رواية وشم على حواف القلوب الفصل الثالث بقلم ميمى عوالى
سعيد _ انى حضرت كل حاجة ماتقلقيش و طلبة و اسماعيل راحوا يجيبوها
نجاة _ ماشى ياللا بينا زمانهم عاوزبن يناموا
ام سعيد بفضول _ الا ماعرفتيش هو راجع من غير مرته ليه
نجاة _ ما سألتوش .. انكسفت اسأله
ام سعيد _ قال ياخبر بفلوس بكرة يبقى ببلاش
و عند عودتهم مرة اخرى الى الدوار تفاجئت نجاة بورد الصغيرة تنام باحضان ابيها و بياسمين هى الاخرى تستند برأسها على كتفه بنعاس فقالت باعتذار_ حقكم علي راسى .. اتأخرت عليكم لحد ما البنات نعسوا
نجاة و هى تشير لاحمد _ قلبان ايه بس اللى بتتكلم عنيه ده دى داركك احمد معاك هيساعدك فى شيل البنات و يوصلكم للملحق .. اتفضلوا
لينهض احمد و يميل الى ياسمين حاملا اياها بمرح و يتجه بها مع حكم الذى حمل ورد الصغيرة الى الملحق و قبل ان يختفوا من امامها صاحت نجاة مردفة _ وصلهم و ارجعلى يا احمد
ليدلف حكم الى الملحق بتأنى و هو ينظر الى كل ارجائه بحنين كبير فقد كان مسكنه الخاص قبل ان يقرر السفر الى الخارج و عندما توقف بالردهة توقف احمد هو الاخر قائلا _ ادخل ياسمين على الاوضة الكبيرة و اللا الصغيرة
حكم بانتباه _ الكبيرة هننام كلنا سوا الليلة دى على الاقل عشان المكان لسه غريب عليهم
احمد _ ليه بس يا باشمهندس
حكم _ يعنى .. الوضع مابقاش ينفع بعد مۏت عمى مصيلحى الله يرحمه
احمد و هو يضع ياسمين على الفراش _ نام انت بس و استريح شوية و لما يطلع النهار يحلها المولى
ثم قال مستدركا _ هو يعنى ماتأخذنيش ام القمرات دول ماجاتش معاكم ليه
احمد باحراج _ لا حول ولا قوة الا بالله العلي العظيم البقاء لله
حكم _ و نعم بالله و الحقيقة ده السبب الرئيسى اللى خلانى قررت ارجع مصر ما قدرتش أأمن على البنات مع المربيات هناك لقيتهم هيطلعوا مايعرفوش حاجة عن ديننا و لا عادتنا و لا حاجة اسمها حلال من حرام و لا حتى عيب و مايصحش فقررت انى اصفى كل حاجة و ارجع هنا من تانى عشان خاطرهم
حكم بابتسامة حزينة _ متشكر اوى .. تعبتك معايا
احمد _ و لا تعب و لا حاجة و لو احتاجت ايتها حاجة فى اى وقت اتصل عليا .. مش انت معاك موبايل
حكم _ ايوة و اشتريت شريحة مصرية من المطار بس لسه ماشغلتهاش
احمد و هو يخرج قلما من جيبه _ ولا يهمك انى هكتبلك نمرتى هنا على ورقة النتيجة دى لحد ماتبقى تسجلها براحتك
و عند عودته الى عمته مرة اخرى وجدها جالسة بانتظاره و ما ان رأته قالت _ اتطمنت انهم مش محتاجين حاجة
تحمد _ ماتقلقيش يا عمة كله تمام انتى اللى مش محتاجة حاجة تانى
نجاة _ محتاجاك تبيت معايا هنا الليلة دى
احمد _ انتى عارفة انى ماعنديش مشكلة .. حاضر بس انى جيتلك
