رواية وشم على حواف القلوب الفصل الثاني والعشرون بقلم ميمى عوالى

موافق على الكلام الفارغ اللى قالته ده 
فؤاد ايوة موافق و هنفذه كمان بالحرف الواحد 
ثريا ايه التخريف اللى انت بتخرفه ده انت عاوزنا نشحت
فؤاد بامتعاض بطلى انتى بس حفلاتك و سهراتك اللى بتعمليها كل شوية دى و احنا نبقى كويسين جدا
ثريا انا لا يمكن اتنازل ابدا عن المستوى الاجتماعى اللى متعودة عليه .. انت فاهم و اللا لا
مى و هى تحاول السيطرة على نبرات صوتها المتهدج من أثر البكاء و انا لا يمكن اعيش فى البيت ده لحظة واحدة بعد كده من بعد ما عرفت الفلوس اللى احنا عايشين بيها دى جت ازاى و بتاعة مين 
ثريا انتى ليكى عين تتكلمى و انتى السبب الاساسى فى كل اللى حصل ده
مى پصدمة اكبر انا السبب .. انا اللى فضلت ازن طول الوقت على عمايل المركز انا اللى كنت دايرة فى النادى و وسط اصحابك عمالة اتكلم على احدث صيحات عمليات التجميل 
نسيتى ان انتى اللى شجعتينى على كل ده من البداية نسيتى انى كنت كل ما اقول على حاجة انها غالية تقوليلى هاتيها و مايهمكيش هاتيها و اوعى تخلى حد يسبقك او يعلم عليكى 
ثريا و ادى جزائى انى كنت عاوزاكى تبفى اشهر حد فى مجالك 
مى بحدة مش بفلوس حرام 
فؤاد خلاص يا مى انا قلتلك انى هعمل كل اللى انتى قلتى عليه
ثريا پغضب و انا قلت مش هيحصل 
مى باشمئزاز كنت پتهم رامى انه بيتحامل عليكى و انه مش بيحبك و عشان كده بيحملك مسئولية كل اللى حصل .. لكن اتضح ان كل كلمة قالها ماتجيش واحد من عشرة من الحقيقة 
ثريا بتحفز و قال لك ايه بقى سى زفت كمان عليا
و كادت مى ان تصرخ بوجهها بكل ما سمعته من رامى عن امها و لكنها تماسكت مرة اخرى و هى تعض على نواجزها لتلتفت مرة اخرى الى ابيها قائلة انا مش هحدد معاد لشهاب و اهله غير لما حضرتك تبلغنى انك رجعت كل حاجة لحكم من تانى 
و بعد اذنك يا بابى .. انا هروح اقعد مع رامى كام يوم كده .. محتاجة اقعد مع نفسى شوية 
ثريا برفض الكلام ده غير مسموح بيه ابدا و كمان انتى الظاهر نسيتى انك تقريبا الكل معتبر انك نجمة الحفلة المرة دى بالذات عشان تكلميهم عن احدث التقنيات اللى وصلها المركز عندك
مى برفض انا اسفة يا مامى .. انا واخدة قرار اصلا انى مش هحضر الحفلة دى 
ثريا پصدمة يعنى ايه الكلام ده ازاى يعنى مش هتحضرى اومال كل التحضيرات اللى بتتحضر دى عشان ايه و الفستان اللى جيبتهولك ده .. ده لوحده بالشئ الفلانى 
مى اهو الفستان ده بالذات انا مش هلبسه اصلا فياريت لو ترجعيه و تستردى فلوسه يبقى احسن 
ثريا انتى بتخرفى بتقولى ايه .. مش ده الفستان اللى كنتى هتتجننى عليه
مى كنت .. و غيرت رأيى 
ثريا كده مرة واحدة فى اقل من اسبوع
مى ايوة لقيته عريان اوى و انا قررت انى مش هلبس بالشكل ده مرة تانية و زى ما قلت لحضرتك انا كده كده مش هحضر حفلات و من رايى تلغى الحفلة دى احسن و وفرى فلوسها هنحتاجها فى خطوبتى 
ثريا بصلف انا مش هلغى حاجة و انتى هتحضرى الحفلة و رجلك فوق رقبتك
لتوجه مى حديثها الى ابيها مرة اخرى و تقول بعد اذنك يا بابى .. انا رايحة لرامى
فؤاد براحتك يا مى .. روحى 
ثريا پغضب يعنى ايه براحتها ..