رواية لن انساك الفصل السابع بقلم ريهام أبوالمجد
بتعمل إية
ميرنا فرحت وقالت سلومتي تعالي يا حبيبتي أنا بخلص المشروع بتاعي.
سلمى حضنتها وبصت على الرسمة بتاعتها وقالت حلو اووي شكله هيبقى برفكت.
ميرنا طبعا يا بنتي مش أنا الي عملاه.
سلمى ضړبتها على مؤخرة دماغها وقالت بطلي غلاسة.
ميرنا بغيظ آه إيدك تقيلة يا باردة.
سلمى هضربك أتلمي واحترميني دا أنا حتى أكبر منك ب ٨ سنين وعندي أطفال.
سلمى فرحت وقالت بجد يعني لسه حلوة.
ميرنا دا أنتي قمر أنتي مش بتبصي لنفسك في المراية ولا وجدي مبقاش يقولك كلام حلو زي زمان.
سلمى ضحكت وقالت والله ما في قمر هنا غيرك دا أنتي جمالك مغطي علينا كلنا وبعدين وجدي بيقولي كلام حلو بس بقى قليل عشان مشغول.
ميرنا يعني متجوزشي أنا بقى ما دام هي دي الحياة الزوجية.
ميرنا بحزن إن شاء الله اللي ربنا عايزه.
سلمى مالك يا ميرنا هو في حاجة هو سليم مزعلك!
ميرنا لا مش مزعلني خالص.
سلمى أمال في إية
بقلمي ريهام أبو المجد
ميرنا كانت هترد عليها لقت سليم بيرن عليها ففتحت وقالت نعم يا سليم.
سليم عايزك عازمك على العشا.
ميرنا بس أنا مش فاضية دلوقتي يا سليم.
ميرنا بصت لسلمى فسلمى هزت راسها بمعنى توافق فميرنا قالت حاضر يا سليم هقوم ألبس أهو.
سليم فرح وقال طب أنا هستناكي تحت.
سلمى أخرجي معاه وغيري جو يا حبيبتي.
ميرنا هو ممكن تيجي معايا
سلمى بس مش هينفع أنتم مخطوبين وعازمك على العشا يعني جو رومانسي هاجي بينكم أعمل إية
ميرنا طب عندي فكرة تعالي أنتي ووجدي وأقعدوا على ترابيزة واحنا على ترابيزة وأهو تعيدوا أنتي ووجدي أيام زمان.
ميرنا ضحكت وقالت حبيبتي.
غيرت هدومها وسلمى كمان رجعت لبست هي ووجدي وسليم كان متغاظ بس مرضيش يتكلم عشان ميرنا.
سلمى يلا يا ميرنا أنتي لسه مخلصتيش دول واقفين تحت ومتعصبين.
ميرنا قلبي مقبوض يا سلمى مش عارفة ليه ما بلاش الخروجة دي.
سلمى بقلق في إية يا ميرنا مالك
ميرنا لسه هترد لقت تليفونها بيعلن عن وصول رسالة فتحتها وأتعصبت اووي لما قرأتها وكان محتواها لو مردتيش عليا يا ميرنا هعمل فعل ميعجبكيش وهندمك على حد غالي اووي عليكي
ميرنا مردتشي عليها فسلمى مسكت الفون منها وقالت هاتي أشوف بنفسي.
ميرنا هاتي الفون يا سلمى وبطلي غلاسة.
بس سلمى مردتشي عليها وشافت الرسالة وقرأت باقي الرسائل وقالت پصدمة إية كل دا يا ميرنا وإزاي مقولتيش لحد!
ميرنا بحزن في الأول أفتكرتها رسائل من حد طايش وطنشت بس رسايله بدأت تخنقني وتقلقني وخاېفة أقول لبابي هيخاف عليا ومش عايزة أشغل عمو عامر وكمان لو سليم عرف هيتصرف بغباء وهيورط نفسه وأنا مش عايزة كدا.
ميرنا مش دلوقتي خلينا نخرج وبلاش ننكد عليهم.
سلمى بشرط لما نرجع نجمع الكل ونحكيلهم.
ميرنا حاضر وعد يا حبيبتي.
خرجوا وسليم لما شاف ميرنا قلبه دق بسرعة كانت شبه الحوريات ومدلها إيده فحطت إيدها في إيده عشان متحرجهوش قدامهم ونزلت وركبت جنبه في العربية وسلمى وزوجها ورا.
وصلوا المطعم وقعدت مع سليم ونزل الأكل وميرنا أكلت خفيف وفضلت تشرب العصير بتاعها وذهنها شارد في عمران.
حست بإيد سليم اللي أتحطت على إيدها فبصتله فقال هو أنا جايبك هنا عشان تسرحي مني يا ميرنا.
ميرنا لا أنا معاك أهو.
