رواية خفايا القلوب الفصل الرابع عشر بقلم نور محمد

على حاله يوسف قدامه وقاله ببسمه حزن موافق يايوسف خلاص اهدي وانا هساعدك وجميله هترجعلك تاني تمام بس انت اهدي كفايه كده
يوسف بصله بلهفه ممزوجه بفرحه كبيره وامل وقال بجد احلف كده بجد هتساعدني وجميله هترجعلي تاني قول وحيات جميله كده
حمدي ابتسمله بطمئنان وحزن وقال والله اهكلمها وهحاول اقنعها كمان بس سيبها دلوقتي علشان هي موجوعه اوي ومحتاجه تهدي شويه الاول
يوسف بحزن حاضر بس باليل كده هترجع هنا تاني علشان مش هقدر انام وهي زعلانه وبعيده عن حضڼي
وقف حمدي وبصله بسخريه وحزن وقال طموح اوي.. ادعي وان شاء الله خير عن ازنك بقى هروح اكلمها
يوسف بلهفه وخوف طيب ممكن اجي معاك والنبي علشان وحشتني
ضحك حمدي عليه بخفوت وقال لا خليك انت هنا احسن تزيد والطين بله وانا لو وافقه هجيبها بنفسي ليك تمام
يوسف سمعه ووقف بسرعه وقال يارب توافق انا هنزل اصلي في الجامع وهدعي انها توافق وباذن الله ربنا هيقبل مني
حمدي ابتسمله بدعم وقال اللهم امين يارب ياله انا همشي دلوقتي سلام
يوسف ببسمه سلام وشكرا اوي
حمدي بصله ببسمه وهو مش مصدق ان يوسف بيحب اخته جميله الحب ده كله حس باراحه تجاهه وتأكد ان جميله هتعيش معاه سعيده جدا بس دلوقتي لازم يلاقي طريقه بقدر يقتعها انها تسامح يوسف تاني
وعلى الجهه الاخرى في منزل ابو زيد
كان قاعد پغضب رهيب وقدامه اولاده الاتنين مجبسين وامهم بټعيط عليهم
سميحه بدموع ياولادي اللي اتكسروا بدون زنب بسببك يابو زيد كله منك انا كام مره قولتك تبعد عنهم احنا مش قد عيله الزهيري وانت مش بتسمع مني
ابو زيد بضيق ماكفايه بقى ياوليه اسكتي انا فيا اللي مكفيني بس وحيات شنبي ده مهسيبهم وحق ولادي هاخده منهم هما الاتنين وبكره تشوفي انا هعمل ايه
سمحيه بلطم يالهووي ناوي على ايه تاني يابو زيد كفايه اللي حصل لولادك بسبب كرهك ده ليهم ارحمنا بقى واتهد
ابو زيد پغضب مش ههدى ياسميحه قبل مااخد حقي وكل حاجه ملكهم كمان وقريب هاخد اللي عاوزه وهتشوفي ده بعينك
سميحه بصت تجاهه بقلق من القادم وهي بتدعي ربنا يحفظ ولادها من شړ ابوهم اللي هيضيعهم بدون زنب من غيرته وحقده على ولاد الزهيري
اما حمدي فرجع لمنزله تاني وتوجه لغرفه جميله وخبط الباب واول ماسمع صوتها دخل ولقى عماد قدامها بيهديها وهي بټعيط
فقرب منهم حمدي بحزن وقال جميله انتي كويسه
جميله بصتله بعتاب ودموع ومردتش عليه فقرب منها حمدي وقعد قدامها ومسك ايدها وقال انا عارف انك موجوعه اوي وقلبك مجروح بس ده كله بسببي ياجميله انا السبب حبيت وغلطت والكل دفع التمن معايا بدون زنب
نزلت دموعه قدامها بۏجع وكمل انا ضعفت وياريتني مۏت قبل مااضعف كده زمان بس والله ماكنت متوقع ابدا انها تعمل