رواية كبرياء بنت عمي الفصل الخامس والاخير بقلم زهرة

بيزنس اللي كان بينها هتخسر كتير يا يونس
يونس ابتسم بسخريه وقال..ولو جيت معاكي هاخسر ..هاخسر قلبي و هخسر واحده حبتني من غير ما تعيش معايا حتى...انا مش هسيب رضوى ابدا لو خسړت الشغل كله .. انا راضي باللي وصلت له وهكلم مدير اعمالي هناك يخلص معاكم
جوليا وقالت پغضب.. هتخسر كل حاجه يا يونس علشان بنت قرويه بطل غباء
ابتسم وقال.. تشرفت بمعرفتك يا جوليا بجد اسف وقلع دبلتو وادهالها ..ومشي جري لحد ما طلع على الشارع وقف اول تاكسي وطلع على البيت
في البيت كانت رضوى مخنوقه جدا وقاعده على السطوح مع الحمام وبتشم هوا وهيه بتفكر فيه بدموع قد ايه كان حنين معاها.. شافت احساس حلو في عيونه ليها.. ازاي قدر يخدعها كده كل حاجه كانت بتدور في دماغها ودموعها بتنزل بحزن شديد
يونس اول ما وصل البيت بقى ينادي عليها زي المچنون
ابوه وقف بفرحه وقال يونس انت رجعت يا ابني انا كنت متاكده
يونس حضنو و باس على ايده وراسه وقال ما بقتش اقدر ابعد خلاص يا بابا..مراتي فين
ابوه ابتسم بفرحه وقال هي فوق عند الحمام ضحك بسعاده وطلع جري على السلم اول ما اوصل لقاها قاعده ماسكه حمامايه في ايدها وبتمشي ايدها على جناحتها ودموعها على خدها وبتقول.. جناحك اتكسر يا زغلول ما تزعلش بكره يطيب وترجع تطير مانا قدامك اهو انا قلبي اتكسر مع ذلك هاستني يجي يوم ويطيب
يونس قرب منها بدموع وقال.. انا ماعرفش زغلول هيطيب امتى بس اكيد مش هسيب قلبك مكسور
رضوى كانت مش مصدقه نفسها وهتقع من طولها حرفيا بقت بتمشي ايديها على دراعاته مش مصدقه انه بين ايديها وقالت بدموع ..انت هنا بجد..ولا..لا انا بتهيألي
يونس نزلت دموعه من منظرها وضمھا لقلبه قوه وقال سامحيني يا رضوى سامحيني على كل دقيقه نزلت دموعك فيها بسببي..و كل لحظه كنتي محتاجاني وملقيتنيش ..سامحيني انا اسف يا بنت عمي هعوضك يا رضوى هعوضك عن كل ده هخليكي اسعد واحده في الدنيا كلها
رضوى كانت بتبصلو بزهول وقالت..انت ازاي هنا...طب..طب وجوليا
يونس ابتسم و احط ايده قدامها وكانت الدبله مش فيها وقال.. فكريني اشتري واحده عليها اسمك الصباع ده مش متعود يبقى ساده كده
رضوى ضحكت بخفه وزهول وهي مش مصدقه نفسها وقالت انا مش عارفه انت بتقول ايه انا مش فاهمه حاجه
يونس ابتسم وقال افهمك ومسك ايدها وحطها على قلبه وقال القلب ده مدقش غير باسمك ومبقاش عايز غيرك ولما خيروه اختارك... اختارك عشان كده رجعت ..مش عايز فلوس الي يفضل يفضل والي يروح يروح ..هفضل عايش معاكي حتى لو هنبدا من جديد
وهستثمر كل وقتي فيكي وغمز وقال..وهبدا اثتثمار حالا
رضوى ضحكت بسعاده شديده وضمته بكل قوتها وهي مش مصدقه.. وقالت بزهول وسعاده ..يعني هتفضل معايا مش هتتجوز بجد
يونس ضحك وقال خلاص بقى هتجوز ازاي العروسه اصلا طارت بص لعيونها وقال ..بس جاهز اتجوز هنا يعني لو حتى في عشة الحمام دي مش مشكله
رضوى ضړبتو في صدره بخفه وضحكت و قالت بطل سفاله يلا 
يونس ضحك وقال .. ليه يا عم ما هم عايشين حياتهم اهو كأننا حمامتين من ضمن
رضوى ضحكت بقوه وهي بتقول انت مچنون مچنون بحبك قوي
يونس قال ...انا كمان حبيبتك حبيبت علشان جمال قلبك وكبريائك اللي مخليكي ملكه في عيوني... ډخلتي قلبي ولفيتي على دماغي لف بحبك يا رضوى وراضي بيكي راضي بيكي ومكتفي وعايزك ووجودك ثروتي ومش ناقصني غيره يا بنت عمي
تمت.......