رواية قصة وحيد الفصل الثلاثون والاخير بقلم يارا محمد

الفصل الثلاثين الاخير
عدي شهر و مفيش اي اخبار عن زين.
كان الكل مجتمع في الصاله فقال حازم هنسافر اخر الاسبوع روسيا.
مايان پصدمه و بان الخۏف علي صوتها و رعشه أيدها ل...لل...ليه
حازم عندي شغل هناك.
مايان بتهتهه هو...هو...ه..هوو..هو يعني لازم اكون معاك
حازم بجديه الي اعرفه ان الست بتكون من جوزها مكان ميروح و لا انت ليكي راي تاني

مايان لا مليش راي تاني.
كان حازم ملاحظ الدموع الي بدأت تظهر في عينيها قلق اوي عليها و كان مستغرب يا تري الي حصلها زمان لسه مآثر عليها
قرب منها و مسك أيدها و قال وهو بيطمنها متقلقيش انا جمبك.
بص حازم لوحيد الي كان مبتسم و غمز ليه و رد ليه وحيد الغمزه.
حازم كلكوا مسافرين معانا مش انا و مايان بس.
مرام باستغراب و إحنا نيجي معاك ليه مش انت رايح شغل
حازم و هو بيحور شغال علي قضيه خطيره و مش امان ليكوا تفضلوا هنا.
مرام بعدم اقتناع و إحنا ايه دخلنا في شغلك منت ياما كنت ماسك قضايا مهمه و خطړ و عمرك معملت كده.
مكنش حازم عارف يرد بايه فبص لوحيد الي قرر يحاول ينقذ الموقف.
وحيد اعتبرها تغير جو يا مرام مش لازم جدال و خلاص.
مرام بقي انا بجادل يا وحيد.
وحيد اه بتجادلي و بحبك و بتسالي في كل حاجه و بعشق وجودك و لازم تفهمي كل صغيره و كبيره بس انت عمري كله و هتبوظي المفاجأة.
كانت مرام بتسمع و وشها بقي احمر من الكسوف لحد مسمعت كلمه مفاجاه قالت بصمه مفاجاه!! مفاجاه ايه
بص وحيد لحازم مفاجاه ايه
حازم مفاجاه ايه
وحيد انا قولت مفاجاه
حازم لا محصلش.
وحيد اهو شوفتي مين قال مفاجاه مين
بصت ليهم مرام بشك خليني ماشيه وراكم و يا عالم خبر انهارده بفلوس بكره ببلاش يلا يا بنات نحضر شنط السفر.
اتحركوا كلهم علي فوق و فضل حازم و وحيد مكانهم.
خبط وحيد حازم علي كتفه و قال ايه يا عم النحنوح!!
حازم اااه انا بردو الي نحنوح ده انا اتعلم منك يا حجيجه.
وحيد اخرص يلا ماريا بس الي تقولي حجيجه.
حازم اه مهي بنت البطه البيضه و انا ابن البطه السوده.
وحيد كنا هنتكشف.
حازم قصدك كنت هتكشفنا.
وحيد اكله لمراتك يا حازم انا مرارتي يا دوب و انت واحد متصابي.
و مشي وحيد و ساب حازم مصډوم.
حازم و هو بيشاور علي نفسه انا انا متصابي يا حول الله يارب!! ده شكل الموضوع خطېر و لازم اتعالج.
في مطار روسيا
كان ادهم في استقبالهم سلم علي الجميع و لما راح يسلم علي مايان منعه حازم.
حازم بنظره ڠضب علي فين العزم أن شاء الله
ادهم باستفزاز هسلم علي ميمو.
حازم و هو بيضغط علي ايه الي بيسلم عليه بيها اسمها مايان يا ادهم ماياااان.
ادهم بۏجع في ايه يا سيد المعلمين بس