رواية اسرار الماضي لبنت ناس الجزء الثاني الفصل والواحد الخمسون

علي ما كانش في وعية فكانت تجربة متوحشة لكن محمود رغم شغلة القاسې بس رحيم و إنت شوفتي بنفسك تعاملوا مع أولادة و أولادك و أنا و إنت فبلاش تضيعي الباقي من عمرك والحمد لله عندكم أربع عيال يعني مش ناقصين عيال و شفق وآسر بيحبوك دلوقتي و عيالك بيحبوة .
رضا و مشروعي مع نهر و دارستي و الأهم عيالة هيتقبلوني و أنا جاهلة .
رقية ناخدها خطوة خطوة يا رضا إستمري في مشروعك هو يجي هنا خميس و جمعة و إنت تروحي مثلا أسبوع في الشهر هناك علي ما تكملي تعليمك و كمان هو يكون مستعد يظهرك قدام الناس و إنت أصلا غيرتي من طريقة لبسك وكلامك لسة شوية بس مش صعب إنت تتابعي عيالة و هو يكون أب لعيالك و كمان تعفوا بعض لأنك بصراحة لغاية دلوقتي من وجهة نظري ما إتجوزتيش وافقي يا رضا محمود قادر يداويك و إنت قادرة تداوية .
رضا خاېفة .
رقية أنا معاك ما تخافيش إنت عارفة إن فرح علي باقي علية أسبوع علشان رانيا خلصت كلية إية رأيك لأن علي عاوز إخواتة في الفرح نحجز غرفة ليك إنت ومحمود زي علي ورانيا والعيال هيكونوا معايا أنا ونهر .
رضا نحجز فين مش فاهمة .
رقية علي حاجز أسبوع في فندق إسكندرية لانة مالوش شقة لسة هنا في مصر و هياخد رانيا و يرجع ألمانيا إنت كمان أسبوع مع محمود .
رضا أتجوز وأسيب عيالي أسبوع 
ضړبت رقية مؤخرة رأس رضا و هي تقول بت ما أنا قولت العيال هيكونوا معايا أنا و نهر و هندبر موضوع الطيور و ماعنديش بنات تكسر كلمتي هتتجوزي الأسبوع الجاي يعني هتتجوزي فاهمة .
لتنصدم رضا و تضحك رقية إسمعي الكلام يا رضا لو حاسة أن مفيش قبول مش هجبرك علي حاجة ثم نادت رقية لنهر لتقول رضا هتتحوز مع علي فعاوزاك من بكرة يوم لرانيا ويوم لرضا علشان نجهزها مفهوم .
رقضت نهر لرضا لټحتضنها بفرح مبروك يا أبلة فرحت لك قوي خالي بالك من عمو محمود و الله حنين قوي وهيسعدك .
رضا يالاااااااهوي إدوني فرصة طيب هو أنا وافقت إمتي 
رقية نعم نعم إنت هتكسري كلامي ولا إية 
رضا كنت عاوزة أقول و إنتم في العمرة البيت خلاص و كمان و العفش الجديد جة لو عاوزين تنقلوا من هنا من بكرة لكن طبعا فية عفش من هنا هيروح هناك زي المطبخ والدور الأول و بعدين إزاي هنعقد معاكم يعني لو إتجوزت .
نهر بمرح ما إنت ليك شقتك يا رضا وانا عملت مدخل جانبي من الحارة للدور العلوي علي طول من غير ما يدخل من المدخل الرئيسي و يعدي علينا كمان الشقة العلوية أكبر لان فية بروز لحظة إنت بتتكلمي لية بأريحية كدة قدام آنة إنت قولتي لها .
رقية وهي تمسك أذن نهر يعني أنا كنت هسمح لها تغيب طول النهار برة من غير ما أعرف لية أكيد عرفت تركت أذنها و فرحت قوي يا نهر و إحتضنت بنتها لتدمع نهر وتقول يا رب ديما أقدر افرحك يا حبيبتي .
رضا يا رب ولادي يتعدوا منك يا نهر و يبقوا حنين عليا أنا بحبكوا قوي و سعوا كدة نكبر الحضن شوية أنا بغييير و اللهي لتفك رقية إحدي ذارعيها وكذلك نهر ليكون حضڼ ثلاثي به كثير من دموع الفرح والسعادة .
