رواية ليلة الزفاف الثالث عشر بقلم زهرة وسط اشواك

رواية ليلة زفاف الفصل الثالث عشر
يعنى بعد الغياب ده كله وأول ما تشوفينى تصرخى مكنش العشم يا تويا
ظلت عيناها متسعة ذهولا وصدمة لا تستوعب ما يحدث
هنزل إيدى ولو صرختى زى كل مرة هخطفك من هنا ومحدش هيعرف يوقفنى وأنتى عارفانى وشفتى وأنا يعنى لا بخاف من حاجة ولا بيهمنى حد
أنزل يده بهدوء وبدأ جسدها يهدأ قليلا تنظر حولها لتجد نفسها وحيدة في المكان والعمال في الطابق العلوي لن يشعروا بها أن صړخت أو استنجدت بهم

عادت ونظرت إليه وهو ينظر وراءها كما تنظر هي وهو علم ما تبحث عنه ليقترب منها مرة أخرى هامسا محدش هيسمعك لو صرختى ريحى نفسك
نظرت إليه للحظات ثم أغمضت عيناها تستجدى الهدوء والطمأنينة ولكن كيف تحصل عليهم بوجوده
عادت ونظرت إليه لتجده ينظر إليها بابتسامة مرواغة تغيظها ولكنها تجاهلت وهى تحاول أن تهدى قليلا ممكن افهم بقى انت ايه حكايتك كل شوية تظهر وتختفي عامل زى الشبح
رفع حاجبيه بمزاح معقول أكون وحشتك زى ما وحشتينى
صاحت به بغيظ احترم نفسك ايه وحشتنى دى أنت هتفضل ترعبنى كده ......أنت في حد مسلطك عليا
اه فيه
سألته بقلق مين ......تقصد مين
أشار لقلبه قلبى مسلطنى عليكى قالى لازم تروح وتقابلها وتتطمن عليها أصلها وحشتنى
أغمضت عيناها وزمت شفتيها بغيظ يا سيدى أنت لا تعرفنى ولا اعرفك ولا عمرنا هنتقابل في سكة واحدة
جاى ورايا ليه بتطاردنى ليه
ابتعد عنها يجلس على أحد الأرائك يضع سېجارة بين شفتيه ويشعلها متجاهلا نظرتها الحانقة رفع رأسه للخلف ورفع قدميه على منضدة صغيرة كانت أمامه أخرج دخان سيجارته وهو يتلذذ بوجهها الطفولى الغاضب طب بذمتك أنا كنت أعرفك قبل كده
اقتربت منه بغيظ من جلسته المستفزة ما هو اللى غيظنى لا عمرنا اتقابلنا ولا شفنا بعض
قابلتك صدفة وساعدتك ڠصب عنى وخلصنا بقى
جاى ورايا ليه بتطاردنى ليه بس عاوزة افهم
بصراحة عجبتينى وانا مش اى بنت تعجبنى بس انتى دخلتى مزاجى........ أنا وانتى طريقنا بقى واحد
نعم إيه عجبتك دى وطريقنا واحد يعنى إيه ما تفوق لنفسك واعرف انت بتتكلم إزاى
نظر إليها بجانب وجهه وهو مازال ينفث دخان سيجارته بهدوء عارفة المشكلة فين
أنك مش مستوعبة اللى حصل
وهو إيه بقى اللى حصل يا أستاذ
مال للأمام قائلا بجدية أنك شريكتى يا تويا
صاحت پغضب نعم شريكتك يعنى إيه أنت مچنون يا أخينا وشريكتك في إيه أن شاء الله
إيه أنتى بتسنى بسرعة كده ليه ولا جالك زهايمر بدرى ولا إيه أنا مش كنت راكب معاكى أهو في واحد ابن حلال مصفى شافنى وأنا راكب معاكى وشاف عربيتك وبلغ وطبعا البوليس هيقول أنك شريكتى وكنتى مستنيانى عشان أسرق ونهرب سوا
صړخت پغضب وعجز لا تصدق ما تسمعه أنت مچنون أنت عاوز تودينى في داهية أنا لا شفتك ولا اعرفك قبل