رواية اغرب ليلة زفاف الفصل الثاني بقلم زهرة الربيع

مالك يا بنتي
فرح لسه هتتكلم سليم قال بسرعه.... عروسه بقى وكده ياخالي سبها على راحتها
ابوها بصلو بدهشه وقال... عروسه ..هو في عروسه تتبهدل بالشكل ده
فرح قالت بغيظ... اه عادي لما يكون جوزها تور يا بابا
والدتها ووالدته ضحكوا 
وسليم بصلها بغيظ شديد وقال... اروح اجيب لكم عصير ثانيه واحده ..ودخل يصب لهم عصير
اول ما دخل امها شدتها عليها وقالت بابتسامه...هاطمنينا ايه الاخبار
فرح قالت ببلاهه...بخير الحمد لله
امها قالت بغيظ..انا بسألك عن صحتك ما انا شيفاكي زي البقره قدامي اهوه
بقلم...زهرة الربيع
فرح قالت ...بقره.... ربنا يخليكي يا ست الحبايب والله
امها قالت...سا فرح متستهبليش يلا قبل ما جوزك يطلع ...حصل ولا لا
فرح بصت لها بتوتر وقالت...ااااه...انتي قصدك امبارح اه...فل...هو مش باين عليا ولا ايه
امها بصت لها طالع نازل وقالت..لا هو باين ...باين خالص ...على العموم متقلقيش يا ضنايا ده اول الايام بس
وذغردت بفرحه وام سليم ذغردت معاها
فرح قالت بهمس...بتذغردو على ايه بس...الله يخربيتك يا سليم
اهلهم اتكلموا معاهم شويه وبعد كده مشيوا علشان لسه هيروحوا لاخته وجوزها واول ما مشيو قفل الباب بسرعه وڠضب ومسكها من ذراعها وقال.... تور.. انا تور يا بقره
فرح قالت بدهشه...انت سمعتنا انا وماما ولا ايه
قال باستغراب.. انا مسمعتش حاجه...هيه والدتك كنت بتسألك عن ايه
فرح بصتلو بسخريه وقالت ....واحده والدتها بتسالها يوم الصباحيه هيكون على ايه ...عن اسباب تفكك التحاد السوفيتي
سليم بصلها بتحذير وقال...نبطل استظراف احسن انا اللي افكك عضمك سامعه
فرح وقفت بالعافيه وبصت له پغضب وقالت بجديه ...سيبك من الكلام ده دلوقتي خلينا نتكلم في اللي حصل امبارح ده علشان انا مش فاهمه اي حاجه... ليه عملت كده يا سليم..احنا مخطوبين من زمان وبنحب بعض ايه اللي عملته امبارح ده انا لحد نص الليل مستنياك تيجي تفكني وفاكره انك بتهزر ...شايف حالتي بقت عامله ازاي يوم صباحيتي
سليم بص لها بضيق وخنقه ومشي وسابها ودخل على اوضه النوم من غير ما يرد
فرح راحت وراه پغضب ومسكتو من ايده وقالت استنى هنا انا بكلمك
سليم بصلها پحده وڠضب وقال.... عايزه ايه
فرح بصت له بدهشه من عصبيته وقالت ...عايزه ايه عايزه افهم ايه اللي عملته فيا امبارح ده يوم فرحي لو كنت مش عايزني اتجوزتني ليه اصلا
فرح قالت بزعيق وجنون ...وخطبتني من الاول ليه اصلا ده احنا اتخطبنا اصلا قبل خطوبه اختك بكتير
سليم زعق فيها پغضب وقال... اه اتخطبنا الاول لاني كنت بحبك يا فرح كنت بحبك بجد
فرح قالت بدهشه... كنت
سليم ابتسم بسخريه وقال.. اه كنت ..لاكن فقت صحيح اتاخرت شويه بس ملحوقه ولسه هيدخل على الحمام وقفت قدامه بسرعه وقالت....ايه معنى كلامك ده ...هو انا عملت ايه علشان تقول لي كلام زي ده
سليم ابتسم بسخريه