رواية يوم زفافي الفصل الرابع بقلم مريم الشهاوي
أنت عني يا حضرة الظابط وبلاش تقدم تضحيات عشان واحدة أنا مبطلبش مساعدة من حد أنا بعرف أساعد نفسي كويس هو بس ليلتها لإني كنت مجبورة لكن أنا طول عمري واقفة على رجلي لوحدي ولو هاخد حقي أنا اللي هاخده مش هستنى حد ياخدهولي ويبقى ليه فضل عليا روح كمل حياتك يا حضرة الظابط وسيبني أنا هكمل حياتي لوحدي منغير مساعدة حد
يامن جري وراها بعصبية وشدها من دراعها أنت مش شايفة حالتك مينفعش تمشي وأنت كده سبق ونورا قالتلك امشي أما تتحسني أنت معرضة للخطړ من البني آدم ده ممكن يمو تك
فرح كملت زعيق على زعيقه حتى لو مت ولا جرالي حاجة أنت مالك بيا
يامن بعصبية يعني إيه أنا مالي بيك
فرح بغيظ أيوة أنا بعنيلك إيه عشان تعمل عشاني كل دا بهمك في إيه كنت من بقيت أهلك
سكت لإنه مش عارف فعلا هي إيه هي تعنيله إيه ليه خاف عليها بالشكل ده لي زعق بالجنون ده
فرح أنا إيه أقولك أنا أنا مجرد بنت بتشفق عليها عشان يا حرام بتتضر ب ولازم تبان الظابط الشجاع اللي بيدافع عن البنت وأخدلها حقها آسفة أنا مبحبش حد يدافع عني أو يشفق عليا مطلبتش مساعدة منك ولا هطلب سيبني أنا هعرف أمشي حالي وأبعد عني أديني حذرت أبعد عني يا حضرة الظابط بلاش تخليني أستعمل معاك
فرح عماله تضربه على ضهره سيبني إيه اللي بتعمله دا سيبني أنت بتخط فني يعني
يامن أه يا فرح بخط فك سميها زي ما تسميها أنا مش هسيبك وده اللي عندي
فرح يا أخي أنا مطلبتش
يامن أنا غتت
وهو ماشي الناس بقت بتبصلهم وفي اللي مستغرب وفي اللي بيضحك
يامن أنا ظابط ودي تبقى مراتي وتايهة عني
الراجل خاف ورجع لورا والناس تجاهلت وقالت مشاكل عائلية
فرح بسرعة أنا مش مراته سيبني والله ما مراته حد ينجدني من البني آدم ده
أخدها العربية وصحابه كانوا واقفين هناك وفطسوا على نفسهم ضحك وهما شايفنهم بالمنظر ده
فرح أنتو مين
سعيد الحمد لله إنك بخير
يامن حط فرح في العربية
وفرح بصت للشباب من الشباك يا شباب حد يقول للمتخلف دا يسيبني أنا مطلبتش من حد مساعدة أنا هعرف ا
يامن قفل إزاز شباك العربية وكتم صوتها
عيسى ضحك دي مشكلة يا جدع
يامن لا تطاق بجد أنا آسف يا شباب بجد تعبتكوا معايا شكرا يا عيسى إنك قولتلي على موضوع البحر دا لقيتها هناك فعلا سلام
حضنهم كلهم وبص لفرح اللي مش مبطلة زعيق من ورا الإزاز
يامن ركب العربية وطلع بيها
فرح أنت مچنون مهو مفيش حد عاقل يأمن لبنت كده أنا حرامية يا سيدي وبضحك عليك أنا
يامن شغل أغاني علكاسيت وعلى الصوت وبقى بيحرك إيده
قعدت ساكتة واستسلمت ومربعة إيديها وبتتفرج عليه وهو بيردد كلمات الأغنية بصوت عالي
يامن وبشوقك عيش بشوقك
ميل عليها وصوت في ودانها جامد ودماااغك إملاااها على ذووقك
فرح بعدت وبصتله ورجعت بصت للشباك وضحكة اترسمت على وشها بانت غمازاتها فرح بتضحك أوي من تصرفاته وبصه للشباك عشان ميشوفهاش بس مش ملاحظة إن هو شايفها من المراية اللي قدامها اللي بتكون في باب العربية
قلبه نبض نبضة غير النبضة الطبيعية بتاعته لا حس إنه فرحان أوي
