رواية وشم على حواف القلوب الفصل الثالث بقلم ميمى عوالى

اللهم كن لنا و لا تكن علينا و انصرنا على القوم الظالمين 
3
وشم على حواف القلوب
الفصل الثالث
لا احلل نشر او نقل الرواية باى مكان اخر دون اذن كتابى منى شخصيا و من يفعل دون ذلك يعرض نفسه للمسائلة القانونية
جابر_ خلينا يوم الجمعة ان شاء الله بعد صلاة العصر
سميحة _ و ليه مش بكرة بس يا جابر
جابر _ عشان اكون لحقت جبتلك هدية تليق بيكى و بجابر ياقلب جابر

سميحة بابتسامة نصر _ و انى هستناك بنبض قلبى يا جابر 
اما بمنزل نجاة .. فبينما كانت نجاة تحاول ارسال ولديها للنوم استعدادا ليوم دراسي جديد .. سمعت دقا قويا على الباب الكبير لينتبه إليها عبد الله الذى كان مازال مستيقظا فقال _ مين ده اللى هيبقى جاى الساعة دى با امة
لتنهض نجاة من مجلسها قائلة _ مش عارفة يا عبدالله نام انت ياللا زى اخوك و انى هشوف مين زمان ام سعيد فتحت 
لتعدل وضع غطاء رأسها و هى تتجه الى الاسفل لتلتقى بأم سعيد فى منتصف الدرج و هى تقول _ فى ضيوف عايزينك و بيسألوا عليكى يا ام عبدالله
نجاة بفضول _ ضيوف مين دولم و عاوزين ايه الساعة دى 
ام سعيد _ ماخبراش بس طلبة الغفير موقفهم برة على ماتسمحيلهم بالدخول
نجاة و هى تكمل الدرج الى الاسفل و تتجه الى الباب الخارجي و هى تنظر الى الخارج بفضول لتتفاجئ بوجود طفلتين لم تألفهما من قبل لتقول بفضول مخلوط بالاستغراب _ انتو مين يا اولاد و ازاى لوحدكم اكده فى ساعة زى الساعة دى .. انتو تايهين و اللا ايه
ليأتيها صوتا رجوليا رخيمأ من خلف احد الغفراء لرجل لم تنتبه له من قبل و هو يقول _ انى اسف سامحينى على الازعاج 
نجاة و هى تعود خطوة للخلف _ انت مين
الرجل و هو يتقدم ناحية بؤرة الضوء _ انى حكم الزيات ابن اخو المرحومة فايزة الزيات يا ترى فاكرانى و اللا بعد السنين خلاكى نسيتينى 
نجاة پصدمة و اندهاش _ حكم! .. اهلا و سهلا حمدالله على السلامة 
حكم _ الحقيقة انى لسه واصل من السفر و جاى من المطار على هنا على طول وماكنتش اعرف ان الحاج مصيلحى جوز عمتى اتوفى .. لسه عارف حالا .. البقاء لله
نجاة ببعض التيه _ و نعم بالله 
لتسمع طلبة الغفير و هو يقول _ الحاج مصيلحى و الست فايزة الله يرحمهم يعتبروا هم اللى مربيين سى حكم طول عمره لحد ماسافر على بلاد برة و من يومها اول نوبة ينزل الكفر النهاردة 
حكم _ الكفر و مصر كلاتها يا عم طلبة و الحقيقة لولا انى مشيت العربية اللى جابتنى من المطار قبل ما اعرف اللى حصل .. كنت رجعت معاها من تانى لكن دلوك .. انى مش هقدر اعمل حاجة غير انى هطلب من الست ام عبدالله انها تستضيفبنى انى و ولادى الليلة دى بس على ماحتى النهار يطلع
نجاة باستدراك _ يا خبر ابيض .. انى اسفة ماتأخذنيش .. انى بس عشان المفاجأة بس طبعا انت غنى عن التعريف يا سى حكم اتفضلوا ده انت فى دارك 
حكم _ لو هيبقى فيها اى قلق .. انى ممكن استنى مع عم طلبة و كفاية الولاد بس يدخلوا من البرد 
نجاة باحراج _ يا خبر ابيض .. و دى تاجى برضيك مايصحش طبعا .. اتفضلوا و بعدين كلها ساعة زمن و المضيفة تبقى جاهزة لاستقبالكم عشان