رواية وبها متيم انا الفصل الرابع عشر بقلم امل نصر

الفصل الرابع عشر
بالقرب من البناية التي تقطن بها توقفت سيارة الأجرة الجماعية لتترجل منها فوقعت عينيها على مساعد شقيقتها الذي كان خارجا منها مهرولا بخطواته هتفت به توقفه وقد اقلقها هيئته
عبد الرحيم استني هنا.
التف إليها الاخير وتوقف ينتظرها حتى اقتربت لتسأله
هو انت كنت عندنا فوق
اه يا ست رؤى اصلي كنت جاي اطمنكم ع الست شهد لتقلقلوا على غيابها. 
رددت خلفه بتوجس
تطمنا على غيابها! ليه هي مالها شهد وايه اللي يخليها تغيب
بدا على وجه عبد الرحيم الحرج مما زاد على رؤى بالشك لتعيد السؤال بقلق
ما تقول يا عبد الرحيم ما لها اختي انا خرجت من المدرسة ع الدروس يعني من الصبح غايبة عن البيت اختي مالها

تكلم يخاطبها بمهادنة حتى لا يزيد عليها
اهدي بس اهدي وخليني افهمك شهد اختك كويسة والحمد لله المشكلة حصلت عندنا في الموقع
اختي انا وقعت من طولها
هتفت بها مقاطعة فتابع لها يستطرد بعفويته
يا ست افهمي هي بس حصلها تعب في أعصابها...
اختي اعصابها تعبانة
هي شافت الحاډثة بعينها عشان كدة تعبت صح
لا والله ما حصل هي بس شافته وهو خارج من اوضة العمليات راحت وقعت من طولها.
قالها بغرض تهدئتها ولكن ما حدث هو أن زاد من ارتياعها لتصيح به
اختي فين دلوقت وديني عند اختي يا عبد الرحيم. 
تنهد بتريث يجيبها
يا ست رؤى افهمي انا جيت ابلغ الست والدتك عشان اخدها معايا ع المستشفى لو حبت بس اختك امنية قالتلي امشي واحنا هنحصلك يعني مينفعش اخدك لوحدك منظرها مش حلو شوفيهم فوق لو حابين اتصلي بيا وانا اجيب تاكسي واخدكم معايا.
توقف ليتحرك قبل أن يستئذان
انا في بيتنا يا ست الكل هاتشطف بسرعة عشان اغير هدمتي واكلي لقمة لو عايزة زي ما قولتلك رني عليا بس الرقم عندك في التليفون.
ذهب عبد الرحيم والټفت هي مسرعة نحو منزلهم حتى إذا وصلت هناك هتفت بوالدتها التي فتحت لها الباب
يا بنتي ما انا رايحة اهو على ما اختك تجهز وتخلص هو انتي عرفتي اللي حصل لشهد منين
أجابتها رؤى تردف على عجالة وهي تدلف لداخل المنزل
انا قابلت عبد الرحيم وهو نازل من عندكم وقالي المهم يالا بقى خلصونا يا أمنية ياللا يا أمنية...
ردت الأخيرة وهي تخرج لها من الغرفة
تفاجأت رؤى وهي تجدها بملابس المنزل هي الأخرى تضع الهاتف على أذنها وتتحدث بهدوء لتصيح بها
هو انتي كمان لسة ملبستيش امال امتى هتجهزي زي ما قالت والدتك بلاس برودك دا دلوقتي يا أمنية عايزين نلحق نطمن على شهد.
بملامح ممتعضة ردت أمنية
وانا يا اختي مانعت ولا اعترضت ما قولنالك رايحين بس بقى بالأصول عشان انا واحدة مخطوبة ولازم استأذن خطيبي الأول قبل ما اتحرك خطوة من البيت هو محرج عليا في كدة.
صړخت رؤى تخرج عن طورها الهادئ