رواية خفايا القلوب الفصل الثامن بقلم نور محمد

مكانه وبقت تلف حول نفسها بسعاده كبيره
سندس بسعاده وفرحه طفوليه الله دي اجمل سلسله شوفتها في حياتي جميله اوي اوي
وبصت تجاه حمدي اللي كان متابعها بأعجاب كبير وقالت برقه شكرا بجد دي اجمل هديه اخدتها في حياتي تحفه اوي ياحمدي
حمدي وقف وقرب منها ببتسامه واعجاب وقال طيب ممكن تسمحيلي البسهالك حابب اشوف شكلها وهي حولين رقبتك
سندس توترت اوي من طلبه وبقى قلبها يدق پجنون لما حمدي قرب منها ومسك السلسله منها وقال بحنيه قولتي ايه موافقه
هزت رأسها بتوتر وكسوف فقرب منها حمدي ووقف خلفها فتح السلسله وحطها حول رقبتها برفق وسندس وجهها بقى احمر اللون ودرجه حرارته ارتفعت اوي من التوتر والخجل
وحمدي قفل السلسله من الخلف ولفها تجاهه وهو بيتأمل ملامحها البريئه وخدودها اللي بقت مثل حبه الطماطم الناضجه من الكسوف وابتسم وقال شكلك يهبل وانتي بالكسوف ده
رفعت عنيها ليه پصدمه فضحك حمدي بتوتر وقال احم قصدي على السلسله شكلها يهبل وهي معلقه على رقبتك كده
سندس بصت في الارض بخجل واضح وقلبها بقى دقاته مسموعه لها فقالت بسرعه وتوتر واضح انا انا لازم امشي دلوقتي علشان اتأخرت اوي على ماما عن ازنك وشكرا اوي على الهديه
جرت بسرعه من قدامه وحمدي ابتسم لها بأعجاب وحط ايده على قلبه يتحسسه پصدمه وعتاب 
حمدي بضيق وصدمه لا لا مش عاوزك تدق تاني كفايه اللي حصل زمان بسببك انا خسړت كتير ولغايه دلوقتي بخسر وكله بسببك لا انا مستحيل احب تاني ابدا
تهند بتعب ودموع تجمعت في عنيه ورجع رأسه للخلف بحزن وقال بشتياق يااه وحشتيني اوي ياهند اوي
غمض عنيه وهو بيحاول يتخيلها قدامه مثل العاده بس حصل شئ غير متوقع ظهرت صوره سندس في خياله وهي بتبتسم له بطريقه ساحره خلته ابتسم لها بهيام وحب دقيقه واتنفض من مكانه پصدمه وعدم تصديق وقال لا مستحيل انا بفكر في مين دي دي حبيبته اخويا وقريب هتبقى مراته انا ازاي افكر فيها كده اصلا
وبخ نفسه بشده وتهند بتعب وارهاق من افكاره الغبيه ونكب على شغله وهو بيحاول يشغل نفسه علشان ميستسلمش لافكاره ودقات قلبه الغربيه بانسبه له بقلم نور محمد
وفي المساء في منزل جميله
كانت تجلس على سريرها وهي سارحه في خيالها مع حبيبها يوسف بهيام وفجأه دخل زهره امها الغرفه وقالت جميله قومي ياحبيبتي مرات عمك عايده ويوسف وسندس بره عاوزينك
جميله دق قلبها پعنف اول ماسمعت اسم يوسف واترتسمت بسمه كبيره على فمها ووقفت بحماسه وقالت بجد ياماما انا انا هجهز فورا خمس دقايق بس
زهره ابتسمت بسعاده على فرحه وحماسه بنتها اللي وحشتها من زمان وقالت تمام ياقلبي بس متتأخريش علينا
خرجت زهره من الغرفه وجميله جرت على الحمام اخدت شور سريع وطلعت لبست اشيك دريس عندها وكان
لونه زهري وعليه اشكال زهور متنوعه وفي نصه حزام ابيض وعليه حجاب ابيض رقيق وانيق اوي
خلصت جميله ووضعت القليل من الميكب الهادئ على بشرتها ابرز ملامحها الجميله الطفوليه وبصت على نفسها بسعاده لا توصف وهي بتقول يارب شكلي يعجبه النهاردا انا متأكده انه هنا علشان يطلبني من أبيه حمدي يارب ده اجمل يوم في حياتي بجد 
بقلم نور محمد
طلعت من الغرفه وهي متوتره اوي وصلت لصالون وخطفت نظره سريعه تجاه يوسف اللي كان مركز اوي معاها بزهول واعجاب كبير وجميله ابتسمت بسعاده وقعدت جنب اخوها عماد
عماد ببسمه والله انتوا نورتوا البيت كله
يوسف بأعجاب واضح شكرا البيت منور بأهله وقمره ياعماد
جميله سمعته وخدودها توردت بالون الاحمر من الخجل وعماد اخد باله منها وبصلها ببسمه وسعاده وقال تمام كده ندخل في المفيد لان الكتاب باين من عنوانه ها اتفضل يايوسف
يوسف ابتسم باحراج وقال بتوتر احم تمام انا جاي وبدون مقدمات كتير عاوز اطلب ايد جميله اختك على سنه الله ورسوله قولت ايه ياعماد
عماد ابتسم بسعاده كبيره على طلبه وبص على اخته جميله اللي ظهر على ملامح وجهها السعاده والرضا ولسه هيرد عليه بالموافقه
دخل حمدي بسرعه على الصالون وقال پغضب وحده طيب مش من الاصول برضو تاجي تطلبها من اخوها الكبير والا ايه يابن عمي
الكل انصدموا من رد فعل حمدي الغريب عليهم ويوسف بصله بضيق وتحدي وووو
يتبع...