رواية امل حياتي الفصل الثالث والعشرون بقلم يارا عبد العزيز
انا قولتلك اللي عندي و الله العظيم لو ما عملتي اللي بقولك عليه لهكون زعلانة منك و مش هكلمك
حياة بسرعه و لهفه خلاص يا ماما هعمل اللي انتي عايزاه
ريان بهدوء اممم فيه واحده هتراعي حضرتك و هتفضل معاكي بدل سلوى و لو عايزه سلوى هبعت اجيبها عادي مفيش مشكله
فردوس باستغراب انت عرفت سلوى كمان !!!!
ريان بابتسامه و هو بيبص لحياة و بيقلدها
حياة و فردوس بصوله و ضحكوا بقوه من طريقته
ريان تاه في ضحكه حياة و بدأ يضحك معاهم لاول مره من قلبه
شال فردوس من على الكرسي المتحرك و طلع بيها اوضتها
و فردوس كانت بتبصله ببأبتسامه و بدمع و هي شايفه محمود قدامها
خرجوا من الاوضه تحت نظرات السعاده من فردوس
اتكلمت بهمس و هي بتبص لطيفهم
يا رب اقلب جوازهم حقيقى اجعله هو العوض لقلب بنتي انت عارف هي اد ايه عانت و عالم بيها
اتخيلت محمود واقف قدامها و بيبتسم
اتنهدت بحزن كبير و اتكلمت بدموع
يا ريتك معانا يعين امك يا ريتك معانا
هشوفك في الجنه يحبيبى
حياة بصيت للجناح بتاع ريان بانبهار كان عباره عن شقه فخمه جوا القصر فيها كل حاجه اوضه خاصه بيه فيها غرفه تبديل الملابس و حمام و اوضه خاصه بحمام السباحه
و مطبخ و كانت في غايه الفخامه
دخل غرفه تبديل الملابس و خلع التشيرت اللي كان لابسه و خرج
انا هنام فين مفيش غير اوضه واحدة
ريان بهدوء و هو بياخد فوطه و بيتجه ناحيه الحمام
نامي على السرير جانبي مټخافيش مش هعمل حاجه
قال كلامه و كان لسه هيدخل الحمام وقف و بصلها و اتكلم بتساؤل
امممم انتي اطلقتي... ليه
حياة بتوتر متفقناش
لاحظ توترها و انها مش عايزة تتكلم بس مقدرش يمنع نفسه انه يسألها السؤال دا بالذات
حياة پغضب مكرهتش و هكره في حياتي اده
ريان حس بالم في قلبه خفاه في صوته اللي كان مليان بالجمود يبقى عن حب !!!!
قال كلامه و دخل الحمام نزل تحت الدش و فتح المياه على اقصى قوه ليها و هو بيفوق نفسه من كل حاجه حصلت و مشاعره ناحيه حياة اللي مش مفهمومه
افتكر و هو بيقول لعمر انه مفيش واحدة تستاهل اسم ريان النصراوي
و اتكلم پغضب
و انت لسه على كلامك مفيش واحدة تستاهل
ايه اللي يخليك تجبها هنا ما كنت تديها اي اوضه في القصر !!!!!
اكيد عشان فريده اكيد عشان لو شافتها برا الجناح هتشك في جوازنا اكيد عشانها
قفل الدش و لف منشفه حول خصره و خرج و هو بينشف شعره حياة اول لما شافته كدا اتوردت جدا و حطيت المخده قدام وشها
بصلها من ورا الفوطه و هو بيبتسم على حركاتها الطفوليه و خجلها منه
راح عندها و شال المخده حاطها جانبها على السرير
غمضت عينيها بخجل مفرط و توتر
بصلها بتوهان كل اما يشوف ملامحها عن قرب مش بيقدر يقاوم نفسه
قرب منها جدا و مبقاش ما بينهم اي مسافه
مسك رقبتها بكف ايديه و قرب من وشها
فك دبوس الطرحه لينسدل شعرها الحرير امامه
بصله بانبهار و مع انه شاف الاجمل من كدا الا انه اول مره
