رواية لن انساك الفصل الخامس بقلم ريهام أبوالمجد
عشان صوتك بيبقى واضح.
ميرنا بصتله بذهول وقالت بحرج هو أنت سمعتني!
عمران ابتسم وحرك راسه بمعنى ايوا فهي خبت وشها بإيديها وقالت بتلعثم طب أنا هطلع لمصطفى.
وجريت من قدامه وعمران ضحك عليها بحب وقال إزاي مقدرتش أشوف حبك دا وكذبت كل تصرفاتك معايا فعلا أنا غبي ضيعت سنين من عمري كان ممكن أقضيها جنبك وجنب قلبك وضيعتك مني بغبائي أنا أسف يا حبيبتي بس هحاول أرجعك.
مصطفى بصلها بإستغراب وقال مامي أنتي كويسة
الناس بتتصدم لأنهم عارفين إني مش متجوزة أصلا فخلينا قدام الناس ميرنا وبينا أو بين العيلة قولي مامي عادي.
مصطفى ضحك وقال حاضر متقلقيش أنا راجل وقد كلمتي.
ميرنا ضحكت عليه وقالت يخلاصي على الراجل بتاعي الصغنن دا.
ميرنا اتنهدت بتعب وقالت لا أنا مش كويسة يا أبو درش.
مصطفى حط إيده على وشها وقال بحنية أنتي تعبانة
ميرنا شاورت على قلبها وقالت دا اللي تعبان اووي.
مصطفى بصلها بزعل طفولي وقال خدي دوا زي ما أنا باخد وهتبقى كويسة.
ميرنا بحزن يا ريت يا مصطفى بس دا الوحيد اللي ملوش علاج.
لما بيبعد بينكسر وساعتها مش بنعرف نعالجه لآخر العمر حتى لو أقنعنا نفسنا بكدا.
ميرنا بإستغراب ايوا حبيبي.
مصطفى بضحك عارف وأنا كمان بحبك قد البحر وسمكاته.
ميرنا ضحكت وفضلت تزعزغ فيه وهو بيضحك وفي الوقت دا عمران قرب ودخل لما لقى الباب مفتوح وقال بإبتسامة بتعملوا إية
مصطفى وهو بيضحك مامي بتزغزغني ومش راضية تسيبني قولها تبطل يا عمران.
عمران بضحك طب إية رأيك أنا كمان هزغزغك مع مامي.
وقرب منهم وفضل يزغزغ فيه وميرنا ضحكت وفرحت اووي وفضلت تزغزغه هي كمان وفجأة إيدها لمست إيده فهو بصلها بحب وعيونه بتلمع وهي فضلت تبصله وتاهت جوا عيونه وقطع اللحظة دي دخول نغم وصوتها اللي كله غل هو إية اللي بيحصل دا!
ميرنا قامت بسرعة وهي محروجة وعمران قال زي ما أنتي شايفة بنلعب مع مصطفى.
ميرنا بصوت هامس وأنتي مالك بتدلعي كدا لية
عمران ميل عليها وقال بهمس سمعتك على فكرة.
ميرنا بصتله بحرج وقالت أنا بايخة اووي صح
عمران ابتسم وقال لا أنتي مميزة.
ميرنا أتحرجت اووي ووشها قلب فراولاية وقالت پصدمة أنت بتكلمني أنا!
عمران ايوا.
نغم إستغربت اووي لما قالها مامي فقالت بإستغراب بيقولك مامي!
ميرنا ايوا عادي لية فيه حاجة
نغم بإستغراب وهو يقولك يا مامي لية أصلا!
عمران رد هو وقال عشان هي اللي ربته وعطته الحب والحنان ومارست أمومتها معاه رغم صغر سنها وقتها والطبيعي إنه يقولها كدا لأنه ملقتش غيرها قدامه وعطته كل الحب والحنان والعطف اللي أي طفل بيكون في حاجة ماسة ليهم.
نغم بغيرة تمام فهمت.
نغم قربت منه وقالت إزيك يا مصطفى.
مصطفى بصلها بإستغراب وبعدين بص لميرنا اللي هزتله دماغها عشان يرد ونغم أخدت بالها وإدايقت اووي فقال الحمدلله.
نغم أنا نغم بنت عمك.
مصطفى بس أنا معرفكيش.
نغم ما أنا كنت مسافرة ولسه راجعة تحب نكون صحاب
ميرنا بصتلها بإستغراب وقالت إية اللي أنتي بتقولية دا يا نغم!
نغم اللي سمعتيه من أول كلمة وهو بيبصلك عشان ياخد الإذن منك يرد عليا.
ميرنا اللي أنتي بتتهميني
