رواية لن انساك الفصل الرابع بقلم ريهام أبوالمجد

نرجع مش عايز اسمع صوتك.
ميرنا بملل يووووه بقى يا سليم مش هنخلص.
بعد حوالي ساعة كان عمران قاعد في الكافية اللي برا وطلب قهوة وبيفتكر لما دخل عليهم وكانوا قريبين كدا فضغط على إيده جامد لدرجة إن عروقه برزت بس انتبه للجرسون وهو بيحط قدامه القهوة فلما بصلها أفتكر ميرنا لما كانت بتعمله قهوة وابتسم ڠصب عنه.
سالم كان بيخلص الإجراءات برا وعثمان جاله تليفون فخرج يتكلم برا.
ميرنا قاعدة ساكتة وبتبص لسليم بغيظ اللي مرجع راسه لورا ومغمض عينه وباين على ملامحه التعب فقربت منه وحطت إيدها على راسه فهو فتح عيونه واتفاجأ بيها بس بصلها بصمت فهي قالت بحنية بيوجعك
سليم غمض عيونه تاني بس قال بهدوء شوية.
بقلمي ريهام أبو المجد 
لما عمل كدا عرفت إنه لسه زعلان منها فملست على شعره بحنية وقالت طب أجيبلك الدكتور يعطيك مسكن
سليم حس بإحساس حلو لما عملت كدا ولمس حنيتها عليه بس قال وهو لسه مغمض عيونه لا شكرا متتعبيش نفسك.
شروق زعلت وشالت إيدها من على شعره فافتكر إنها مشيت بس لقاها بتقعد جنبه على السرير وقالت بصوت شبه باكي خۏفت عليك اووي يا سليم لما سمعت الخبر حسيت بۏجع في قلبي وجسمي كله أتشل.
سليم فتح عيونه بسرعة وبصلها بذهول وهي كملت پخنقه وقالت والدموع على خدها إحساس صعب اووي أول مرة أحسه مكنتش أعرف إنك غالي اووي على قلبي كدا إلا لما لقيت قلبي حس بيك قبل ما أعرف اللي حصل إحساس العجز اللي حسيته وقتها عرفني.
سليم قلبه وجعه لما شاف دموعها فقرب منها ومسح دموعها بحنية وقال عشان خاطري متعيطيش أنا كويس قدامك أهو يا حبيبتي.
ميرنا بصتله بحزن وقالت كنت خاېفة أخسرك أنا مش هقدر أخسر حد تاني بحبه قدام عيوني يا سليم أنا لسه متخطتشي مۏت ملك أنا جاتلي هواجس كتير وكنت بقول يا رب أنا اللي أموت ولا إني أشوفك كدا.
سليم حضڼ وشها بين إيديه وقال بحنية ميرنا أنا مش هسيبك صدقيني أنا لسه عايز أعيش معاكي حاجات نفسي أعيشها من سنين نفسي اسمك يرتبط بإسمي وأعيش معاكي أجمل سنين عمري.
ميرنا حطت إيدها على إيده اللي على وشها وقالت توعدني مش هتسيبني ولا تخلي قلبي يتوجع عليك يا سليم
سليم ابتسم بحب وقال أوعدك يا قلب سليم.
سليم حب يخرجها من حزنها فقال وهو بيغمزلها بس تعالي هنا دا أنتي طلعتي بتحبيني
ميرنا بصتله بقرف وقالت تصدق إني غلطانة إني عبرتك بقى في دكتور جامعة يقول دباديبي وبعدين مين قالك إني بحبك أصلا أنت هتألف
سليم ضحك جامد ومسكها من خدودها وقال ايوا أنا يا قلبي.
وكمل وهو بيغمزلها وقال بتحبيني وكلامك بيدل على كدا وأنا واثق.
ميرنا زقت إيده وقامت من قدامه وقالت بغيظ أبو غلاستك حقيقي.
سليم ضحك وقال خليكي قاعدة جنبي خلاص مش هدايقك.
ميرنا هتسكت ولا أقوم أمشي من المستشفى كلها مش ناقصة تلزيق هي.
سليم ضحك وقال دا أنا نفسي ألزق فيكي والله.
ميرنا بصتله پغضب وقالت لا كدا كتير عليا أنا ماشية.
ولسه جاية تطلع من الأوضة لقت سالم داخل فقال رايحة فين يا ميرنا
ميرنا بصت لسليم اللي بيضحك ورجعت بصت لسالم وقالت هخرج أشم حبة هوا أصل الإكسجين هنا أتسحب.
سالم بعدم فهم أنتي بتقولي إية يا ميرنا أنتي تعبانة
بقلمي ريهام أبو المجد 
سليم مقدرشي يكتم ضحكته وضحك بصوت عالي وميرنا أتعصبت وضړبت رجليها في الأرض ومشيت وسالم بصله بإستغراب وقال هو في إية