رواية عيسي القائد الفصل السابع عشر بقلم اية محمد

عيسى_القائد 17
عيسى... أنا كنت عاوز أتقدم ل حنة .. 
إلتفت عيسى ينظر له بهدوء ينتظره ليكمل حديثه فأكمل خالد يقول بحيره 
مش عارف أصلا هي هتوافق ولا لا أنا من فترة بفكر و حاسس إني إتشديت ليها من ساعة ما شوفتها بس اللي كان بيخليني اتردد انها رافضة فكرة الجواز تاني نهائي 
تاني!...
أنا عارف كل حاجه حنة كانت ضحېة اللي حصل دا يا عيسى إذا كان مجدي كان عاوز يعمل كدا في بنته اللي من دمه.. بس أنا لا عاوز أفتكر ولا عاوزها تفتكر كل دا.. فأنت اتكلم معاها و رد عليا 
أهلك عارفين ولا لا يا خالد ..

لا مش عارفين غير انها كانت متجوزة ومش عارفين إني هتقدملها ..
خد موافقتهم الأول وبعدين هتكلم مع حنة واللي فيه الخير يقدمه ربنا... يلا تعالا خلينا نفطر ....
تجمع كل أفراد العائلة والأصدقاء أمام الطعام الذي أعدته كلا من فردوس وحنه بإقتراح عيسى لا يدري كيف تطورت غيرته تجاه فردوس في تلك الفترة الزمنية القصيرة من داخله تمني زواج منتصر بها ولكنه الآن بات يكره تلك الزيجه و بات يكره منتصر بحد ذاته...
اتجه عيسى يجلس بجوار فردوس يسألها بإهتمام 
أحسن دلوقتي! ناقصك حاجه أجيبهالك!! ..
لا أنا زي الفل والله.. أختك أجمد من الحديد متقلقش...
ابتسم لها ثم بدأ في وضع الطعام أمامها تاركا منتصر في المقابل يجلس بجوار خالد وينظر له ساخرا يفسد عليه مخططاته لنري لأي مدي سيتمكن في التدخل بينه وبين زوجته..
تأففت حنة وهي تتابع هاتفها ثم نظرت لأختها تقول بآسف 
أنا معرفتش أخد أجازة يا فيفي مش عارفة أعمل اي قولتلهم إني عندي ظرف وقالوا مفيش بديل ليا 
أجابتها فردوس بهدوء 
روحي شغلك يا بت أنا كويسه والله وبعدين زمرد و طنط زينات معايا متشيليش همي يا حنون ...
ابتسمت لها حنة ولكنها لم تشعر بالراحة فهي برغم كونها تكبرها سنا إلا أنها تشعر دائما بالنقيض فردوس هي الداعم الأكبر لها تهتم لأمرها رغم كل شئ وبرغم ذلك لا تستطيع هي حتي مساعدتها مع إصابتها تلك.. 
من داخل تلك الأفكار إقتحم هو عقلها ألا يكفيه السيطرة علي قلبها المسكين و الآن باتت تفكر به كم كانت حمقاء لم تتحكم بمشاعرها هي فقط ضعيفة هشه ولا تفعل شئ سوي البكاء!!
بعد إذنكم هغير هدومي وأروح الشغل ..
في البداية حنة ومن بعدها تحرك الجميع أيضا لأعمالهم وتبقت زمرد و زينات و والدة خالد بجوار فردوس ليهتموا جميعهم بها... 
بنهاية اليوم عاد منتصر لمنزله للمرة الأولي من شهور يعود ليجد منزله كما تركه للمرة الأولي لا يتعثر برسالة منها تتركها له ربما تغازله او تعاتبه أو حتي تمزح بها بكلمات مشاغبة برغم كل مشاعره تجاهها إلا أنه لازال يحمل بداخله حبا كبيرا تجاه زوجته ربما لن يتجاوز ربما تلك المدة لم تكن كافيه..
أخرج هاتفه بعدما ارتمي بجسده علي الأريكة ليتصل بها ليأتيه الرد بعد لحظات 
جوزي اللي وحشته مۏت صح!! ..
طبعا طمنيني عليكي في ۏجع في رجلك ولا حاجه!! لو تعباكي نروح للدكتور تاني! أوعي تدوسي عليها ..
لا أنا كويسه الحمد لله الۏجع خفيف والدكتور خالد بص عليها وقالي دا طبيعي ..
الدكتور خالد عمل اي!! ..
هو.. جه من شوية كدا علشان ينادي لوالدته فهو دخل و سألني عاملة اي فقولتله علي الۏجع يعني فمسك رجلي من الجبيرة والله