رواية كيف تسرق قلبا الفصل الثالث بقلم زهره الربيع

وقال ....انتي صغيره وزي القمر ايه اللي يحبرك على جوازه زي دي وراجل زي ده يروح يلاقي واحده من سنه والمفروض يعترف لمراته كده في اي وقت ممكن يطلقك
جنات قالت بدموع ...اهو احسن من قعدتي هناك..احنا ابونا وامنا اتوفوا بدري وسابونا عند عمي ومراته والظاهر اننا تقلنا قوي عليها بقى الموضوع يوجع قوي....المهم انت هتروحني ولا انام انا ما نمتش من الصبح
يزن ضحك بحزن وقال... لا نامي 
نامت على السرير بضيق وهي بتقول پغضب...ادي انت كمان
بلوه من بلاوي الدنيا الي عامله معايا عقد مدى الحياه...مكانش ناقصني غيرك
زين ضحك وهو بيبصلها وهيه نايمه وحاسس بحزن عليها 
جنات حاولت تدفعه وقالت ...يعني مش هعرف انام كمان
يزن قلب بهمس ..انا هانيمك خليكي في حضڼي كده هترتاحي
جنات قالت بضيق... يا سيدي انا مرتاحه من غير حضنك وفر حضنك لنفسك وقوم من على السرير بقى.. ولا اقوم انا
يزن قال پغضب مصطنع... اتخمدي يا بت اوعى عشان بتساهل معاكي تسوقي فيها يلا نامي
جنات قالت پغضب..لا مش هتخمد مش هينفع انام جنبك مش هقدر ...ايه رأيك نام انت وانا هقعد صاحيه
يزن ضحك على عصبيتها ومحبش يضايقها اكتر وقام وقال..خلاص نامي انا هنام على الكنبه
جنات اتنهدت بحزن ونامت بقلق منو
ابتسم وراح نام على الكنبه
في صباح يوم جديد قامت من النوم بقت تتامل ملامحه وقالت... ايه الجمال ده يلاا على الصبح...حد يصحى على القمر ده.. ده انت احلى مني اكيد امك مش مصريه او ممكن يكون ابوك مش مصري بس اخوك وحيد مش شبهك تبقى امك شافت لها شوفه في موسم السياحه ملهاش تاني
هنا فتح عينيه بزهول وقال... بتقولي ايه
جنات اتسعت عينيها بزهول وقالت... انت.. وقال....موسم سياحه ايه يا واطيه
جنات قالت بارتباك ....بهزر يعني يا يزن اكيد مش اكون بتكلم جد
يزن بص لعيونها جامد وقال ...عاجبك انا ها
جنات تاهت في عيونه وقالت... انت تعجب اي حد
يزن قرب منها اكتر وقال... انتي كمان عجباني من اول يوم
جنات قالت بهمس ...كذاب
يزن قرب منها قوي وقال...تحبي اثببتلك
جنات هزت راسها بالرفض بسرعه
وهو ابتسم وقال بهمس... بس انا نفسي قوي اثبت لك...ولسه هيقرب
جنات دفعته وقامت بسرعه وقالت احنا هنفضل هنا لامتى
يزن ابتسم وقال.. ليه خاېفه مني
جنات اتنهدت وقالت بضيق .. يزن بيه انا مخطوبه ...لو سمحت انا ممكن اعوضك عن الفلوس اللي اخذتها باي حاجه تقولها لو عايز قدهم كمان بس ارجوك مش هينفع نفضل هنا اكتر من كده زمانهم بيدوروا علينا
يزن وبص لعيونها وقال ...تمام انا عايز تعويض عن الفلوس وهرجعك
جنات بصتلو بسعاده