رواية وشم على حواف القلوب الفصل الثالث بقلم ميمى عوالى

كانت بتاعتى 
احمد باستغراب _ كان .. طب و دلوك
حكم _ صفيتها صفيت كل شغلى هناك و قررت انى اجى ابتدى هنا من تانى 
احمد بعدم استيعاب _ هنا فين .. تقصد هنا فى الكفر 
حكم ضاحكا _ اقصد هنا فى مصر 
احمد _ اااه .. تقصد انك ناوى تعمل شركة انشاءات هندسية فى مصر 
حكم _ ايوة ان شاء الله بس الحقيقة 
احمد _ ايه .. سكتت ليه
حكم _ مۏت عم مصيلحى هيغير شوية من اللى كنت ناوى عليه او على الاقل هيعطله شوية 
احمد _ اشمعنى 
ليتجه حكم ببصره الى نجاة قائلا _ الحقيقة انى كان ليا امانة عند عم مصيلحى يا ترى انتى تعرفى عنيها حاجة 
نجاة _ لو تقصد ارض النخيل فأيوة عندى طبعا علم بيها و العايد بتاعها كل سنة بيروح على حسابك فى البنك زى ما كنت متفق مع المصيلحى الله يرحمه كان المصيلحى الله يرحمه بيحطه بنفسه كل سنة لكن اخر محصول لسه تمنه معايا كنت متفقة مع المتر درويش اننا هنوديه البنك سوا بعد اسبوعين لما استلم اخر دفعة من تمنه بس طالما انت جيت بالسلامة اجيبهملك و مالوش لازمة بقى مشوار البنك 
حكم بابتسامة راحة _ الله يباركلك تعبتكم معايا 
نجاة _ و لا تعب و لا حاجة .. ده حقك و طالما رجعت بالسلامة .. يبقى آن الاوان ان الامانة ترجع لأصحابها 
حكم _ الحقيقة انى عاوز الارض تفضل زى ماهى مؤقت هتعبك معايا سامحينى بس انى حاليا مش هبقى فاضيلها فعاوزك تتعاملى معاها اكنى لسه غايب 
نجاة _ من عينيا .. حاضر
حكم _ تسلمى 
لتأتى ام سعيد قائلة _ العشا جاهز يا ام عبدالله 
لتقول نجاة _ ياللا اتفضلوا الاكل جاهز 
حكم باحراج _ ليه تعبتوا حالكم
احمد _ تعب ايه ده واجب ياللا اتفضل و اكيد البنات الحلوين دول كمان جعانين و انى كمان ھموت من الجوع .. ياللا اتفضلوا
حكم _ انى متشكر اوى 
نجاة _ هسيبكم تتعشوا على ما اروح اطل على الملحق و اتأكد ان كله تمام
احمد _ مش هتتعشى معانا يا عمة
نجاة _ سبقتكم يا حبيبى مع العيال
لتذهب نجاة الى الملحق المجاور لدارها و هى تباشر ما انجزه الغفراء و لكن بالها كان مشغولا بكل ما حدث طوال يومها 
فقد بدأ يومها بمواجهتها مع شقيقها فى احداث مر عليها اكثر من عشر سنوات لتتفاجئ قبل نهاية نفس اليوم بعودة الماضى باكمله متجسدا امامها مرة اخرى 
و كانت تتسائل بين جنبات نفسها عن السبب وراء عودة الماضى كاملا هكذا دفعة واحدة و تحدث نفسها قائلة _ يا ترى ايه اللى ورا رجوعك يا حكم و ياترى راجع لوحدك من غير مرتك ليه و ناوى تقعد فين و تعمل ايه 
و لكن كان هناك سؤالا اقوى يتردد بين جنباتها و هى تقول _ و ياترى عرفت انى اتجوزت المصيلحى ليه و ازاى ياترى المصيلحى حكالك كل اللى حصل زمان و اللا لاا 
و فى وسط تيهها انتبهت على صوت ام سعيد و هى تناديها قائلة _ ايه يا ام عبدالله .. انتى ناوية تباتى هنا و اللا ايه ماخلاص الدنيا بقت زى الفل اهى و كمان الشنط كلها دخلت جوة و اللا عاوزانى اعمل حاجة تانى 
نجاة بانتباه _ ايوة يا ام سعيد عاوزاكى تبصى على التلاجة و حطى فيها اللى تقدرى عليه من خير و فاكهة لحد الصبح عشان لو البنات جاعو و اللا نفسهم راحت لحاجة يلاقوها
ام