رواية تحت امر الحب الفصل السادس والعشرون بقلم شيماء صبحي

أهل كرم ومش بتاع الحركات دي!
زين بصله بشك وقال إنت متأكد!
إسلام هز راسه وقال بجديه إلا متأكد دنا متربي فيها يا بني !
زين همس بسخريه امال بيتك ناشف ليه 
زين قال كلمته وبعدها اتحرك وهو بيقول تعالي ننزل علشان مش هقدر أتحكم في نفسي أكتر من كده لو مكلتش 
إسلام هز راسه ونزل وراه واول ما خرجوا من البيت زين رجع خطوه وقال بس انا مش مطمن!
إسلام بإصرار وقال وحياه امك مش ناقصه هيا انا خلاص أقنعت بطني انها هتتملي النهارده 
زين بغيظ وقال طيب إمشي انت الاول 
إسلام هز راسه ومشي وبعدها زين واول ما دخلوا الفرح واحد من الرجاله اللي هناك سلم عليهم بترحب معتقد انهم أصحاب العريس وقال اهلا وسهلا يا رجاله اتفضلوا 
إسلام بص لزين وغمزله وزين هز راسه ومشوا ورا الراجل اللي جهزلهم طرابيزه مخصصه وبعدها طلب من أشخاص مسؤلين عن الأكل يجيبوا أكل ليهم ويجيبوا فاكهه 
إسلام إبتسم بفرحه ولاكن زين غمزه وقال إهدي أعمل كأن مش فارق معاه الأكل علشان منتكشفش 
إسلام هز راسه وأول ما الوجبات نزلت فتح الأكل بسرعه وطلع قطعه كفته كبيره حطها في بوقه وبعدها قال وهو بيبص لزين حلو اوي يا زين 
زين لاحظ نظره الشاب ل إسلام وقال متتكلمش والأكل في بوقك !! 
الشاب إبتسم لزين وبعدها حط قدامه الوجبه بتاعته وحط الفاكهه وبعدها مشي 
زين قال بغيظ من إسلام قولتك أعمل ان مش فارق معاك مش تتسرع اول متشوفه كده!! 
إسلام بصله بطرف عينيه بغيظ وبعدها كمل أكل وزين لما شم ريحة الأكل فتحة وجبته بجوع شديد وبدأ ياكل 
أصحاب العروسه يتفضلوا معانا علي المسرح 
تمني فضلت تبص لأصحابها بابتسامه واللي اتحركوا بسرعه ولاكن فضلت ملوك واقفه مكانها 
واحده قالت يلا يا ملوك الأغنيه بدأت 
ملوك بصت حواليها وهيا بتدور علي أمها ولما ملقتهاش هزت راسها ومشيت معاهم وأول ما وقفت نده مسؤل الدي چي وقال أصحاب العريس يتفضلوا علي المسرح 
قام الشباب اللي قاعدين جمب زين وإسلام وكانو اربعه وأول ملاحظ الشخص اللي مسؤل عن الخدمه عددهم الصغير قرب من زين وإسلام اللي بياكلو وقال يلا يا رجاله قوموا مش سامعين ولا ايه 
زين بص للشخص وقال مش سامعين ايه! 
الشخص بابتسامه بيقول أصحاب العريس يتفضلوا علي المسرح 
زين بص لإسلام پصدمه وقالوا الاتنين مع بعض بصراحه مش قادرين 
الشخص بصلهم برفع حاجب واسلام لما لاحظ نظراته قال اااه هنرقص يلا قوم يا زين 
زين بص لإسلام پصدمه وإسلام مدلوش فرصه يتكلم واتجهوا عند المسرح 
أول ما وقفوا علي المسرح وزين شاف انهم هيرقصوا قدام بنات اتضايق لان دا بيكون زي تحدي قرر انه يهرب من المكان لحدما لاحظها واقفه جمب البنات دي فتراجع بسرعه عن قراره وقرب من أصحاب العريس ومسك في ايد واحد منهم وجمبه اسلام وبدأت الأغنيه تشتغل والبنات تقرب مره وهما بيعملوا حركات بتعبر عن كلمات الأغنيه والشباب يقربوا مره ويقلدوهم 
كانت البنات بيبصوا لزين بعدما اتاكدوا انه نفس الشاب اللي كان بيلعب رياضه علي السطح ولاكن ملوك كانت بتقرب وتبعد من غير اي حركه واول مرفعت عينيها جت في عين زين اللي كان باصص عليها ومبتسم 
قلبها فضل يدق بطريقه غريبه ونزلت عينيها بسرعه واول م واحده من أصحابها هزتها جامد بهزار ولان فستان ملوك كان طويل كانت هتقع لولا ايد زين
إيه المسخره