رواية اسرار الماضي لبنت ناس الجزء الثاني الفصل السادس عشر بقلم رينا الهادي
صحيح ما ينفعش يمسك شركتة لواحدة ست علي رأي المثل مسكوا الحمار مفتاح القرار .
نهر لسانك يا عسل إية كمية الدبش إللي طالعة من بوقك دي إسمعي أنة حضرتك ذكية و مجدة وأهم صفة فيك أمينة وهو متاكد من كدة غير إنك عندك فكرة حتي لو بسيطة عن الشغل والأجهزة الطبية يعني هو أدري إنت عندك خلفية إية تقدري بها تمشي الشغل و عادي جدا لآنة ملوش إللي يثق فية يلجأ ليك و أكيد أكيد هو عامل حسابة يكون فية بعض التلفيات أو الخسارة هو ذكي و عصامي و لك الفخر آن واحد بأهمية عمي إيمري يثق فيك إنك تمسكي شغلة دة غير أن حضرتك من قبل ما تشتغلي عندة كان أي ورقة بتجي تحت إيدك تحبي تقرأي فيها حضرتك عندك معلومات عامة كتيرة جدا وأنا واثقة إنك هتنجحي في الإختبار دة .
ابتسمت عائشة بحب شكلك هتتعبني معاك .
نهر لو فية اي مساعدة أقدر أقوم بيها أنا معاك و هحضر معاك أي إجتماع تحبية .
لتحتضن عائشة نهر وتقول ربنا ما يحرمني منكم
نهر ډخلتي إزاي من البوابة
رانيا خالتي قالتي أعمل إية و أفتحها من برة علشان مش كل شوية تطلع تفتحها و قالت كمان لو قولت لحد هتقطع خبري أنا و أنهار بس المهم أنا كنت جايبة لكم حمامتين بالهنا و الشفا .
نهر إثنين إية الكرم دة
عمر بضحكة سمجة ظريفة قوي شوفتي يا ماما كانوا بيسربوا لنا الأكل و جابوا لنا إمبارح كمان إحبسيها بقي أم لسان طويل دي .
عائشة بضحكة إنت الواحد لازم يفكر قبل ما يعمل معاك معروف .
عمر كنت بهزر معاك يا أبلة رانيا و بعدين نهر لسة واكلة سمك يستاهل بوقك و حابسة بشاي كمان حتي شوفي المواعين في الحوض أد إية انا مش بحب السمك صح يا نهر .
رانيا و حتي لو بتحبي برضوا هديديهالوا ماشي خد يا عمر و أعطتة واحدة .
عمر مش كان طالع من ذمتك إثنين
رانيا لا وربنا ما يحصل هو واحدة لك بس أنا ما أخدش منابي و قلت أسيبة لنهر بما أن نهر مش هتاخد يبقي أخد منابي مش هديك الإثنين نظرت لعائشة و قالت هاخد طبق يا خالتي أكل حمامتي و هغسل طبقي ورايا ممكن .
عمر لا انا بطني ناشفة باقلها كذا يوم هاكلها دلوقتي الا لو عاوزاني أكل بعدين .
عائشة براحتك نظرت لنهر إغسلي كوبايك
