام امضيه
داليدا..خدت منها الورق فضلت تقلب فيه وتشوفه بتركيز بعد حوالي خمس دقايق من تركيز داليدا قربت القلم ومضت
داليدا....الورق تمام 
نادين....ماشي قولتي لدوللي عالسفر
داليدا...اه قولتلها امبارح
نادين...وافقت
داليدا...بسخريه ودي عايزه سؤال طبعا دي دوللي يا ماما
نادين...بضحك والنبي البت دي قلبي من جوه فرفوشه كده واي حاجه فيها صياعه بتوافق علي طول مش بومه زيك انتي ونور
داليدا...ماهي طلعالك انتي وياسر تموتوا فالجري والتنطيط
نادين...بزمتك هو في حاجه مستاهله اننا نفضل نحسبها او نضيع فرصه حلوه ممكن مترجعش تاني
داليدا...بصراحه لا عشان كده انا وافقت ومتحمسه كمان للسفر
نادين...ياساتر يارب وافقتي ومتحمسه في جمله واحده داليدا انتي سخنه
داليدا...بضحك يا بت بطلي رخامه
نادين...بقولك ايه هنجيب ايه لتولين هديه
داليدا...والله كنت هسألك بس سبقتيني انا محتاره مش عارفه
نادين....انا بصراحه هدايا الاطفال ده خيبه فيه عالاخر وبعدين نور جيبالها لعب اد كده محتاره بصراحه
داليدا...ماهو انا محتاره بسبب كده برده 
خبط ياسر ودخل
ياسر....يابنتي انا باعتك تديها الورق تمضيه مش تباتي عندها
نادين....بضحك داليدا رغايه اوي 
داليدا...انا بردو 
ياسر....طيب بقول ايه البريك فاضل عليه ساعه وصراحه انا مش عابز اكل حاجه من هنا ابه رأيكم نطلب اكل وانا اللي عازمكم
حاتم من ورا وانا موافق
داليدا...بسم الله خضتني
ياسر....بتيجي انت علي سيره الاكل 
حاتم...والله معدي صدفه انا مرزق
ياسر...طيب اخلصوا تاكلوا ايه
نادين....انا نفسي في بيتزا اوي
داليدا...وانا هاكل زي نودي
حاتم...خلاص نمشيها بيتزا
ياسر...يعني بزمتكم رايحين ايطاليا بعد كام يوم وجايين تاكلوا بيتزا هنا
حاتم...ياعم لما نروح نبقي ناكل تاني
ياسر...بضحك ماشي يا طفس انا هطلب بقي لحد ما معاد البريك يجي
مر الوقت بسرعه وخلصت داليدا المحاضره اللي عليها وطلع في دماغها تروح لداليدا سلمت علي صحابها ومشيت علي الشركه 
عند داليدا...جه وقت الراحه اتجمعوا كالعاده في مكتب داليدا وكانت معاهم هبه اعده محرجه
ياسر...وسع وسع الاكل وصل
نور....ياسر مالك قلبت علي بياع كده ليه
ياسر...مش وقت استظرافك انتي وجوزك يلا مع اني مكنتش عايز اكل بيتزا بس بصراحه البيتزا ريحتها تحفه
حطوا العلب عالتربيزه اللي في وسط المكتب واتجمعوا كلهم عشان ياكلوا وفجأه الباب اتفتح
واتفاجئت بيهم دوللي وهما بياكلو
داليدا....دولليييي
دوللي...تصدقوا هتصدقوا ان شاء الله طول عمري