رواية امال ضـائـعـة الفصل العاشر بقلم اية احمد ابوداعوس

و بسملة راحين محاضرتهم
أول ما آمال و بسملة دخلوا المحاضرة لقوا أكرم قاعد على البينش 
آمال إنزعجت جدا من المنظر فأكرم لاحظ إن شكلها تعبت من دخان السېجار وقلبه إنقبض لأن خاف عليها لكن قرب منها ونفخ دخان السجارة في وشها وخرج برة...
آمال إستغربت جدا من إللي عمله وبسملة واقفه مبسوطه إن هو عمل كده لأن هي بتغير من حبه لآمال.
آمال وهي بتكح جامد وعنيها إحمرت لفت وراها وبصت لأكرم بنظرة كلها عصبية وڠضب منه لكن بعدين دخلت وقعدت وقالت لنفسها حقه يا آمال يعمل كده بعد الپهدلة إللي بهدلتهاله في الكافية وصدك طول الوقت ليه بس حاولي تهدي وتتحكمي في أعصابك عشان يساعد مها ويرجع حقها من الحيوان صاحبه...
آمال طول المحاضرة قاعدة مش مركزة كويس وعماله تفكر تتكلم إزاي مع أكرم منغير ما تعرف بسملة ولا حد بالموضوع ولا تقف معاه قدام الناس لأن هي مش عاوزه أي حد يشوفها مع شاب عشان محدش يظن فيها سوء وهي في حالها ملهاش علاقة بحد.
مرة واحدة وهي عماله تفكر الدكتور نادى على آمال عشان لاحظ إنها سرحانة مش كالعادة قاعدة مصحصحة 
الدكتور آمال!!... آمال... انتي يا آنسه!!
آمال إضطربت جدا من صوت الدكتور العالي واللي واضح عليه العصبية هاااا...نعم!! نعم يا دكتور وقامت وقفت .
الدكتور إحنا كنا واقفين فين يا آمال.
آمال إييييييه !! إيييييييه!.
الدكتور إيه إيه يا آمال ! مش دا الطبيعي بتاعك قاعدة مش منتبه معايا يا آنسه!! إحنا هنخيب قبل الإمتحانات بأيام ولا إيه! دا الجدول نزل يا هانم..
آمال أنا آسفة والله يا دكتور بس منمتش كويس إمبارح وفعلا مكنتش مركزه آخر مره وعد .
الدكتور طيب تمام روحي إغسلي وشك فوقي وتعالي المحاضره طويله لسه قومي يلا على الحمام فوقي كده .
____الڪاتبة_آية_أحمد_أبوداعوس_______
خرجت آمال تغسل وشها وهي خارجة جي في بالها إنها تروح لأكرم عند المدرج بتاع الفرقه بتاعته وبما إن هو فرقه مها ومها عندها النهارده محاضرات فممكن يكون هو كمان موجود معاها 
آمال أول ما جيت الفكره في دماغها ويدوب لسه طالعه على السلم لقت أكرم في وشها طالع قدمها..
آمال أول ما شافت أكرم قدامها على السلم إتحرجت منه بعد إللي عملته معاه وإتوترت وقالت لأ خلاص مش هتكلم أنا معاه هستنى أي فرصة لو شوفته قدامي ويكون عندي شجاعه وقتها ونزلت آمال من على السلم .
مرة واحده آمال لقت أكرم بينادي عليها آمال!!.
آمال إتجمدت مكانها وأول مرة تحس بالتوتر دا وضربات قلبها عماله تدق بسرعة رهيبه من الخۏف والتوتر وبتقول لنفسها هو دا أكرم!! بعدين لفت آمال وشها لأكرم .
آمال نعم يا أكرم.
أكرم أول ما سمعت