رواية اسرار الماضي لبنت ناس الفصل الحادي عشر بقلم رينا الهادي

رقية ضبطت المنبة علي ساعتين نوم و قامت ندهت علي نهر و وردة حمتهم و لبستهم و أخدت شور بعدها صحت إنتصار إلي كان باين عليها التعب وإنتصار شافت البنات نظاف إية دة حميتي العيال وأنا نايمة والله شاطرة أنا كمان هتحمم وأبقي أصحي الحاجة .
رقية قعدت تسرح شعرها و بعدين نيمت البنات و قعدت تستعد لتحضير نفسها المغرب المأذون جة البيت الستات دخلت الحوش يزغرطوا و يغنوا و الرحالة برة و بعد كتب الكتاب أكلوا المأذون و الشهود و الغرابة عن البلد و قعد مصطفي جنب رقية علي ترابيزة في منور السلم و بيكلوا مع بعض لكن إنتصار دخلت عليهم بوردة و نهر و الحاجة
إنتصار إحنا هنجي ناكل معاكم إحنا كمان جوعنا.
مصطفي إية يا مرات أخويا دة أنا بحبك .
الحاجة لا يا حبيبي أنا اللي قولت نبقي مع بعض و بعدين كلها بكرة و تبقي معاها .
مصطفي طب يا أمة كلام الكبيرة لازم يمشي ناكل مع بعض بس هتسبوني مع رقية لوحدنا شوية .
الحاجة تاكل و تقعد في المضيفة تحني رجلك و إحنا هناخد رقية نحنيها جوة و بعد الحنة هتمشي لأننا هنسهر و هنبات أنا وإنتصار هنا كلها بكرة يا فقري .
مصطفي أمة كبيرة أنا حبيبك وبعدين إحنا كتبنا الكتاب .
الحاجة كتب كتاب مش دخلة يا خفيف يلا يا إنتصار الأكل .
رقية هاجي أساعدك .
الحاجة إقعدي يا بنتي إنت تعبتي النهاردة كتير يلا يا بنات إلي هياكل كويس هحنية و بصت لابنها إية مش عاجبك كلام أمك .
مصطفي بضيق عاجبني يا أمة أنا أقدر أتكلم .
اليوم أنتهي و محمد أخد مصطفي و ذهبوا يباتوا في شقة العريس و نهر و امها في الاوضة الصغيرة و الحاجة وإنتصار و وردة في الأوضة الكبيرة و اولاد محمد كانوا اثنين ناموا علي كنب في المضيفة 
إنتصار كويس يامة أن عزيزة ما جتش المكان هنا ضيق و ماكنش هيساع .
الحاجة كنا هنساع بعضينا يا إنتصار بس هي قالت مشغولة وهتيجي علي الفرح زيها زي الغريب و لا أكن دة أخوها الي هيتجوز أنا زعلانة منها بس أقول ٱية مش عاوزة أبين يقوم مصطفي و محمد يضايقوا بس ليا كلام تاني معاها .
إنتصار معليش يامة هي برضو متجوزة غريبة والله أعلم بأحوالها و هاتجي بعيالها و هتتبهدل كدة أحسن علشان تنبسط .
الحاجة نامي يا إنتصار الصباح رباح و بكرة ورانا ياماة.
الصبح طلع وإنتصار والحاجة قاموا .
الحاجة بقولك إية يا إنتصار خلي البنية تنام براحتها مع بنتها عندها يوم طويل بس براحة أدخلي الأوضة عندها و خدي المنبة ولا اية رائك.
إنتصار عين العقل يا حجة إنسحبت علي طراطيف صوابعها و أخدت المنبة بمجرد ما خرجت رن وأغلقتة بسرعة و إتجهت للمطبخ غسلت كل ما في المطبخ وأخرجت الحمام و البطة من الفريزر و جهزت فطار و صحت عيالها و فطروا مع بعض و بعدها الحاجة وإنتصار بدأوا يجهزوا صينية الاتفاق .
الساعة عشرة قامت رقية مخضۏضة و خرجت راحت الحمام و شافت إنتصار و الحاجة في المطبخ .
رقية يا خبر أنا اسفة راحت عليا نومة.
الحاجة نوم العوافي يا حبيبتي إحنا اختنا المنبة علشان تناموا براحتكم .
رقية قومت صليت الفجر أنا و نهر أخدني النوم تاني و عملت إحتياطي أقوم ستة .
الحاجة
ربنا يبارك لك يا بنتي دي وردة مش بترضي تقوم للفجر كويس إنك معودة نهر.
رقية