سليم ابتسم وقال فرحانة معايا يا ميرنا
ميرنا بصتله بعمق وقالت أكيد يا سليم.
سليم فرح وهي غمضت عيونها پألم وسليم قال بحبك اوي يا ميرنا ومش قادر أستحمل أكتر من كدا عشان كدا أتفقت مع خالو إن كتب كتابنا الإسبوع الجاي.
ميرنا أتصدمت وشدت إيدها من إيده وقالت أنت بتتكلم بجد
سليم بفرحة ايوا يا حبيبتي مالك
ميرنا پغضب أنت بتسألني مالي أنت واعي للي بتقوله وبتعمله يا سليم
بقلمي ريهام أبو المجد
سليم في إية يا ميرنا أنا مش فاهم حاجة!
ميرنا پغضب مش فاهم إية أنت إزاي تاخد قرار زي دا من غير ما ترجعلي أصلا أنت فاكر إن دي حياتك لوحدك لا يا سليم دي حياتي أنا كمان وليا حق الإختيار.
سليم پغضب أنا مش فاهم أنتي متعصبة ليه ما أنا بختار ليا وليكي فيها إية يعني!
ميرنا پغضب أكبر فيها كتير اووي يا دكتور أنت حضرتك بتلغي شخصيتي وأنا مقبلشي بدا وبعدين دا قرار مصيري يعني لازم نقرره سوا المفروض تيجي تتكلم معايا أنا الأول مش كل مرة تحطني قدام الأمر الواقع أنا مبقتشي قادرة أستحمل الطريقة دي أبدا.
سليم پغضب وطي صوتك يا ميرنا احنا في مكان عام وتعالي نتكلم بهدوء في العربية ونتفاهم.
ميرنا بعند لا هتكلم هنا وبعدين كان فين التفاهم دا من الأول فيها إية لو كنت جيت وأتكلمت معايا وشوفت أنا عايزة إية وإية اللي هيناسبني ولا أنا لعبة في إيدكم كل واحد بيفكر وياخذ القرارات براحته وأنا المفروض أقف أسقفلكم وأقبل بكل ترحاب صح
سليم بإستغراب احنا مين لية بتجمعي
ميرنا أخدت بالها من اللي قالته فسليم قال وضحي كلامك حالا.
سلمى ووجدي قربوا منهم وقالوا في إية يا جماعة أهدوا صوتكم عالي اووي مينفعشي كدا.
ميرنا پغضب تعالي شوفي أخوكي يا سلمى بيقرر بمزاجه وقال إية جاي يقولي كتب كتابنا بعد إسبوع والمفروض مني بقى أقول حاضر يا حبيبي من عنيا دا حتى مكلفشي نفسه يقولي حتى بابا متكلمشي معايا وكأني مجبرة مش مخيرة طب حتى مفكرتش إن العروسة دي بتكون محتاجة وقت عشان تكون مؤهلة نفسيا وجسديا لكل دا أنتم بتفكروا إزاي وإزاي تاخد قرارات بالنيابة عني أنا إنسانة على فكرة وليا حق أخد قراراتي بنفسي أنا مش طفلة يا دكتور.
سليم أنا أسف مفكرتش في كل دا حقك عليا بس متكبريش الموضوع يا ميرنا.
ميرنا پغضب بردو هيقولي متكبريش الموضوع أنت عايز ټعصبني أكتر يا سليم وبعدين ليه مفكرتش في كل دا ها
سلمى خلاص يا ميرنا أهدي وأنت يا سليم صراحة غلطان الأمور اللي زي دي مينفعشي طرف واحد اللي ياخدها لازم المشاركة أصل دي حياة جديدة ومصير مرتبط بيكم أنتم الإتنين يا حبيبي وهي من حقها تثور كدا أنا لو مكانها هتجرح وهحس إني مليش أي أهمية عندك.
سليم والله ما أقصد كل دا أنا بس عايزاها معايا بأقصى سرعة.
ميرنا لية هطير وبعدين أنت عمرك سألتني إن كنت أنا عايزة ولا لا
سليم پصدمة تقصدي إية
ميرنا حست بخنقة وقالت لو سمحتوا أنا عايزة أمشي.
سليم مش هتمشي إلا لما تقوليلي تقصدي إية
ميرنا بصتله بعمق وحزن وقالت شوفت بردو بتمشي كلامك ومش بتحترم رغبتي في أي حاجة.
سلمى سليم سيبها وأنتي يا ميرنا تعالي نروح التواليت عشان تغسلي وشك وتهدي شوية.
بقلمي ريهام أبو المجد
مسكت ميرنا وأخدتها وميرنا عيطت وقالت سلمى أنا مخڼوقة اووي وتعبانة من كل حاجة.
سلمى حضنتها وقالت حقك عليا
