رواية لن انساك الفصل التاسع بقلم ريهام أبوالمجد

نفسي وأنا بترجاه إنه ميسبنيش.
مي أنا حاسة بيكي يا حبيبتي بس دا مش حل.
ميرنا بصوت عالي محدش حاسس بيا محدش حاسس بقلبي وناره غيري كلكم شايفين إني كويسة وإن الدنيا موقفتشي وإنه عادي لكن أقسم بالله عمره ما كان عادي أنا الدنيا وقفت عندي من يومها وأنا واقفة بترجاه بكل جزء فيا إنه ميتخلاش عندي.
قعدت على الأرض بإنهيار وقالت أنا لسه كلامه في ودني يوم ما قالي أنا عمري ما حبيتك ولا حلمت معاكي باللي أنتي حلمتي بيه.
مصطفى لما شاف ميرنا كدا ساب الفون وجري عليها وحضنها وقال بعياط متعيطيش يا مامي عشان خاطر مصطفى.
ميرنا حضنته جامد وبصت لمي بدموع فمي نزلت لمستواها وقالت أنا أسفة يا ميرنا حقك عليا بس أنا مش عايزاكي ټأذي نفسك عشانه.
ميرنا مسحت دموعها وقالت ببعض القوة مي أنا هتجوز سليم ودا قراري الأخير سليم ميستحقش مني إني أخليه يحس بنفس الڼار اللي جوايا مقدرشي أكسر قلبه زي ما عمران كسر قلبي مقدرشي أهد حلمه اللي حلم بيه بقاله سنين زي ما أنا حلمي أتهد في لحظة كانت كفيلة تهد كل حياتي أنا مش أنانية يا مي كلهم عايزين كدا يبقى ليه أهد حلم مشترك بينهم كلهم مش مهم أنا المهم هم أنا خلاص خسړت كل حاجة في اللحظة اللي عمران أتخلى فيها عني وكسر روحي قبل قلبي.
مي بس أنتي مبتحبيش سليم يا ميرنا.
ميرنا وأنا كسبت إية يا مي لما حبيت أنا سمعت مرة كلام قلبي ومشيت وراه وكان الثمن إية يا مي.
كملت بعياط كان الثمن كسرة قلبي وچرح كبريائي وشرخ روحي يا مي فلمرة واحدة بس اسمع كلام عقلي يمكن أنجح.
عمران سامعها وقلبه بيتقطع سامع تكسيره وكأنه إزاز شباك صابه الريح القوية فمقدرشي يصمد ووقع انكسر مية حتة كأنه ما كان.
ميرنا أنا خلاص قررت يا مي ومش هرجع في قراري ومتفتكريش إني بعمل كدا عشان إنتقام وكلام من دا كدا كدا عمران مبيحبنيش وخطب وهيتجوز ويعيش حياته وأحلامه مع الإنسانة اللي اختارها فمتشغليش أنتي بالك.
مي بهدوء طب سليم ذنبه إية يا ميرنا دا بيحبك وحرام تظلميه معاكي مينفعشي جسمك يكون معاه وقلبك وعقلك مع غيره ربنا مش هيسامحك.
ميرنا سليم بيحبني وعايزني وأنا عمري ما هفكر في غيره وأنا معاه ويمكن أحبه لما أعاشره بما يرضي الله سليم حنين وبيحبني وأنا هعيش حياتي مش مهم الحب اللي كله عڈاب في عڈاب.
مي ميرنا فكري تاني يا حبيبتي وابقى قوليلي قرارك أنا همشي.
مي قامت وفتحت الباب وقبل ما تخرج سمعت ميرنا وهي بتقولها بهدوء مي أنتي صاحبتي الوحيدة ومحتجاكي تكوني جنبي متتخليش عني أنتي كمان أرجوك.
مي قربت منها بدموع وحضنتها وقالت عمري ما أتخلى عنك يا حبيبتي.
مشيت وفضلت ميرنا مكانها ومصطفى في حضنها فبصتله وقالت حبيبي.
مصطفى بصلها بدموع وقال مامي أنتي تعبانة عشان كدا بټعيطي 
ميرنا تعبانة شوية يا مصطفى.
مصطفى هو عمران مزعلك عشان كدا بټعيطي هو وحش وأنا مش هكلمه تاني عشان خلاكي ټعيطي يا مامي.
ميرنا مسحت دموعها وقالت وهي بتملس على شعره لا يا حبيبي مينفعشي تقول كدا على أخوك الكبير عيب وبعدين عمران عمره ما زعلك في حاجة ولا حرمك من حاجة مينفعشي تقول عليه كدا.
مصطفى بطفولية بس هو زعلك وأنا مش بحب حد يزعلك يا مامي.
ميرنا بص يا حبيبي احنا الكبار بنزعل من بعض بسبب خلافات بينا الصغيرين مش بيفهموها ومينفعشي الصغيرين يدخلوا فيها