رواية امال ضـائـعـة الفصل الثاني عشر بقلم اية احمد ابوداعوس

فله.
آمال فلة!! ههههه اول مرة تقولي الإسم دا .
بسملة إتوترت وإتلغبطت في الكلام وقالت لأ عادي أصل الإسم دا واحده بعزها كانت بتقولهولي دايما ف جيه في بالي فجأة وإتلغبطت وقولته .
آمال إمممم ماشي يا بسبوسة بس أنا بصراحة محبتش الإسم دا لولو منك أحلى .
بسملة ماشي يا لولو مش هتنامي ولا إيه.
آمال أها صح كويس إنك فوقتيني الكلام أخدنا والعشاء أذنت هقوم بقا أتوضى وأصلي وأنام عشان محاضرات بكره بالكوم يا زميلي ربنا يعينا وإنتي هتعملي إيه بقا .
بسملة لأ عادي هقعد شويه على التلفون وأنام .
آمال ماشي يا حبيبتي متنسيش تصلي هاااا قومي يلا إتوضي وصلي ركعتين لله كده وإدعي كتير ل مامتك ربنا يعافيها وأنا كمان هدعيلها ألف سلامة عليها يا بسبوسة.
بسملة حاضر الله يسلمك يا آمال.
الڪاتبة آية أحمد أبوداعوس 
آمال طلعت أوضتها وعماله تفكر ياترى مين اللي بسملة كانت بتقوله كلام حب في التلفون ومين اللي كانت واقفه معاه هل هو نفس الشخص اللي كانت بتكلمه ولا حد تاني وكمان كدبت عليا !! كده أنا معنتش أقدر أخد كلام بسملة ثقه لأنها بتكدب عليا وأنا عيني في عنيها 
بداية يوم جديد 
آمال و مها نازلين المحاضرات من بدري .
مها إمال فين صاحبتك !
آمال بسملة تقصدي 
مها أيوه .
آمال رنيت عليها كتير لكن مردتش وبعدين بعتتلي على الواتساب إنها مش جايا النهارده لأنها كانت سهرانه ومش هتقدر تواصل في المحاضرات.
مها نصيحة يا آمال خدي بالك من نفسك وخدي بالك من بسملة دي لأن أنا مرتحتلهاش بربع جنيه مش شبهك خالص يبنتي إنتي في وادي وهي في وادي تاني خالص تحسي عايشه حياتها ومش في دماغها هقولك بصراحه ومتزعليش مني بسملة دي بحسها بتغير منك ومش سالكه نظرتها ليكي مش بتريحني وطول م ليها مصلحه معاكي بتزاملك وتلاقيها ماشية معاكي لكن لو ملهاش خلاص متعرفكيش.
آمال انتي كلام مظبوط مينفعش ندي الثقة لأي حد بس بسملة والله غلبانة ومامتها مريضة وملهاش حد وهي اللي حبت تتصاحب عليا وتأخدني انا اقرب صديقه ليها مع انها اجتماعيه جدا بس حبت تقرب مني أنا بس انا كده كده مش عندي بيست يا مها إنتي قريبه مني أكتر من بسملة.
مها أنا بحبك أوي يا آمال وبجد مش مجرد كلام بحسك انتي أختي الصغيره الوفية الجدعة فخاېفة عليكي من الخذلان وۏجع القلب لأن غدر الصحاب وحش انا إتغدر بيا من صحاب كتير في الكلية عرفوني عشان مصلحتهم وبس وبعدين نفسيتي باظت وبقيت غشيمة في الكلام وأي حد يقربلي ببقا عاوزه أكله ولساني يطول عليه من كتر ما أنا نفرت من البشر فجيت خلعت الحجاب وعرفت محمود وهو الوحيد اللي حبيته وهو