رواية وشم على حواف القلوب الفصل الثاني بقلم ميمى عوالى

اللهم اهدنا فيمن هديت و عافنا فيمن عافيت و تولنا فيمن توليت و اقض عنا شړ ما قضيت انك تقضى و لا يقضى عليك
2
وشم على حواف القلوب
الفصل الثانى 
لا احلل نشر او نقل الرواية باى مكان اخر دون اذن كتابى منى شخصيا و من يفعل دون ذلك يعرض نفسه للمسائلة القانونية
شيخون بحزم يوم ماجابر يفكر انه يطلب سميحة هيبقى جوازهم على جثتى يا حسنة و فهمى اختك كويس الكلام ده عشان لو معشمة روحها بيه .. ماتخليش العشم ياخدها لبعيد عشان ماتتعبش و هى راجعة 

لينهض شيخون من مجلسه و اتجه الى باب الغرفة فقالت له حسنة بنبرة يعتليها الڠضب هو ايه اصله ده و انت ترفضه ليه و توقف الجوازة ليه و بصفتك ايه انى مش فاهمة 
ليستدير شيخون بحدة و يقول انتى بتقوليلى انى بصفتى ايه بقى هى اكده 
حسنة باستدراك انى ما اقصدش بس يعنى فهمنى ايه السبب 
شيخون مش اختك دى اللى من اكتر من عشر سنين اتسببت اننا رفضنا جواز نجاة من جابر و اتسببت كمان انى قطعت علاقتى بيه رغم انه كان اعز اصحابى يبقى اللى سرى على نجاة يسرى عليها 
حسنة و احنا هنقلب فى القديم ليه بس ده شئ انتهى و راح لحاله من زمان
شيخون بسخرية و اللى حصل بينى و بين جاير هو كمان راح لحاله اياك تكونى نسيتى العلقة اللى اديتهاله و الرقدة اللى رقدها فى الاستبالية
حسنة بس خلاص هو اكيد نسى 
شيخون بحزم انى بقى مانسيتش ثم ازاى سميحة تقبل على روحها انها تتجوز واحد اتعرض لها بالطريقة اللى قالتلنا عليها زمان دى 
حسنة بلجلجة ما هو باين عليه ربنا هداه و خصوصى اما مرته ماټت و هى بتولد كانن حاله عن البلد كلاتها و ماحدش بيسمع له حس
شيخون و ماهو طول عمر جابر ماحدش كان بيسمع له حس يا حسنة .. ايه اللى جد يعنى 
حسنة اللى جد انه اترمل وسميحة اتطلقت .. يعنى بقوا مناسبين لبعض 
شيخون بخبث على اكده بقى .. انه لو اتقدم من تانى لنجاة اوافق عليه بقى 
حسنة بلهفة لا .. نجاة لا
شيخون و ليه بقى ماهم هيبقوا ارامل زى بعض
حسنة بلجلجة و هى تهرب بعينيها و تدير ظهرها لشيخون قائلة بس نجاة و جابر ماينفعوش لبعض 
شيخون و اشمعنى بقى
حسنة و هى تحاول ايجاد مبررا لحديثها عشان عيالها تضمن منين ان جابر يعاملهم زين انما يميحة خالية .. لا عيل و لا تيل
شيخون و لا ينفع كمان لسميحة
حسنة بس هى عاوزاه و موافقة عليه
شيخون و نجاة كمان كانت موافقة عليه يا حسنة و اللا نسيتى انتى بنفسك ايامها قلتى ايه و لسه مكررة كلامك ده النهاردة و من عشر دقايق بس ان الحريم مالهمش راى فى الكلام ده 
حسنة ايوة .. بس الوقت بقى غير الوقت 
شيخون بتهكم الوقت بقى غير الوقت دلوق و انتى بتتكلمى على خايتك لكن لما كان الكلام على نجاة خايتى انى كان الوقت و الكلام هو هو و ما اتغيرش منه حاجة 
حسنة طب افرض انها صممت تتجوزه نعمل ايه احنا بقى 
شيخون بترصد هتطلع من طوعنا اياك
حسنة ماتفرض ابويا وبكر وافقوا
شيخون و هو انى لو قلت لبكر و اللا لابوكى .. لاا .. هيخالفونى يا حسنة
حسنة بخبث و هو بعد ما انت واختك ترفضوا بكر هيبقى لنا عين نتدخل فى حاجة زى دى 
ليقترب منها شيخون و يقول بهدوء مصطنع انى هيبقى لى