رواية حالة الاقدار الفصل الرابع بقلم رغدة

فؤاد الأسيوطي 
حاتم ايوة هو 
علي بس ده كشفيته غالية أوي ازاي هيقدر تامر على المصاريف دي 
حاتم بتكتم عادي يعني مش حكاية ووقف وهو يقول انا مروح انت مش هتروح كمان  
علي اروح اروح فين على بيتي اللي مبقاش بيت
ولا عند مراتي اللي مش شايفاني اصلا مقضياها خروج وفسح ولا سائله بيا 
ده انا آخر اهتماماتها .....واما اكلمها تقولي اني قفل وبحد من حريتها واني لازم اكون متفهم ليها ولاحتياجاتها
نظر لحاتم وقال طب واحتياجاتي انا وحقوقي عليها فين .... انا تعبت أوي واللي تاعبني اكتر انها مش شرياني كل ما نتخانق تسيب البيت وتقول عاوزة أطلق
حزن حاتم على صديقه فهو حقا يعاني من زيجة فاشلة بكل المقاييس 
وبرغم كل شيء ما زال يحاول انجاحه ولكن دون أدنى فائدة
فزوجته لها اسلوب حياة مختلف عن حياتهم وكان علي على علم بذلك ولكنه اوهم نفسه ان الحب سيغيرها كما يريد هو وقد خابت كل توقعاته وآماله وذهبت ادراج الرياح 
......
اليوم موعد لقاءهم مع الطبيب فؤاد الأسيوطي فطلب تامر من حاتم ان يعود للمنزل مبكرا ليجهز هو و نور ففاجأه حاتم انه سيذهب ووالدته معهم 
ذهب تامر مع حاتم بسيارته وتوجهوا لمنزل حاتم لأخذ والدته والتوجه ل نور 
كانت فاتن قد أحضرت فستان جديد و حجاب ل نور ساعدتها على ارتدائهم وذهب جميعهم لعيادة الطبيب التي كانت عيادة فاخرة وكبيرة وشكلها فخم
تم الكشف على نور بوجود هدى وتامر اما حاتم فكان بغرفة الانتظار لحين انتهائهم 
جلس فؤاد خلف مكتبه وأخذ يتحدث بمصطلحات طبية لم يفهم تامر منها شيء وكانت هدى هي من تمسك زمام الأمور وتناقش الطبيب بحالة نور 
وعند انتهائهم وخروجهم من عند الطبيب نظرت هدى ل تامر مبتسمة وقالت اطمن نور هتبقى كويسة ان شاء الله هما كام جلسة وتمشي عالعلاج وهتخف 
نزلت دموعه وهتف بتلقائية يعني اختي هتخف يما 
ابتسمت له بحنان وقالت ايوة يا ابني هتخف ان شاء الله.... انتبه لما قاله انا اسف مكانش قصدي 
نظرت له بعتاب بتعتذر ليه انا بعتبرك ابني زي حاتم بالظبط فقولي زي ما تحب
الا لو انت مش معتبرني ...قاطعها مسرعا لا والله ما كان ده قصدي ده انتي ست الكل انا بس مش عاوز ادايقك ... 
هدى يا خبر ....تدايقني ازاي..... طب تصدق انا فرحت بالكلمة دي أوي...... ربنا يرحم والدتك اللي عرفت تربي راجل زيك 
اقترب حاتم منهم اه يا امي طمنيني 
هدى اطمن يا ابني الدكتور طمنا وقال هتكون كويسة وهو عالج حالات مشابهه ليها 
ذهب تامر برفقة حاتم لدفع ثمن الكشف وكان تامر ان يكون المبلغ الذي بحوزته لا يكفي ولكنه تفاجأ بالمبلغ الزهيد الذي طلب منه فدفعه بسعادة
بعد خروجهم أخذهم حاتم لمنزله فقال تامر بعد اذنك انا لازم اخذ نور واروح 
فقالت هدى لا يا حبيبي انا النهاردة عزماكم عالغدا عندي ولا انت عاوز تزعلني منك
فأجابها تامر لا ابدا انا مش عاوز اتعبك معانا اكتر من كده
قضوا يوما جميلا استشعر به تامر بالجو الأسري الذي كان يفتقده وكانت هدى تغدق عليهم بحنان بالغ 
مرت أربعة أشهر كانت تسير حياتهم بشكل أكثر من جيد
صحة نور قد تحسنت جدا وبدأت تستجيب لما حولها ولكنها لم تتكلم بعد
حاتم ووالدته كانوا متكفلين بعلاج نور بشكل سري 
ف الأموال التي كانت تطلب من تامر للعلاج كانت جزء بسيط للغاية من الثمن الحقيقي فهما يؤمنان بكلام النبي صلى الله عليه وسلم انا وكافل اليتيم كهاتين .. مشيرا للسبابة والوسطى ولكنهم على يقين أن تامر لو علم لرفض رفضا قاطعا هذا التصرف حتى لو كان على حساب علاج شقيقته الوحيدة