رواية محكمة الحياة الفصل التاسع بقلم مروة البطراوي

برائتك يا حبي
انما ايه الجمال ده يا جميله بصراحه احنا بيتنا هينور لما تتجوزى اكمل له حق يستعجل و يقعد النهارده و يصمم يحدد ميعاد للفرح بسرعه
دبسنا احنا يا كامل في ابنك انت واحد عايز تخلص من ابنك و رخامته مالك بيا و بنتي بقي و بعدين انا قلت اخر السنه في الفاكنس علشان اسافر معاهم
عندك حق يا هشام و انا كمان شابط في ام السفريه دي معاهم بس يا بختك معاك قدريه انا بقي هاخد مين ممكن اخد كاميليا علشان تبقي تحت عيني
نظر هشام المرشدي الي جميله و وجه لها حديثه قائلا
حضرته عايز يقطع عليكم شفتي قلت لك كامل و اولاده لا منه و لا كفاية شرهم انتي اللي قلتي موافقه يا بابا ماشي هتمم الجوازة بقي قبل الفاكنس
ابتسمت ابتسامه سمجه و تقدمت نحو سيارة والدها تريد الرحيل ليستاذنهم هشام و يرحل معها حاول طيله الطريق جذب اطراف الحديث معها و لكن دون جدوى كانت تطلق عليه نظرات ناريه و كانها تتهمه انه سر تعاستها هي ليست كذلك و لكن هي كانت تتخيل اكمل امامها و لكن تلك النظرات ذكرته بنظرات ابنه الراحل و كلماته المسمومه
هاقتلك
نيران القسۏة التهمت عينيه و كان الشيطان يصفق له مع كل حرف من هذه الكلمه و كان اللحظة الافضل لاولاده هي مۏته ها هو ابنه يريد قټله و ابنته تقتله بسهام عينيها
هاقتلك
كلمه لا تنسي و محفورة في ذاكرته للابد
وصلا منزلهم قابلتها والدتها في حديقه المنزل
وديتي ابوكي يتغدا بره يا جميله و لا طنشتي كالعاده انا مطبختش حاجه شكلك بيقول طنشتي انتي مالك اليومين دول انتي ناسيه ان ابوكي مريض

ابتلعت جميله ريقها بمرارة و هزت راسها و هي تحاول تبرير موقفها قائله
اه يا ماما انا روحت ليه المحمه علي هذا الاساس بس هو اللي مرضاش و وصلني و راح يجيب اكل حتي قلت له نطلب ديلفرى مرضاش
حملت قدرية صينية القهوة من علي الطاوله و اخذت ترتبها لحين ما ياتي هشام و يتناولوا الطعام سويا و لكن وجدت ابنتها تود الرحيل
طيب استني حتي وضبي معايا المكان و نجيب اطباق علشان لما يجي ناكل علي طول الجو هنا حلو مفيش داعي ندخل جوه خنقه و انا ما صدقت ان في هوا
صممت علي طريقها لا تريد لوالدتها ان ترى حالتها المرذيه عندما تتطلع في عينيها
معلش يا ماما سيبي نايبي انا ورايا بحث مهم ناويه اقدم علي الماستر بقي كفايه تاجيل و معلش يا ماما بلاش حد يزعجني انا هقفل فوني 
انا هوضب الطربيزة لحد ما يجي ابوكي و يشوفله صرفه معاكي انتي مش متظبطه من امبارح و اكيد الباف اكمل اللي معكنن عليكي 
وقتها تذكرت جميله عينيه القاتمه مثل قلبه و ردت علي والدتها قائله
متضحكيش علي نفسك يا ماما هو منكدش عليا انتي بس بتتلكك ليه مش حباه كرهاه من امتي انتي بقيتي منطلقه و بيهمك صحه بابا و بتخرجي من اوضتك اظن من حقي اعزل نفسي زيك عن اذنك
دلفت غرفتها و هاتفت جدائل و تعالي نحيبها لتحاول جدائل تهدئتها لترد جميله قائله
ڠصب عني مقدرتش اصدقه عيونه كلها بتقول انه بېكذب بس ليه ېكذب هيستفاد ايه لما يبعدني عن غسان انا اصلا مش عايزة غسان مش مستوعبه
ردت عليها جدائل قائله
هتفضلي ټعيطي كده كتير خدي موقف يا جميله مش مصدقه اكمل خلاص ارفضي ترتبطي بيه هو مش هيجبرك علي كده