رواية خفايا القلوب الفصل الواحد والعشرون بقلم نور محمد

وقالت ايوه في غرفتها ومن وقت رجوعنا وهي حابسه نفسها هناك ومش عاوزه تكلم حد
حمدي وقف وتهند بحزن وقال تمام انا هدخل اتكلم معاها وهفهمها كل حاجه كمان عن ازنك
زهره ابتسمت له بسعاده وحمدي سابها ودخل غرفه اخته لقاها على سريرها وهي ضامه نفسها بدموع وحزن فقرب منها وقعد جنبها واخدها في حضنه بحنان اخوي وقالالقمر بتاعي زعلان ليه كده
ردت جميله بدموع وقالتموجوعه يابيه موجوعه على ابني اللي ماټ بدون زنب وموجوعه كمان على يوسف لان رغم اللي عمله معايا بس انا حبيته اوي ومش قادره اعاقبه او اسامحه على اللي عمله معايا
حمدي حس بغضه في قلبه على حاله ودموع اخته جميله قدامه وقال بحزنوهو كمان موجوع ياجميله يوسف كمان موجوع زيك واكتر منك كمان صدقيني انا روحت السچن وشفت حالته ايه بس انا مش عاوزك تظلميه لاني كنت حاضر وكل حاجه حصلت قدامي
جميله بصتله بتعجب وعدم فهم وحمدي حمحم وقال بصدقاحم يوسف صحيح غلط بس زي ماقولتلك قبل كده هو كان مخدوع وانا كمان كنت مخدوع زيه يوم مااغمي عليكي في محل يوسف اخر مره الدكتور الزباله ده كڈب كڈب علينا وقال انك مريضه قلب والحمل خطړ اوي على حالتك ويوسف من شده خوفه عليكي غلط بدون وعي معاكي فكري ياجميله في حالته دلوقتي هو قتل ابنه بأيده وبدون سبب كمان صدقيني يوسف اتوجع اكتر منك بسبب اللي عمله معاكي ياقلبي
جميله كانت بتسمعه پصدمه وزهول وهي مش مصدقه اللي بيقوله حمدي اخوها وقالت بعدم تصديقطيب ياابيه لو كلامك ده صحيح اكيد يوسف عرف مين اللي طلب من الدكتور الزله ده ېكذب عليكم كده صح!
حمدي توتر اوي من سؤالها وبقى يحاول بجمع أي كلام مناسب للخبر الصاډم بنسبه لها لانه عارف رد فعلها هيكون ايه فقال بتوتر وقلقايوه عرف مين اللي عمل كده بس الاول انا عاوزك تهدي علشان افهمك كل حاجه براحه لان الموضوع ده صاډم بنسبه لك ياجميله
جميله برقت فيه پصدمه وقلق كبير وقالتفيه ايه ياابيه انت مخبي عليا ايه قول بسرعه ارجوك انا قلبي مش مطمن ابدا قصدك ابو زيد السبب علشان ينتقم منه مش كده!
حمدي بصلها بقلق وخوف من كريقه كلامها معاه الغير مبشرة ابدا وقال بحزن وتوتراحم لا مش ابو زيد حد تاني يوسف يعرفه كويس بس احنا اول مره نسمع عنه
جميله اڼصدمت اوي من كلام حمدي اخوها لان العيله كلها تعرف كل اعداء وصدقاء يوسف وعمر يوسف ماخبى عنهم حاجه قبل كده فقالت پصدمه وقلقحد مين يا ابيه قول بسرعه ارجوك فهمني لاني قلقانه اوي عليه
حمدي بصلها بتردد وخوف ولسه هينطق الاسم سعموا سوى زهره من الخارج وهي بتتخانق مع حد فجروا بسرعه خارج
الغرفه ووقفوا سوى پصدمه وزهول لما لقوا قدامهم فتاه في العشرين من عمرها وهي حامله على ايدها بنت صغيره عمرها تقريبا سنه ونص
وزهره بتتخانق معاها وهي بتقوللاخر مره هسئلك انتي مين وعاوزه ايه
بصتلها ببرود وتجاهلت كلامها كله وبصت على جميله بخبث وقربت منها وقالت ببسمه مستفزهاهلا ياضرتي اعرفك علي نفسي انا مريم مرات يوسف جوزك وام بنته كمان
حمدي وجميله بصولها پصدمه وزهول كبير وووو
يتبع...بقلم نور محمد