رواية رحماء بينهم الفصل الثامن بقلم علياء شعبان

فاهم!!
الشيخ مؤمئا في هدوء
يعني في شروط علشان الرؤيا تتحقق سواء بالخير أو الشړ خليني أسألك سؤال هل الشخص اللي فسر لك الرؤيا دا شخص قريب أوي منك وبينكم ود
أومأ الأخير سلبا فباغته سليمان بسؤال آخر
طيب راجل عالم أو قريب من ربنا أو صاحب رجاحة عقل أو رأي
الأخير بنفي يقول
لأ دا زميلي في الشغل.
ابتسم سليمان ابتسامة هادئة ثم قال
ولا تقصها إلا على واد أو ذي رأي.
سكت سليمان لبرهة ثم أكمل
معنى الكلام دا إنك تختار شخص عنده رجاحة عقل أو لسانه كويس فاهم في آداب التعبير علشان تكون واثق إنه هيختار الوجه الحسن من الرؤيا طالما تحتمل الخيارين فليه مقولش الوجه الخير منها!!.. اسمع خلاصة الكلام يابني الرؤيا ليست لأول عابر يفسرها ولكن لأول عابر أصاب وجهها لو كانت رؤيا مرموزة!! فاهم حاجة!
أومأ إيجابا ثم قال بهدوء
قصدك إن الرؤيا الغير مباشرة بتكون شبه الرموز وكل واحد بيفسرها على مزاجه بس الشخص الفاهم والمطلع والدارس للعلم دا هو بس اللي هيقدر يفسرها صح سواء كانت خير أو شړ وفي الحالتين مش هيقول غير المنظور الخير منها!!!
رفع سليمان كفه ثم ربت على كتف الشاب وقال بصوت عذب
أحسنت وفي بعض العلماء ربط الحديث دا بحديث البلاء موكل بالنطق به فدائما تعبيرهم بيكون عن الوجه الخير للرؤيا بس فمش كل من هب ودب أو واحد ماشي في الشارع فسر لك رؤيا أو حلم تبقى صح دا لازم يكون على علم ودراية.
لمع ضوء الأمل في عين الأخير فسأل بفرحة حذرة
يعني اللي قاله دا غلط
سليم بابتسامة داعمة
طول ما هو مش دارس ولا متفقه في التفسير يبقى ولا كأنك سمعت حاجة ونصيحة يابني لما يراودك حلم أو رؤيا سيئة أو مضمونها سيء من وجهة نظرك فحاول تسرها في نفسك واستعيذ بالله ومفيش حاجة وقتها هتحصل فهمتني
الرجل وهو يشكره بامتنان
أوامرك يا شيخنا.
سليمان وهو يزدري جملته بكلمات لينة
الأمر لله وحده يابني يلا شوف حياتك وأكل عيشك.
شكره الرجل مرة أخرى ثم غادر على الفور نهض سليمان وخرج من الحجرة وهو يترقب وقع خطوات الشاب الذي كان على وشك أن يفقد الأمل من رحمة الله شعر بسعادة كبيرة حينما أقنعه بالخير الآتي إليه وصحح له ما يعتقد فيه خطأ وتمكن من تبديل حاله إلى آخر مطمئن في تلك اللحظة رأى تليد يقف في زاوية بعيدة ويتحدث عبر هاتفه فانتظر حتى فرغ وجاء إليه قائلا بلهجة لينة
ها يا أبويا تحب نتحرك إمتى!!
ابتسم سليمان ثم أجابه بهدوء
دلوقتي.
على الجانب الآخر
ذهب نوح إليها بعد أن أخبره الولد بضرورة حضوره عاجلا خطت أقدامه عتبة الحظيرة وراح يبحث عنها بعينيه حتى وقعت عليها وهي تجلس وسط مجموعة من الأبقار وتصيح في العاملات من حولها بصوت متحشرج مكروب
هاتي شوية مية سخنة بسرعة يلا!
أومأت العاملة منصاعة وغادرت على الفور سار بهدوء نحوها ثم أردف يسألها ببرود لا يتناسب مع الموقف الواقعة فيه
خير يا مهغة عايزاني في حاجة!
ابتلعت ريقها على مهل ثم أردفت بصوت متعجل ثابت
هو إنت مش دكتوغ!!!.. تعالى ساعد معايا.. تلت حالات ولادة في نفس الوقت.
حدق نوح فيها مصډوما ثم أردف مستنكرا وهو يضع كلا كفيه في جيبي بنطاله
نعم أنا بولد بني آدمين مليش أنا في الحيوانات خالص.
التوى شدقها ثم صاحت فيه بغيظ
الدكتوغ الشاطغ بينجح في كل حاجة طالما عنده الأساسيات يلا ساعدني!!!
أشاح بوجهه للجهة الأخرى وراح يرمقها بنظرة مختلسة من جانب عينيه لتضغط على أسنانها ثم تهتف مرة أخرى