رواية ساعة الاڼتقام الفصل السابع بقلم دنيا اسامة

يفعل كل شئ بعقله منذ الصغر
لم يتعامل بقلبه ومشاعره تجاه أي موقف يستدعي ذلك فيحكم عقله دائما وهذا ما يخشاه هذه المره لأنها فتاه وإذا بقيت علي هذا الحال فستتعلم درسا قاسېا لم تستطع نسيانه دائما.
انهت شهد حديثها مع والدتها لتقول 
هو بقي الظابط ده ي ماما فاهم إني اعرف مين قتل سمير وانا والله ما اعرف هو مين وكل اللي حصل قولتهولك اهو لكن ده مقدرش احكيهوله بناء ع طلب فريد.
كل ده حصل فاكره لسه تقولهولي ي شهد!
قالتها أمها بلوم كبير اتضح من عينيها لتعتذر لها شهد قائله بصدق 
صدقيني والله ڠصب عني
انا لحد الان مش قادره اتعافى من اللي حصل.
برضو كنتي حكتيلي ي شهد ومعملتيش ف نفسك كده ثم بعدين لا انتي ولا ايه ولا فريد ده ليكم علاقه بالچريمه ليه مخليكي تسكتي ومتقابليش حد!
ي ماما وقتها فعلا كانت الچريمه هتتدبس في ايه لأنها كانت معاه لولا ربنا سترها وكنت انا موجوده صدفه وفريد كان معاها
بقعد بيني وبين نفسي اقول لو فضلت قاعده هنا وظهرت نفسها عادي للناس كان ممكن ميجراش حاجه وتعيش حياتها طبيعيه ويكتشفو القاټل الحقيقي وبعدين بفكر وبشوف أن الصح اللي فريد عمله ده
بس اللي مستغرباه أنه لحد الآن مبعتليش ماسدج يطمني عليهم وصلو كندا ولا..!
انتي علي تواصل معاه ي شهد!
قالتها أمها مستفهمه لتجيبها شهد بالإيماء 
ايوه ي ماما
كل خطوه بياخدها بيبقى قايلي عليها وهو برضو اللي خلاني ارجع اعيش هنا وابعد عن هناك لأنه شايف أن اللي حصل ده كان مقصود بيه انا وايه ف مش عارفه والله ي ماما ايه الصح من الغلط
انا بقيت حاسه إني عايشه ف غابه ومش عارفه اخرج منها.
شعرت أمها بالخۏف عليها لتقول لها 
ي بنتي وليه عامله ف نفسك كده ! 
ما تقولي لماهر بيه اللي تعرفيه واللي حصل وانا متأكده أنه يقدر يساعدك وهيعرف يحل اللغز ده صدقيني لأنه من الواضح انه ذكي اوي.
اشاحت شهد رأسها عده مرات بنفي تقول لأمها بتحذير 
لأ ي ماما اوعي ي ماما اوعي ف يوم تحكي لحد حاجه عن اللي قولته محدش يعرف غيرك انتي وخالد وكفايه انتو بجد
ماهر ده مش سهل ي ماما انا شفت الغل والكره ف عنيه وشفت أنه قد ايه عاوز يعرف أي حاجه عن القضيه علشان يثبت قدام نفسه والكل أنه حل القضيه كعادته.! 
متوقعش ف يوم أنه يساعدني لو احتاجت
ماهر من أمثال الناس اللي بتفكر ف الشو والمظاهر وأنه يفضل بمظهر الظابط الناجح اللي مفيش قضيه بتفلت من ايديه بس انا مش هسمحله بده المرادي.
لوت سوسن فمها متعجبه تقول 
طيب ي بنتي إذا كان عليا ف سهل انا عمري ما هتكلم ف الموضوع ده بيني وبين نفسي حتى الدور والباقي ع خالد بقي نبهيي عليه.!
اطمني ي ماما خالد كأني مقولتلوش حاجه انا بثق فيه اكتر من نفسي.
زمت امها شفتيها بحيره تقول 
مهو واضح من اللي حصل تحت من شويه!
شعرت شهد بالحرج تقول بدفاع 
هو بس اتعصب ف هبت منه ي ماما لكن والله خالد أطيب حد شفته ف حياتي.
طيب وبالنسبه للي عملو فيكي!! انتي ازاي سمحتيله أنه يضربك ويعمل فيكي كده ي شهد! لا عاش ولا كان اللي يمد ايده عليكي حتى لو كان مين.!
قبلت شهد يد أمها تقول مهدأه لها