رواية حالة الاقدار الفصل الاول بقلم رغدة

تاخدك اللي ليك نصيب فيه هيجيلك واللي ملكاش نصيب فيه قد ما تعافر وتحاول مش هتاخده ....
اياك يا ابني تظلم حد الظلم ظلمات بات مظلوم واحتسب عند ربنا ولا تبات ظالم
اسمعني يا ابني وافهم كلامي ده كويس بنات الناس مش لعبه بايدك نظرتك ولمستك تكون بمخافة ربنا خلي ربنا قدام عنيك
اللي مش ليك حرام عليك واللي هتعمله ببنات الناس هيتعمل باختك فاهمني اختك يعني شرفك وعرضك
كفاية ياما كفاية ابوس ايدك انا مش حمل كلامك ده وانتي هتخفي وتبقي زي الحصان تمدد بجانبها نفسه بأحضانها يبكي كطفل صغير
وصل حاتم مكتب الديكور الخاص به ألقى التحية على صديقه وشريكه علي وجلس على مكتبه وبدأ يعمل على تصاميمه
وبعد قليل اقترب منه علي بقولك ايه انا جعان ...
نظر له حاتم مردفا برضو نزلت من غير فطار انا نفسي اعرف بتيجي تفطر هنا بدل ما تفطر مع مراتك ليه 
علي والهم ظاهر على ملامحه متفكرنيش يا حاتم انا بقيت عايش بچحيم مش طايق ادخل البيت من النكد اللي فيه كل يوم نفس الكلام ونفس المشاكل انا تعبت أوي وبحبها وهي مش مقدرة ده 
حنان اتغيرت أوي مش هي حنان اللي حبيتها اربع سنين وخدتها عن حب حاسسها انسانه غريبه عني
قام حاتم من خلف مكتبه واقترب من علي مربتا على كتفه أهدى يا صاحبي ومتزعلش نفسك بس ده جواز ودايما اي زوجين بيبدأوا يتعرفوا على بعض 
علي نتعرف ايه يا حاتم ما انت عارف اللي فيها احنا قصة حبنا كانت الجامعة كلها تعرف فيها 
ابتسم حاتم بود وطرق باصبعه على المكتب وقال هو ده يا علي هو ده سبب تعاستك 
نظر له علي يحاول فهم ما يقصد فأكمل حاتم انتو يا علي قعدتوا اربع سنين قبل الجواز تحبوا بعض وكل واحد فيكم كان بيظهر ويقدم للتاني افضل واحسن حاجة عنده انت وهي كنتوا بتزودوا رصيد صفاتكم الكويسة وتتفادوا الاخطاء او تتغاضوا عنها لحدما اتجوزتوا ومبقاش في حاجة جديدة تقدموها
فابتدت معاناتكم بعد ما اتجوزتوا بفترة قصيرة 
علي يعني ايه انا هفضل بالنكد ده على طول 
عاد خاتم لمقعده مبتسما لا يا سيدي تفضل بالنكد ليه .. بص انت تجيب مراتك وتيجوا تتغدوا عندنا النهاردة ونقضي يوم لطيف مع بعض وان شاء الله كل حاجة ليها حل
علي تمام أوي هي طنط عامله اكل ايه
ضحك حاتم وقال اهو هتصل واقولها انك هتتغدى عندنا وطبعا انت عارف معزتك عندها 
علي ربنا يديها طول العمر ويخليهالنا عشان افضل أكل من تحت ايديها السكر 
بعد ساعات قليلة استيقظت نور وقامت بتكاسل دلفت إلى الحمام وتوضأت وصلت صلاة الظهر وتوجهت للمطبخ لإعداد الغداء ولكنها فتحت باب غرفة والدتها اولا لتطمئن عليها
وما ان رأت