في القاهرة
كانت إنتصار تجهز شنطة كبيرة وتضع بها ما يلزمها ليدق الباب عبد الله وتسمح لة بالدخول .
عبد الله إية بأمة يعني لسة إمبارح متكلمين قدامك أننا هنودي احمد حضانة علشان يتعود علي الناس آجي النهاردة الاقي انهار بتقول بتجهزي شنطك وهتسافري البلد بكرة .
إنتصار من غير ما أحمد يروح حضانة أنا كنت ناوية اسافر أخوك فرحة بعد اسبوع واحد وهياخد عروستة من بيتها لازم انزل واشوف العروسة لو محتاجة حاجة و أرتب معاهم الفرح ومليون حاجة .
عبد الله تراتبي إية مش فاهم إذا كان العريس نفسة هيجي هنا يريح يومين ومفيش قاعة علشان كورونا بيقول فرح قدام بيت العروسة هيروح ياخدها بعد العصر مع دي جي وخلصت .
إنتصار أيوة ما هو علي أتفق معايا أول ما ينزل هينزل البلد يرتب شوية حاجات ويدي رانيا حاجات وهرجع معاه هنا فهمت.
عبد الله قولي كدة مضبطة مع إبنك ماشي ماهو حبيب القلب طب هتعقدي فين بقي ولا ناوية تقعدي مع العروسة و أهلها .
إنتصار هقعد فين يعني عند رقية و نهر و حشتني قوي .
عبد الله يغضب وصوت عالي ثاني يامة مش كفاية خربت بيتك إنت عارفة انها هي ورا البلوى إللي إسمها رضا وعيالها و تقريبا قاعدين معاها .
إنتصار أولا رقية ما تعرفه تخرب بيت حد و بطل تدي ودانك لعمتك و ستك و قولت الكلام دة مېت مرة و عارفة ان رضا وهي مع بعض إية المشكلة رضا غلبانة وبيسلوا بعض وعيال رضا حاطهم علي راسك لية مالهم رزق ربنا للغلبانة رضا .
عبد الله يامة انت عاوزة تشيليني رضا دي ضرتك وضحكت علي أبويا كان متفقأ معاها ما يقربلهاش وضحكت علية وغوتة وهربت منة لما عرف انها حامل علشان تورطة في العيال 
إنتصار غوتة !!! أستغفر الله العظيم يا رب كلام عزيزة إللي قولت لك أبعد عنها و لا كلام ستك أسكت يا عبد الله إنت ما تعرفش حاجة أنا أعرف رضا من قبل ما أسيب البلد واللي حصل بين ابوك ورضا بيحصل بين كل المتجوزين مش محتاجة تغرية و عادي مش حرام ولا عيب بلاش تملأ دماغك بكلام عمتك .
عبد الله هي رقية دي عمالة لك عمل إنت بدافعي عن مين دي خبتها هي و نهر عن أبويا و هما عارفين إنها ممكن ټموت هي و عيالها بس علشان تكيد ستي و عمتي يامة بلاش تبقي علي نياتك كدة عاوزة تنزلي البلد تروحي عند أحوالي بس كدة .
إنتصار أقسم بالله لولا أني مش عاوزة أوقع بينك وبين أهل ابوك لكنت قولت إللي يخليك تقاطعهم طول عمرك حكم عقلك يا دكتور رقية طول عمرها عرفت ټأذي حد و نهر إللي كانت أكتر من أختك تعرف ټأذي لكن عزيزة و ستك إنت عاشرتهم و عرفتهم أنا رايحة عند رقية يا عبد الله .
عبد الله لأ يامة عاوزة تسافري يبقي عند أحوالي غير كدة لأ .
نظرت إنتصار لة پغضب أسمع كويس إللي هقولة لولا رقية ما كنتش جيت معاك هنا أوعي تفتكر إنك كبرت عليا أنا امك يا ضنايا مش بنتك و ما تخلنيش أغضب عليك هسافر بكرة الصبح و هرجع مع علي و صدق كلامي وأبعد عن عمتك .
خرج عبد الله مغلقا الباب بقوة .
عند رقية
بعد أن صممت علي النقل في نفس اليوم ما دام البيت جاهز للسكن وسط ذهول رضا ونهر اللتان الحا عليها