رواية رحله الى الچحيم الفصل الحادي عشر بقلم اميره اسامه

البارت الحادي عشر...
وفجأه وبدون مقدمات بص زيدان بتركيز ...روح
بصوله كلهم 
تيتو ....بتقول حاجه
زيدان....روح يا تيتو روح عالمارينا قام الكل وقف يبص واستنوا نور البرق يظهر تاني وفجأه حصل البرق نور الجزيره والكل في نفس واحد...
روح..
حاتم....ازاي 
حط زيدان ايده علي راسه وفضل يدور بتفكير حوالين نفسه
تيتو....بتفكر فاللي بفكر فيه
وقف زيدان فجأه و بص لتيتو مقدمناش حل غير ده للأسف
داليدا...وهي واقفه تبص عالاتنين وهما بيتكلموا...هو في ايه
حاتم...ماتفهمونا بتفكروا في ايه
تيتو....لازم نخرج من هنا بسرعه دي فرصتنا الوحيده

ياسر...انا شايف كده 
نادين...مستحيل
نور....لا انا مش هقدر مش هقدر..
داليدا...ولا انا هقدر علي بال ما نوصل لليخت هكون مۏت من الړعب.
زيدان....اسمعوني بس. أعدتنا هنا ملهاش اي لازمه هنفضل هنا لأمته الاكل اللي معانا شويه وهيخلص الدقايق والساعات اللي جايه محدش فينا عارف هيحصل فيهم ايه ولا حد عارف ايه الخطړ اللي مستنينا اصلا... دي فرصتنا لازم نمشي بسرعه
نور...انا لايمكن اوافق عالجنان ده ابدا دي مخاطره كبيره والله ھنموت بره
حاتم...نور...اسمعيني يا حبيبتي يمكن اللي بيتقال ده حقيقي مخاطره بس احنا مفيش ادامنا وقت ولو عالموت يا نور مفيش حد فينا ضامن عمره اصلا ولو في خطوه ممكن نمشينا مقسومه بالنص بين المۏت والحياه....يبقي لازم نمشينا لانها فرصه لكن اعدتنا هنا مفيهاش اي فرصه الاكل لو خلص هنضطر نخرج من هنا عشان ندور علي اي حاجه تتاكل او بردو نفضل مكملين هنا لحد ما ڼموت 
ياسر...حاتم معاه حق يا نور لو في كل الاحوال احنا ميتين يبقي لازم نحاول اننا نعيش ومنستسلمش..
داليدا.....بدموع مش هقدر انا خاېفه. وافرضوا اليخت في حاجه خطړ انتوا نسيتوا انه اتفك واختفي اشمعني رجع الوقت ورجع ازاي اصلا
بصلها زيدان بتفكير ...طيب في حل تاني
تيتو...ايه هو
زيدان... انا هخرج وهروح عاليخت وهطلع أطمن ان كل حاجه أمان ولو كله تمام هديكم إشاره بالكشافات تنزلوا براحه وانا هشغل اليخت عشان بمجرد ما تطلعوا نمشي علي طول..
داليدا....مسكت ايده لا مش هينفع انت بتجازف بحياتك انا مش موافقه
ابتسم زيدان...داليدا كلنا حياتنا في خطړ واللي هعمله مجازفه في مقابل اني أئمنكم فا أنا هعمل كده مفيش حل غير ده صدقيني
تيتو...وانا هاجي معاك مش هسيبك.
زيدان...لا مش هتيجي انت هتفضل هنا
تيتو...وانا قولت مش هسيبك..
زيدان...تيتو عشان خاطري افهم مش هينفع نسبهم لوحدهم هنا..لو جرالي حاجه استحاله يعرفوا يرجعوا انت هتقدر تعمل كده يا صاحبي محدش فيهم هيعرف يشغل اليخت ولا حد فيهم هيعرف طريق الرجوع..يعني انتي كده هتحكم عليهم بالمۏت خليك معاهم أمنهم وخليكوا متابعني من الشباك لحد ما أديكم الاشاره. مفهوم
تيتو بصله بحزن وسكت
زيدان....رد عليا يا تيتو
تيتو...مفهوم ياصاحبي..

زيدان....ليا عندكم طلب بصوله كلهم بتركيز..
لو جرالي اي حاجه وربنا كتبلكم النجاه ورجعتوا أم الدنيا....تروحوا لأمي وابويا وتطمنوا عليهم وتعرفوهم اني كنت بحبهم اوي وتقوللهم ان كنت بحلم باليوم اللي اشوفهم فيه اوي..
داليدا...بدموع متمشيش عشان خاطري يا زيدان...
زيدان....مبقاش بمزاجي يا داليدا....يلا لا إله إلا الله.
حاتم...انا جاي معاك
نور....ايه
زيدان...محدش هيجي معايا خليك مع مراتك وافتكر بنتك
نور....بلاش يا حاتم.
حاتم....ان شاء الله هنخرج من هنا بس مش هسيب زيدان لوحده يلا يا زيدان.
زيدان...اسمعني يا حاتم
حاتم...علي فكره احنا كده بنضيع وقت ومش هسمع اي حاجه وهاجي معاك
نور...متسبنيش يا حاتم 
حاتم...هرجعلك وهنركب اليخت ونمشي اتفقنا
مسك حاتم الكشاف بتاعه خرج زيدان بقله حيله راحوا فتحوا الباب براحه ومشيوا بره..
وبمجرد خروجهم قفل وراهم ياسر باب الاوضه...ورجع بسرعه وقف معاهم عند الشباك يشوفوهم.
نور...بدموع مكنش لازم يخرجوا
داليدا....ان شاء الله مش