رواية ابيض واسود الفصل الثالث بقلم مني محمود بركات

بكر رجع علي شقته متأخر بعد ما خلص كل اللي بهاء طلبه منه قبل ما يمشي كان مرهق جدا ومخڼوق من بعد مكالمه بركات ليه
بدور كانت قاعدة في الصاله قدام التلفزيون وقدامها علب وشنط كتير كانت بتوضب فيهم
مساء الخير يا حبيبتي
مساء الخير يا بكر اي يا حبيبي مالك شكلك تعبان كدة ليه
مفيش قضيه جديدة والشغل فيها كتير بس
طيب ريح كدة وانا هقوم احضرلك العشا حالا
استني خمسه بس اخد نفسي وبعدين ناكل اوعي تكوني كلتي هزعل منك بجد
ابتسمت بحب
لا يا حبيبي ماكلتش مستنياك طبعا
بص بكر للعلب اللي قدامها ورجع بصلها وهو رافع حاجبه
مفيش سمعان كلام خالص صح
يا بكر أنا ببقي قاعدة زهقانة بين أربع حيطان ومش بحب انزل من البيت ولا عندي حد اصلا اروحله خليني علي راحتي اهو بسلي نفسي يا سيدي
وهو انا تاعب قلبي يا بدور غير اني سيبك علي راحتك ... بقالي تلت سنين سايبك علي راحتك ومش بضغط عليكي تلت سنين وانتي بتدبلي قدامي كل يوم ومش فاهم السبب وساكت عشان راحتك تلت سنين ھموت وافهم منك سامح اخد تيا واختفي ليه وايه دخل بركات باللي حصل وانتي رافضه الكلام واقول سيبها علي راحتها ... راحتك واجعه قلبي يا بدور ۏجعاه اوي
خلص كلامه ودخل اوضته وهي دموعها نزلت بۏجع علي چرح مش بيهدي ولا يروح ابدا وهمست بكل قهره وۏجع جواها
ربنا ياخدك يا بركات ربنا ياخدك حسبي الله ونعم الوكيل فيك
قامت دخلت اوضتها بسرعه ورمت وشها علي المخدة تكتم صوت عياطها واڼهيارها عشان بكر مسمعش دا عهد خدته علي نفسها بكر استحاله يعرف اللي حصل استحاله لو فيها مۏتها