رواية تزوجت امرأة صعيديه الفصل السادس بقلم دينا عبدالله

قعد مسلم ياكل وخديجه محشتش عينها من عليه وهي لسه مغطيه وشها ولحد دلوقتي مسلم مشفش وشها
خلصوا اكل وقاموا قعدوا في المندره ومسلم مستني رد خديجه اذا موافقه ولا لأ وهو عنيه بيفتحها بصعوبه ھيموت وينام ويريح ضهره بس ضاغط علي نفسه وعايز يعرف رأيها اي بس لو رفضت بعد دا كلوا يبقي المۏت اهون له
الحاج عثمان بضيق مش كفاية يا بتي كدا... قولي رأيك عاد حرام عليكي

بصت خديجة ل مسلم اللي ھيموت ويعرف رأيها.. سكتت شويه بعدين قالت بقوة موافقه
مسلم مكنش مصدق انها اخيرا وافقت.. مسك ايديها وقال بجد موافقه
سحبت اديها وقالت بعد يدك عيب كدا
مسلم معلش اتحمست شويه
الحاج عثمان الحمدلله... يبقي نتكلموا في المهم بقاا... احنا عندينا مفيش حاجه اسمها فترة خطوبه وان العريس يخش ويطلع عندينا كتير.... هوا كتب الكتاب والډخله علي طول
مسلم بلهفه وانا متفق معاك
خالد وهو كاتم ضحكته طبعا ما انت مستعجل
بصله مسلم مغيظ.. الحاج احمد خلاص متفقين علي كده.. الف مبروك يا ولاد
بص مسلم ل خديجه وهو مستني يشوف وشها... فهمت خديجه نظراته وقالت اللي في دماغك مش هيحصل دلوقت
مسلم اومال امتي مش خلاص انتي بقيتي ليا.. يبقي من حقي اشوفك
خديجه لما ابقا مراتك وفي بيتك ابقاا وقتها شوف وشي براحتك اما دلوقتي لع
تنهد مسلم وقال حاضر هصبر شويه كمان
بعد شويه اتفقوا انهم يعملوا الحنه عند الحاج عثمان في البلد والفرح في القاعه في الاسكندريه.. وراح خالد رجع اسكندريه جاب مامته واخته اللي كانت رافضه تيجي بس جابتها غاليه بالعافيه
وفي ليلة الحنه
لبس مسلم جلابيه بيضه ولف شال علي راشه اللي يشوفه يقول صعيدي ابن صعيدي.. كان عامل الحاج عثمان صوان كبير للرجاله... والحريم في السرايا
كان قاعد الحاج احمد جنب الحاج عثمان وهم مبسوطين انهم بقوا نسايب.. ومسلم وخالد كانوا بيرقصوا مع باقي رجالة الصعيد علي الاحصنه وضړب الڼار و الرقص بالعصايا
اما خديجه كانت في السرايا لابسة عباية حنه حلوة ومطرزه والمرادي مكنتش حاطه الشال كانت بشعرها مفرود وطويل.. وكانت غاليه قاعده جنبها ومي من الجنب التاني وهيا بتبصلها بغيظ مكنتش فاكرها انها هتكون حلوه كدا
وكانوا بيرسموا الحنه ل خديجة مع الزغاريد ورقص البنات علي الطبله و واحده كانت بتغني
كانت غاليه مبسوطه اوي من المكان والجو وطريقة الصعيد في افراحهم ومناسباتهم.. اما مي كانت مضايقه ومكنش عاجبها اي حاجه
بعد ما الحنه خلصت
جهز الكل عشان يسافروا... حضنت خديجه صفيه بدموع ومكنتش عايزه تسيبها.. 
بعدت صفيه عنها ومسحت دموع خديجه وقالت مټخافيش هاجي كل فتره مع الحاج عثمان عشان اشوفك.. خلي بالك من نفسك ومتنسيش كل حاجه قولتهالك او علمتهالك اوعي تنسي نصايحي ليكي.... هتوحشيني يا بتي
وحضنتها وهي پتبكي وخديجه برضو حضنتها