رواية عصفور يقع في حب صقر الفصل الخامس بقلم شيماء طارق

أخلص دراستي و أتعين معيدة في الكلية.
صقر _و هو الشغل عيب تعرفي ان في الدول المتقدمة كل الطلبة بيشتغلوا حتى اللي أهلهم أغنيا
قلب _بس لي لي مش شايفة كده
صقر و هو ينظر بعيدا و يفكر _لي لي انسانة سطحية بتهتم بالمظاهر و بس لكن مش معنى كده اللي انتي بتعمليه حاجه عيب او غلط
قلب _ هو ده رأيك فيها!!!!!!!
صقر _بصي يا قلب أنا خطبتها عشان كان لازم أتجوز و أفرح ماما و ألحق أجيب ولاد قبل ما أكبر وكمان انا ما كانش عندي وقت الا انا افكر فيه اي حاجه غير كده
قلب باستغراب _ وهو ده سبب كفاية عشان الانسان يتجوز
صقر _تقصدي ايه
قلب _أنا عارفة اني لسه معنديش تجارب كتير بس متهيألي عمري ما هتجوز إلا لما أكون مقتنعة بالإنسان الي هرتبط بيه و أكون بحبه و هو بيحبني لان هاسس معاها اسره ولازما يكون الحب متبادل بين الطرفين...........
صقر _معاكي حق بس الإنسان الظروف ساعات بتضطره يعمل حاجات عشان يرضي اقرب الناس ليه وطبعا المجتمع بيتطلب مننا ان انا اتجوز حد يكون في نفس مستوى الاجتماعي علشان كده ارتبطت بيها يعني هي مجرد جوازه وخلاص
قلب _يعني نظرة المجتمع أهم من سعادة الإنسان نفسه ازاي التفكير ده
صقر _انتي لسه صغيرة يا قلب بكره الأيام هتغير أفكارك و مبادئك انا كان عندي مبادئ وكان عندي افكار بس عشان اقرب الناس ليا غيرتها
قلب بإصرار _انا عمري ما هتغير لاي سبب من الاسباب
صقر _مش عايزك تزعلي من تصرفات لي لي أنا هعرف أوقفها عند حدها وهي عمرها ما هتقدر تقرب لك او تجرحك طول ما انا موجود
قلب _مش زعلانة خلاص و أرجوك مش عايزة يحصل بينكم أي موقف بسببي
صقر _متقلقيش و يلا بقى عشان تطلعي تنامي بكره عندك كلية
قلب و قد شعرت بحنانه يغمرها _حاضر
و اتجهت نحو القصر قائلة
قلب _تصبح على خير
قلب و هو ينظر في عينيها
صقر _ وأنت من أهله يا قلبي
نظرت له قلب وكانت لا تستوعب ما قاله لكن بعد ذلك
صعدت الى غرفتها بينما ظل صقر جالسا في الحديقة يفكر في صغيرته البريئة .. قلب ....
توجهت قلب في الصباح الى كليتها و بعد أن أنهت محاضراتها وجدت مني أمامها _
مني _قو قو حبيبتي وحشتيني اوي يا بنت الذين ايه اخبارك
قلب بفرح للقاء صديقتها
قلب _ منى أنا عارفة أني مقصرة معاكي
مني _و لا يهمك يا جميل ها أحكيلي أخبارك أيه من يوم ما اشتغلتي هناك
جلست الصديقتان يتحدثان لوقت طويل و أطمأنت مني على قلب لكنها أحست أن هناك قصة حب تولد في ذلك القصر الكبير.... ودعت قلب صديقتها على وعد باللقاء قريبا و عادت الى القصر في السيارة و حين دخلت من البوابة وجدت محمد جالسا مع السيدة دولت و يضحكان سويا ابتسمت قلب و اقتربت منهما و قالت _
قلب _السلام عليكم
دولت _و عليكم السلام حمد لله على السلامة يا حبيبتي
محمد _وحشتيني من امبارح للنهارده يا قوقو
قلب و هي تبتسم له بخجل _ازيك
محمد _اموت انا في البراءة ده مش هقدر اوصفلك يا طنط قلب جميلة و رقيقة أد ايه.
دولت _انا بشوفها بقلبي يا محمد.
محمد وهو ينظر مباشرة الى قلب.
محمد _و انا بشوفها بقلبي و عينيا.
دولت _انت هتاعكسها ولا ايه يا محمد احترم نفسك يا ولد انا موجوده
محمد _لا ابدا يا طنط بس عايز أقولك على حاجه يرضيكي قوقو ميكونش عندها موبايل
دولت _لا طبعا