رواية رحله الى الچحيم الفصل السادس بقلم اميره اسامه

البارت السادس...
طاهر....مش نعرف الاول هما حابين يروحوا جزيره معينه ولا اي جزيره حلوه وخلاص
زيدان...اه صح انا نسيت أسألكم امبارح خالص وكنشت هنسي الوقت
ياسر...دوللي بتقول ان في جزيره حابه نروحها
بصلها زيدان وطاهر بأبتسامه
زيدان....جزيره أيه
دوللي...بلعت ريقها وابتسمت ابتسامه توتر واخيرا نطقت 
دوللي...جزيره....بوفيجليا 
بص زيدان وتوفيق فالوقت ده لبعض پصدمه وسكتو
حاتم...ايه ياجماعه في مشكله ولا ايه
دوللي...كانت باصه وساكته
ياسر....لو في مشكله عادي ممكن نغيرها مش لازم ولا أيه يا دوللي
دوللي...بتسرع لأ ليه باصولها كلهم دوللي بارتباك أقصد يعني ايه المشكله في الجزيره دي

زيدان...اشمعني الجزيره دي أقصد يعني تعرفيها او حد قالك عليها
دوللي....لا معرفهاش بس يعني عملت سيرش علي الجزر وبصراحه دي عجبتني ايه مشكلتها معاكم بقي
زيدان....اولا الجزيره بتبعد غن المدينه حوالي 49 ساعه يعني نقول يومين رايح ويومين جاي فا انتوا كده هتروحوا عشان تأعدوا فيها يوم...وبعيدا عن المده انا عادي ممكن تاخد مني وقت اقل من كده بكتير بس المشكله ان الدوله هنا مانعه اي رحلات ليها
ياسر....ليه
زيدان....يعني عليها كلام كتير وهي تعتبر اساسا جزيره نائيه مفيهاش سكان ولا فيها اي خدمات فابالتالي الرحلات ليها ممنوعه
حاتم....خلاص مش مهم يا دوللي احنا ممكن نروح اي جزيره تانيه
دوللي...بزعل طيب زي ما تحبوا
توفيق....لدوللي علي فكره في جزر كتير هنا اقرب واحلي كمان من بوفجيليا ممكن نوديكم جزيره كويسه
دوللي....ايوه بس انا كان نفسي اروح دي اوي وبعدين احنا معانا كل حاجه امل وميه وسنامس ويمكن يقضونا اكتر من الخمس ايام يعني مش هنحتاج خدمات ولا حاجه وكمان هي عجباني لانها مفيهاش حد يعني هنكون براحتنا جدا في جزيره ولوحدنا تجربه حلوه بجد
زيدان....سنيورا دوللي 
الحكايه مش حكايه اكل وشرب صدقيني بس... سكت شويه وكأنه بيدورها في دماغه ورغم المغامره الخطيره إلا انه حب الفكره وحاجه من جواه أقنعته انه يوافقها والدافع كان فضوله القوي بشخصيه داليدا..وأحساس غريب سيطر عليه أنه عايز يكون معاها وفكره ان الجزيره مش فيها حد عجبته أكتر ..
دوللي...سكت ليه
بصلها زيدان...تمام انا موافق
بصله توفيق پصدمه كان عارف ان زيدان طبيعي جدا انه هيرفض لكن رده صډمه
توفيق...نعم موافق ايه زيزو انت بتقول ايه اكيد مش هينفع بعيدا عن اي حاجه اصلا هنروح ازاي دي فيها قلق وقوانين وبلاوي 
زيدان....متقلقش يا تيتو بص في مكان أقرب من الاتجاه الاساسي بتاع الجزيره وممكن كمان تقلل معانا وقت الرحله يعني ممكن تخلص علي 20 ساعه او 25 ساعه بالكتير والطريق ده هيبين ان الرحله عاديه جدا وملهاش علاقه بجزيره بوفيلجيا 
ياسر...كابتن زيدان لو الحله هيكون فيها اي قلق عليكم بلاش.
زيدان...ان شاء الله خير متقلقش..
تيتو بقله حيله...بص لدوللي سنيورا دوللي ماتفكري في اي جزيره تانيه
دوللي....بخفه ډم وبأبتسامه جميله يا سنيور تيتو ماهو قالك متقلقش بقي
أبتسم تيتو ڠصب عنه وهز راسه وبص لتيتو ماشي يلا بينا بسم الله
زيدان....بسم الله
طلع زيدان باليخت وراح معاهم تيتو يدخلو الشنط ويظبكوا كل حاجه وبعد وقت بسيط خرجوا وكل واحد فيهم أعد في مكان يستمتع بمنظر البحر الرهيب
نور وحاتم وقفوا مع بعض 
وياسر خد نادين في حضنه وهما باصين عالبحر 
اما دوللي وقفت علي حافه اليخت شعرها طاير مع نسمات الهواء وسط موسيقي إيطاليه كلاسيكيه مشغلها زيدان الجو حقيقي كان رومانسي من الدرجه الاولي جو مهيأ تماما لاستقبال عريس وعروسه في شهر العسل..
خرجت دوللي من جوه ومعاها الكاميرا بتاعتها 
اما عند زيدان وتيتو في الكابينه الخاصه بالسواقه.
تيتو....اللي ييحصل ده مش صح يا زيزو وافقت ليه
زيدان....بصله بطرف عينه وانت وافقت ليه
تيتو....لان مفيش غيري معترض طب