رواية وشم على حواف القلوب الفصل الثالث بقلم ميمى عوالى
تبقوا براحتكم .. اتفضلوا
لتفسح له المجال للدخول بابنتيه و التى كانت احداهما تبلغ الثمان سنوات و الاخرى تبلغ خمس سنوات بينما امرت طلبة ان يأمر الغفراء بتجهيز الملحق لاستقبال حكم و ابنتيه بينما امرت ام سعيد باحضار واجب الضيافة و قبل دلوفها للمنزل .. قامت بالاتصال بأحمد .. ابن شقيقها شيخون و أمرته بأن يأتى إليها على الفور دون ان يبلغ احدا من والديه ثم لحقت بحكم و ابنتيه الى الداخل
ثم نظرت الى الفتاتين و قالت بابتسامة حانية _ و القمرات دول بقى اسمهم ايه
حكم و هو يتجه للجلوس بجوار ابنتيه _ الكبيرة ياسمين عندها تمن سنين و الصغيرة بقى تبقى ورد هتكمل خمس سنين
نجاة بابتسامة _ الله .. ايه الاسامي الحلوة دى .. ماشاء الله .. ربنا يبارك لك فيهم
نجاة بلجلجة و عينيها تنظر للفراغ _ طبعا فاكراك يا سى حكم حمدالله على السلامه
حكم _ الله يسلمك الحقيقة انى اخر مرة كلمت فيها عم مصيلحى الله يرحمه .. يمكن كانت قبل ۏفاته بأيام كنت متعود اكلمه مرة كل شهر او شهرين بالكتير بس للاسف حصل معايا ظروف منعتنى اتكلم من تانى بعدها و لما خدت قرار رجوعى لمصر .. كنت فاكر انى هعمل له مفاجأة تفرحه .. ماكنتش اعرف ان هو اللى عمل لى المفاجأة دى و انى مش هشوفه من تانى
حكم _ عندك حق و يا ترى عبدالله و عبد الرحمن عاملين ايه
نجاة برضا _ بخير الحمدلله لو كنتو بدرتوا شويه كنتو لحقتوهم قبل ما يناموا عشان مدرستهم الصبح
حكم باحراج _ انى بعتذر مرة تانية بس .. معاد الطيارة مش بيدى
و قبل ان تعلق نجاة سمعوا صوت احمد ابن شيخون .. يدخل و هو يقول بصوت عال _ السلام عليكم
لتقوم نجاة بتعريفهم الى بعضهم البعض ثم تقول _ احمد بقى يبقى طالب فى كلية الهندسة ماشاء الله عليه فاضل له سنة واحدة و يتخرج و يبقى باشمهندس اد الدنيا كلاتها
احمد بابتسامة _ يسمع منك ربنا يا عمة ادعيلى انتى اكده بس طوالى
نجاة _ بدعيلك يا حبيبى
احمد بدهشة _ بتتكلم جد
حكم _ جد الجد كمان هو و جابر كانوا اعز اصحابى و رغم اننا اتفرقنا فى التعليم لكن فضلنا اصحاب و كتف بكتف لحد ما سافرت من وقتها ما اعرفش عنيهم كتير كنت بس ساعات بتطمن على ابوك من عمى مصيلحى الله يرحمه لكن ما اعرفش عن جابر حاجة من وقت ما سافرت هو اخباره ايه
حكم _ ياريت .. نفسى اشوفهم هم التنين ربنا ييسر ان شاء الله
احمد _ و ياترى بقى حضرتك كنت فين بالظبط برة
حكم _ كنت فى المانيا
احمد _ و كنت بتشتغل فى ايه على اكده
حكم ضاحكا _ كنت مهندس ياسيدى زيك اكده بالظبط
احمد ببهجة _ احلف
حكم _ من غير حلفان و كان عندى شركة هندسية كمان اى نعم كانت صغيرة و على ادى بس
