رواية للقلب نظرة الفصل الثاني بقلم اسماء الحسني

شديد وقال..نعم لا طبعا ما حصلش خير ابدا بسبب الي حصل اضطريت اتجوز واحده زيك
نظرة بصتلو پغضب وقالت ..ايه قله الذوق دي
عمر ابتسم بسخريه وقال..الذوق لاصحاب الذوق اكيد مش لامثالك
نظرة بصتلو پغضب وبصت بعيد وبقت تحاول تنام
عمر كمان حاول يتجاهلها وينام بس كان كل شويه يبصلها وهي نايمه ومعجب جدا بكل حاجه فيها ومش على بعضه قرب منها بالراحه وشدها لحضنه
في صباح يوم جديد قامت من النوم لقيت نفسها في حضنه بصت لملامحه بابتسامه جميله 
فتحت عنيها تاني بس اټصدمت لما لقيته صاحي و بيبصلها بدهشه
نظره اتسعت عنيها بزهول و اټصدمت بشده ولسه هتبعد شدها عليه بقوه وبص لعيونها جامد وقال.. كنتي بتعملي ايه
نظرة بصتلو بارتباك شديد وقالت.. كنت ..انا ما عملتش حاجه
عمر ابتسم وهو بيبصلها جامد وقال ..حسيت زي ما تكون في حاجه حلوه اوي عدت على شفايفي
نظره ارتبكت قوي وقالت بسرعه ... يمكن بتحلم لو سمحت سيبني
عمر قرب منها اكثر وقال ..تؤ ده مستحيل يكون حلم انتي..انتي حكايتك ايه بالظبط ...مش انتي اللي رافضاني وبتتحججي بحاجات مش حاصله يبقى بتقربيلي ليه وانا ونايم
نظرة احمرت خدودها من شدة الكسوف وقالت... لا انا ما قربتلكش انت بتقول ايه لو سمحت سيبني عيب كده
عمر اتنهد وقال ..في عيونك اجمل نظره يا نظره ..خصوصا لما بتبصيلي ..من اول يوم حتى لما كنا في القسم لما قربتلك بصيتيلي بصه حلوه جدا وابتسمتيلي ابتسامه منسهاش عمري كلو .. في حاجه مش فاهمها بالذات لما بقربلك
نظرة بصتلو بارتباك وقالت... خلاص بقى ما تعملش كده ارجوك ..انسى بقى والله بجد مكسوفه قوي
عمر ضحك جامد وشدها عليه وقال.. يا هبله انا جوزك تعملي الي انتي عيزاه..ووقف وقال بمشاكسه عادي منتيش اول واحده تقعي تحت تأثير عمر الالفي فيه حاجات كثيره متعرفهاش عني... وبقى يختار حاجه يلبسها وقال... مفيش واحده شافتني الا وحبيتني انا لما بمشي في الشارع بيمشي ورايا حرس من الداخليه خوفا من الفتنه والمعاكسات واذدحام الطرق بالمعجبين..انا مره دخلت عند الحلواني كان هيحطني على الكيك قال ايه انا والكريمه واحد...طب تعرفي انا مره دخلت السينما الناس سابت الفيلم وبقيت تتفرج عليا لان الفيلم هيتكرر بس انا متكررش... وكتير مواقف مش عارف امشي في الشارع خالص
نظرة بقت تسمعه وعايزه تضحك على كلامه وقالت... ما شاء الله عليك لا ومتواضع
عمر قال بغرور..طبعا يا بنتي من تواضع لله رفعه...و قرب عليها جامد وقال ...بس عارفه رغم كل ده انتي عجباني قوي انا الصراحه مكنتش عايزه اتجوزك علشان مركزي..ازاي يعني واحد زي يتجوز واحده زيك
نظرة بصتلو بغيظ من كلامه وهو كمل وقال .. بس فيه حاجه واحده خلتني اوافق...لاني مهمنيش اللجنه ولا اي حاجه من الي اتقال خالص.. وبصلها
بوقاحه وقال...الي شدني ليكي هو سحرك
نظرة ضحكت وقالت ...طيب ماشي ما علينا انا هدخل استحمى
ولسه هتمشي مسك ايدها وشدها عليه وقال.. طب ما تاخديني معاكي ينوبك ثواب
نظرة ضحكت وقالت.. وبعدين يا عمر باشا بقى
عمر حط ايديه على وسطها وقال ...الله على عمر باشا دي من شفايفك قوليها تاني كده
نظرة قالت برقه.. عمر باشا
عمر داس على شفتو وقال ...ده انت اللي باشا يا باشا ..هو عمر باشا مش عاجبك يا جميل ولا ايه
نظرة ابتسمت و قالت بكسوف.. مين قال كده انت تعجب اي حد
عمر ابتسم وقرب اكثر وقال ..امال ايه طيب..ليه تقلان علينا 
نظرة ابتيمت وقالت... ايه عايزني
عمر حاوط وسطها بايديه بقوه وشدها عليه جامد وقال...على اخري ..وانتي ولا بتحسي
نظرة ضحكت وقالت...ربنا يكرمك بواحده تحس ..ولسه هتبعد شدها عليه وبصلها جامد وقال...بس انا عايزك انتي .
بس قطعو لحظتهم لما سمعوا صوت ضړب رصاص شديد قوي في المكان بيتضرب على كل البيت
عمر ونظرة بعدو عن بعض بزهول وخضه .. وعمر جري بسرعه ناحيه درج الكمودينو جاب السلاح بتاعه ووقف جنب الشباك وبقى يضرب ڼار وهو بيحاول يتفاد الطلقات وما كانش قادر عليهم لوحده.. بس اټصدم صدمة عمره لما نظره فتحت الشنطه بتاعتها وطلعت سلاح وقربت من الشباك الثاني وبقت ټضرب معاه باحتراف وكل شويه توقع واحد منهم
عمر كان بيبصلها بزهول وعنيه مفتوحين على اخرهم ووو