رواية اسرار الماضي لبنت ناس الفصل الثاني والثلاثون بقلم رينا الهادي

أهلها ! وهو إنتم لو أهلها كنتم سبتوها تشتغل و هي بنت ست سنين علشان تحمي نفسها و أمها من أخوك إنتم لو أهلها كنتم سبتوة يبهدل و يزل فيهم إنتم خرجتوا نفسكم من حياتهم إلا لو زعلت وراحت بيت بنتها و دي المرة الوحيدة و كان علشان أخوك بلاش تجرب معايا اللعب في الكلام لأننا عرفنا كل حاجة و أنا مقدر حالتك .
محمد دي رقية قعدت و حكت و طلعت إللي في قلبها .
محمود وإنت الصادق مش رقية هانم بس و نهر و علي و أهل البلد أنا كنت ضابط بس قدمت إستقالة من حوالي كام سنة فعارف يعني إية تحريات و لولا إني كنت ضابط ما كنش حد هنا خدمني و قالي علي موضوع أخوك أنا ليا طرقي إتفضل أوصلك و بلاش كلام كتير علشان ما نزعلش بعض .
مشي محمد و بعد الخروج من المحلة قال محمد في طريق مختصر للبلد بس ضيق و متهيالي هيكون فاضي شوية أدلك علية علشان نوصل بسرعة .
محمود زراعي ولا طبيعي .
محمد اة معلش خاېف علي العربية!
محمود دة علي أساس الطريق المسفلت عندكم و مضبوط ما كلة حفر بسال لانة لو زراعي أكيد الفلاحين راحين أراضيهم فهنتعطل فية مش أكتر .
محمد. الوقت مش وقت حصاد و لا شغل مش هيكون زحمة.
محمود تمام إنت أدري .
واخذ محمد يصف الطريق إلي أن تفاجئ بالقرب من البلد بمتوسكلة مرمي بالطريق بحالة يرسي لها محطم و موضوع بجانب شجرة جميز عملاقة .
محمد إركن هنا في أي حتة .
محمود إركن فين كدة هنوأف الطريق .
محمد وإنت شايف الطريق مشغول دة الموتوسيكل بتاعي كان مصطفي خارج بة .
محمود إنزل وأنا جاي وراك ألاقي مكان بس ما يعطلش الناس و أركن فية .
نزل محمد و هو مزهول و يقول لأحد الفلاحين إية دة 
الرجل حاډثة إمبارح واحد كان راكب موتوسيكل و في نفس الوقت كان بيتكلم في الموبيل ما أخدش بآلة من الصخرة دى طار من عليها هو و المتوسيكل و رشق في الجميزة و رجع تاني لو تشوف إللي حصل إحنا قلوبنا وقعت في رجلينا ربنا يستر علينا كلنا و الشرطة جت و الاسعاف و كان ناس مروحة و الكل كان ملموم بس الكل خاېف من المنظر .
محمد بحزن إتاخروا علي ما جة حد ساعدة .
الرجل نساعد مين الكل كان خاېف يقرب دة لولا شاب معاة موبيل بلغ و جم أخدوة.
هنا محمود معليش يا راجل يا طيب إللي عمل الحاډثة كان معاة حاجة أصل لما راح المستشفي ما كنش معاة حتي بطاقة و دي غريبة و بعدين إزاي ما يحرزوش الموتوسيكل ما دام حاډثة .
الراجل ماعرفش في شغل الحكومة و كان معاة أكل وقع علي الأرض و تقريبا كدة شنطة صغيرة زي محفظة كبيرة كنا شايفنها كان ماسكها حتي و هو مغمي علية بس لما الإسعاف و كمان الشرطة جت ما عرفش راحت فين فجأة الدنياإازحمت والناس كانوا كتير .
محمد أقل من عشر دقائق و تبقي في البلد و كل دة يحصل و إحنا ما نعرفش حاجة .
محمود هو إنتم أرضكم هنا .
محمد لا من الناحية التانية من البلد .
محمود طيب يبقي إنتم مش معروفين هنا و هو عايش من فترة في بلد تانية هيعرفوة منين يلا يا أبو علي كفاية تأخير واضح أن الحاډثة كلها عدم إنتباة