رواية دواء الروح الفصل الثالث بقلم اماني سيد
الله يرحمه لما جاله ومقدرناش ننقذه
يابنى بلاش تتشائم الطب اتطور كتير عن الأول وانا مش هسيبك يا سليم
وهما بيتكلموا جت رساله على تليفون سليمان فتحها وقرا النتيجه بصمت
مش قولتلك أنا عارف
متقولش كده انت فاهم انا هبعتها لاكبر مستشفيات المانيا وهتتعالج حتى لو هنبيع كل اللى نملكه
لا اوعى تكمل كده احنا مصدقنا فتحنا المكتب وبقى يشتغل
نعرضها ونشوف كلام الدكاتره وبناءا عليهم هحدد بس عايزك فى كل الأحوال تحترم قرارى يا سليمان انت فاهم
حاضر بس انا متفائل وعارف إنك هتخف
بتمنى ده..
وصلت نداء المستشفى ووصلت لمكتب دكتور رفيق وخبطت على الباب ودخلت
أهلا اهلا دكتوره نداء اتفضلى
خير قولى
اول حاجه انا خلاص فرحى الأسبوع الجاى فكنت عايزة اجازه أسبوع
تانى طلب انت عارف ظروفى وكده وكنت عايزاك تبقى وكيلى فى الفرح
بس كده عينى طبعا هاجى انا والمدام وعايزك لو احتاجتى أى حاجة ماتتردديش لحظه واطلبها منى
شكرا يا دكتور عن أذنك
أهلا بالعروسه منوره
ازيك يا نوفا عامله ايه
وشك منور انهارده
خلاص فرحى الاسبوع الجاى واخدت اسبوع اجازه من دكتور رفيق
ربنا يوفقك يارب ويتمملك على خير
بقولك بقى كنت عايزه احجز كوافير وكده وننزل نشترى فستان للفرح
اتفقنا
بس طمنينى طه وامه عاملين معاكى ايه
كويسين اوى تصدقى إن مامته اصرت انها تكتب قايمه ولما قريتها لقتها كاتبه كل حاجه حتى الاطباق البلاستيك
بجد
اه طبعا وانا عملتله تيست وعرضت عليه فلوس عشان اساعده رفض رفض قاطع ومش بس كده قالى انه هيدينى إيجار الشقه
مر باقى اليوم وبعدها خرجت نداء مع نيفين وراحوا حجزوا فى مركز تجميل متوسط الحال وقامت نداء بتأجير فستان زفاف من احدى المحلات
انا مش مصدقه انك نزلتى زى البنات جبتى لبسك بنفسك دايما بتدى حماتك الفلوس وهى تجيبلك
منا بجيب اونلاين وهى بتستلمهم
يابنتى برضو لما تنزلى تشترى بيكون ليه طعم تانى وبتجيبى الحاجه اللى بتناسب جسمك
انا دلوقتي بقى عايزه اروح محتاجه انام انام من التعب
تمام يا نداء مع السلامه اشوفك بكره ولول احتاجتى حاجه قوليلى
مر اسبوع ونداء ادت طه وزينب المفتاح وطه أخد اجازه وفرش البيت كله على ذوقه والفرش القديم كله باعوا وجابوا جديد وغيروا الشقه اصبحت شقه تانيه واستغل طه وجود نداء فى المستشفى وجاب رنا ڤرجها على الشقه هى واهلها وبدأت رنا
