رواية حكاية روح الفصل الثاني والاخير بقلم رشا منصور

علشان طمعان فى الورث.
وفضلوا يضحكوا وانارشامنصور سامع صوت جمال وبيقول ساعدوني
كنت واقف وشايف كل اللى بيحصل وكأني بتفرج ع شاشه تليفزيون ولقيت نفسي بجري روحت للبير وفضلت أحاول لحد ما الغطاء الحديد وقع 
وشغلت كشاف الموبايل ولقيت جثته ولقيته ظهر قدامى أبتسم لى وبعدها اختفي
دخلت البيت وانتظرت أول ما النهار طلع اتصلت بالبوليس بعد ما لقيت فى شبكه فى الموبايل وحكيت لهم ع كل حاجه ميعادا ان ماجد كان ع علاقه ب مرات عمه وطبعا افتكروني مچنون
ولما البوليس حفر مكان ما قولت وجدوا چثة أسماء متحلله والضابط مكنش مستوعب كل اللى بيحصل 
اومال لو عرف ان شبح جمال هو سواق العربيه اللى جابتني هنا وفجأة لقيت تليفونى رن وطلع إسلام ولسه بقوله فينك لقيته بيقولى انت كنت قافل موبايلك ليه بقالي يومين بتصل عليك ..
قولت له انا فى بيت عمك جمال وراجع القاهرة استغرب كلامي وقالي انت عرفت البيت ازاى وكمان عمي مسافر هو ومراته قولت له اسأل أبوك عم سالم
قالي ابويا فى المستشفي جاتله غيبوبة سكر وكنت بكلمك علشان تخلي أختى عندكم فى البيت احنا بقالنا تلاته أيام فى المستشفي
قولت له هجيلك واخدت منه عنوان المستشفي وطلبت من الضابط يوصلني اى حته اركب منها واروح القاهرة لانى معرفشي اى حاجه هنا قالى بعد ما ناخد اقوالك فى المحضر هخلي عربيه توصلك لحد المحطه
دخلت اخد شنطة هدومى سمعت حركه فى أوضة المكتب وزى ما يكون حد بينادى عليا دخلت لقيت ظرف ع المكتب ولقيت شبح جمال واقف وبيقولى انقذتني وحررت روحى شكرا لك وشاور ليا ع الظرف اخدته وحطيته فى شنطتي 
وروحت مع الضابط القسم واخد منى مواصفات الرجاله التلاته واخد رقم تليفونى وقالي ممكن نحتاجك تانى وباعت معايا عسكري. وصلني للمحطه وأول ما وصلت القاهرة
اخدت تاكسي وطلعت ع المستشفي وسألت ع غرفه عم سالم ومجرد دخولى فاق ع طول فضل اسلام يقولى وشك حلو علينا والدكتور كشف عليه وقاله الحاله مطمئنه جدا والسكر اتظبط والكل بقي مستغرب
فضلنا نهرج شويه وبعدين إسلام رجع سألني وقالي أنت كنت فين بصيت ل أبو إسلام قولت له مش أنا اتصلت ب حضرتك ع التليفون الارضي لما فضل موبيل اسلام يديني مغلق من تلات أيام وحضرتك قولتي ان اسلام سافر وطلبت منى أروح بيت أخوك جمال .
بصلي بأستغراب وقالي أنا كلمتك ازاى وكمان التليفون الأرضي يابني إحنا لا غينا الاشتراك بقالنا أكتر من سنه 
وحتى النت عندنا هوائي وكمان جمال أخويا اختفي فجأة هو ومراته وشكلهم كدا سافروا يعني محدش فى البيت من بعد حاډثه ابني ماجد . وهو اختفي اصل كان بيحبه أوى
قولت له أخوك مش مسافر وحكيت لهم كل حاجه حصلت و
اديته رقم تليفون الضابط وأول ما قولت إسم أشرف قالي ده المدير التنفيذي شغال عند جمال وفى غياب جمال هو اللى بيدير الشغل قولت له هو ده اللى قتل اخوك
اتصلت بالضابط المسؤول وقولت له ان فى واحد شغال عند جمال اسمه اشرف وده نفس اسم الشخص اللى قټله
قالي هيتم القبض عليه ومطلوب منك تحضر علشان تتعرف عليه قولته حاضر 
وبعد ما قفلت معاه طلعت الظرف وفتحته ولقيت ورقه مكتوب فيها
إذا كنت تقرأ هذه الورقه فذلك يعني إنى مېت وصيتي لك ان تزرع الأرض وتعمرها وتعمل مزرعه وتخصص جزء منها للأطفال الأيتام وشكرا لك يا من حررت روحى
امضاء .. جمال الدين إسماعيل 
عم سالم اخد الورقه وقالي ده فعلا خط ايد جمال أخويا وفضل يبكي ع أخوه وابنه وأنهم ماتوا غدر وضحېة. لواحدة طماعه وخاېنة.
وطلب من اسلام ان بعد الانتهاء من القضية واجب عليه تنفيذ وصيه عمه وطلب منى إنى اساعدهم واعتبر نفسي شغال معاهم وليا نصيب من الأرباح 
خدت بعضي وروحت البيت وقولت ل أبويا إنى هشتغل مع عم سالم هنزرع الأرض ونعمل مزرعه دواجن وحظيرة مواشي فرح وقالي أخيرا هتعمل حاجه صح
وتانى يوم سافرت مع عم سالم وروحنا القسم والضابط جاب لى عرض المجرمين أكتر من سبعه رجاله قولت له ولا واحد بعدها دخلي سبعه كمان لقيت من ضمنهم اشرف مسكته وفضلت اضرب فيه
واقوله دفنته بالحيا ومۏت صاحبي أنت لازم ټموت زيهم العساكر. بعدونى عنه بالعافيه
والضابط جابلي ليمون وفضل يهدي فيا وطلب منى انى اوصف للرسام شكل الاتنين اللى كانوا مع أشرف وصدر أمر تفتيش شقته ومراجعه حسابات الشركة 
ومع التحقيقات تم إتهام أشرف بتهمه القټل العمد واختلاس أموال الشركه والقبض. ع شركائه
وبعد ستة شهور تم الحكم ع أشرف بالمؤبد فى قضية القټل العمد وعشر سنوات فى تهمه الاختلاس مع الأشغال الشاقة
والحكم ع أعوانه كل واحد منهم ب خمستاشر سنه مع الشغل
وبعد ما انتهت القضية وظهرت الحقيقة روحنا الأرض وعم سالم جاب عمال ومهندسين زراعه وعمل مزارع دواجن وربي مواشي وأبويا ساعدنا لانه عنده خبره فى الزراعه وكنا بنشتغل أنا وإسلام وكل العمال وآخر اليوم ب نبات فى البيت 
وبعد سنه واحدة بقينا أكبر مزرعه دواجن وطلع أول محصول للارض وخصصنا نسبه من الأرباح للأطفال الأيتام
وتمر السنين ولحد انهاردة بحس بوجود روح عم جمال جنب البير واوقات كتير بشوفه بيبتسم ليا كأنه بيشجعنا ..
وهى دى كانت حكايتي مع روح عم جماا
تمت بحمد الله