رواية خفايا القلوب الفصل الحادي عشر بقلم نور محمد

البارت الحادي عشر
(خفايا القلوب)
حمدي غمض عنيه بستسلام وخوف وقال في نفسه خلاص مبقاش فيه مفر من الهروب دلوقتي لازم الحقيقه تظهر وربنا يستر بقى من ردت فعلهم عليها فتح بقه وقال حاضر ياماما انا هقولك اللي حصل من الاول و
سكت حمدي فجأه على صوت سندس اللي قالت بسرعه وصدق حقيقي انا انا اللي طلبت منه يجوزني يامرات عمي علشان انا في الحقيقه بحب حمدي مش عماد
قالت جملتها مره وحده قدامهم تحت نظرات الصدمه والزهول اللي احتلت المكان كله حولها
حمدي بصلها پصدمه وزهول وعماد بصلها پألم وحزن اما زهره فكانت من جوه فرحانه مع انها عارفه بمشاعر عماد تجاه سندس بس حست ان كلام سندس نابع من قلبها وبكل صدق حقيقي

فقالت زهره بفرحه تمام ياحبيبتي وانا مصدقاكي اصلا الحب ظاهر في عنيكي لحمدي ابني من زمان
عماد بص على امه بحزن ووقف بدموع وقال عن ازنكم انا هدخل انام علشان عندي شغل في المستشفي بدري بكره
الكل هزوا رأسهم بتفهم وحزن على حالته وحمدي حس باندم تجاهه فمسك ايد سندس بقوه وقال واحنا كمان هندخل نرتاح بقى علشان اليوم كان متعب اوي عن ازنكم
زهره ابتسمت لهم بهدووء وجميله كانت مش فاهمه حاجه ابدا
وعند حمدي دخل غرفته بضيق وڠضب ودفع سندس قدامه وقال پحده ممكن افهم ايه لازمه الكذب ده حد قالك تتصرفي من دماغك كده قدامهم
سندس پخوف انا انا بس كنت عاوزه اساعدك و
قاطعها حمدي پغضب وانا مطلبتش منك المساعده ياسندس انتي بكذبك ده خربتي كل حاجه
وقرب منها وشدها من زراعها بقوه وقال واخر مره تتصرفي كده من دماغك ياسندس انا مش مستعد اخسر اخويا علشانك انا اخويا بادنيا كلها عندي ونظره الحزن ودموعه دي اللي حاول يخبيها قدامنا حړقت قلبي انا اقدر استحمل أي شئ في الدنيا بس عيلتي تبقى بخير وسعاده
سندس بدموع وحزن طيب وانا كمان مش من عيلتك ياحمدي مفيش ليا أي غلاوه عندك
خلصت جملتها ووضعت ايدها على مكان قلبه بحزن وكملت مفيش هنا ولو زرة غلاوه واحده في قلبك ليا
حمدي ركز على عنيها والدموع زينتها بطريقه تجنن وبدون وعي لقي نفسه قرب منها ووضع قبله حنونه على عنيها الاتنين وقال بهمس حقك عليا
سندس ابتسمت بسعاده لان قربها ودموعها اثرو فيه فقالت بحب انا بحبك
حمدي سمعها وفاق بسرعه وبعد عنها پغضب مش منها من نفسه لانه ضغف كده قدامها فتهند بضغف وسحب شعره للخلف بقوه بصلها بحزن وقال سندس انا مش عاوز اجرحك بس انا
وقبل ماينطقها سندس حطت ايدها على بقه برجاء وقالت لا ارجوك متنطقهاش ياحمدي مش هتحمل اسمعها منك
حمدي بصلها بحزن كبير وبعد عنها واخد هدومه ودخل الحمام بدون أي رد فعل منه وسندس قعدت على السرير ودموعها