رواية لن انساك الفصل الرابع بقلم ريهام أبوالمجد

جنبه ومسكت إيده وباستها وقالت بدموع ألف سلامة عليكي يا حبيبي أنا بدالك يا حبيبي.
سليم وهو بيبوس إيدها وبعدين راسها بعيد الشړ عنك يا حبيبتي.
زينب بصت لميرنا بعتاب وقالت كنتي عارفة لما كلمتك وكذبتي عليا.
ميرنا أنا آسفة يا عمتو هم اللي جبروني أعمل كدا.
زينب بزعل يعني كلكم تبقوا جنبي ابني وأنا أمه مكونشي جنبه حرام عليكم.
سالم خوفنا نقولك تتعبي وبعدين بدل ما تفرحي إننا كنا حواليه تقولي حرام عليكم
زينب بزعل ايوا عشان أنا أم ومن حقي أعرف.
بقلمي ريهام أبو المجد 
ميرنا راحت قعدت جنبها وقالت بهزار خلاص بقى يا زوزو حقك علينا احنا منقدرشي على زعلك.
زينب ضحكت ڠصب عنها وقالت زوزو دا لو نوران سمعتك هتعلقك على بوابة الكومبوند.
ميرنا ضحكت وقالت كله يهون عشان عيونك يا زوزو.
زينب بكاشة اووي بس زين ما اختارت يا سليم.
سليم مردش وبصلها بديق فزينب ميلت عليها وقالت بهمس هو أنتم متشاكلين.
ميرنا بهمس دا العادي بتاع ابنك يا عمتو منكد عليا ليل نهار من أقل تصرف بعمله والله.
زينب معلشي يا حبيبتي استحمليه أنتي عارفة إنه بيحبك اووي وبيغير عليكي من الهوا.
ميرنا مستحمله يا عمتو ومش بحب أزعله والله رغم طريقته وعصبيته المستمرة دا بيخلعلي إيدي لما بيتعصب.
زينب حقك عليا أنا يا حبيبتي بقولك إية أنكشيه يلا هيتصالح بسرعة.
ميرنا ضحكت وقالت هو أنتي متأكدة إنك مامته
زينب ضحكت وقالت أنا شاكة بردو.
سليم بغيظ أنتم بتضحكوا على إية
ميرنا بصتله بطرف عينها وقالت وحضرتك بتدخل لية
سليم بهمس أنتي عارفة لولا أهلنا كنت عرفت أرد عليكي.
ميرنا بصتله بتحدي وقربت منه وهو بدأ يتوتر من قربها وهي كانت تقصد دا وفجأة ضړبته على رجله جامد فهو صړخ وقال آه إية اللي أنتي عملتيه دا
ميرنا بضحك كنت عايزة بس أتأكد إن مركز الإحساس عندك شغال وإنك متشلتشي.
سليم بغيظ أقسم بالله هقوملك.
الكل ضحك وزينب قالت مش هتتغيروا أبدا هتفضلوا طول عمركم تنكشوا في بعض كدا.
ميرنا ميلت على ودن سليم وقالت هو احنا مش هنعمل العيد ميلاد
سليم بهمس عيد ميلاد إية اللي بتفكري فيه وأنا بالشكل دا دا أنتي حاجدة.
ميرنا ملييش فية دا بابا حبيب قلبي أنت مش مهم.
سليم پصدمة مش مهم طب حتى راعي إن اللي حصلي دا بسببك.
ميرنا أنا!
سليم ايوا أنتي كنت بفكر فيكي وسرحان.
ميرنا بصتله بقرف وقالت أنا غلطانة إني سألتك طب بذمتك دا كلام تقوله.
سليم مسك إيدها وقال بحبك.
ميرنا سحبت إيدها منه وقالت اتلم يا سليم وخلي بالك العيلة موجودة مينفعشي كدا حد ياخد باله يقول علينا إية وبعدين هو أنت عندك انفصام في الشخصية كل شوية بحاله.
سليم ضحك وقال أعمل إية ما أنت مجنناني.
ميرنا والله أنت مچنون لوحدك أنا ملييش دخل.
سليم غمز وقال هو أنتي صحيح معطتنيش حضڼ المړيض لية
ميرنا بإستغراب حضڼ إية!
سليم حضڼ المړيض مش أنا تعبان المفروض تخففي عني بحضن حلو منك زي ما ماماا عملت كدا.
ميرنا نكزته في جنبه وقالت أقسم بالله أقول لخالك عثمان عشان يعرفك الحضن الحقيقي بقى.
سليم بضحك لا لا خلاص حرمت.
عمران شاف اللي حصل وإدايق اووي
ميرنا بصت لعمران اللي كان بيبصلها وعيونهم إتقابلت في لقاء خاص لكن قطع اللقاء دا جرس الباب.
بقلمي ريهام أبو المجد 
وفجأة سمعوا صوت مش غريب عليهم.
نغم أنا جيت.
زينب بصت لميرنا نظرة صدمة ونظرة هم الإتنين فاهمينها وزينب قالت يا دي النيلة العقربة وبنتها وصلوا.
ميرنا بس يا عمتو عيب كدا وبعدين لو سمعتك وتعملنا مشاكل أنتي عارفة هي
 بتحب تعمل مشاكل قد إية.
زينب أنتي هتقوليلي دي موتت أخويا بحسرته منها لله.
ميرنا بس بقى يا عمتو.
دينا بتكبر وتعالي مساء الخير يا جماعة.
زينب بقرف هو بوجودك هيبقى في مساء.
ميرنا ابتسمت ونكزت عمتها وقالت عمتو تقصد إن حضرتك منورة المكان كله.
دينا بقرف اها شكرا.
نغم سلمت على عثمان وقالت عمو عثمان وحشتني اووي.
عثمان بحنية أنتي أكتر يا قلب عمك فرحان اووي إنك رجعتي بعد السنين دي كلها.
نغم ابتسمت وقالت عشان كدا قررت أنا ومامي نستقر هنا.
زينب بصت لميرنا پصدمة وقالت بهمس ربنا يستر علينا.
نغم أول ما شافت عمران جريت عليه وحضنته تحت ذهول الكل وبالذات ميرنا اللي لأول مرة تحس بالغيرة وعلى مين دا بتغير على عمران.
عمران أتصدم من اللي نغم عملته ومرفعشي حتى إيده فميرنا قربت پغضب والشرار بيطلع من عينيها وعمران أخد باله وشاف الڠضب اللي على ملامحها الجميلة البريئة.
قربت منهم ومسكت دراع نغم وشدتها جامد من حضنه وقالت أبعدي عنه.
ووقفت بينهم حاجز وعمران في ضهرها ومش مصدق اللي عملته والكل مصډوم من رد فعل ميرنا.
نغم پغضب إية اللي أنتي عملتيه دا يا متخلفة
عمران پغضب شديد لما سمعها بتهين حبيبته ميرنا قدامه وقال نغممممم.