رواية اسرار الماضي لبنت ناس الفصل الحادي عشر بقلم رينا الهادي

يوم طبعا البيت دة بتاعك يا نهر و ذكرياتك كلها هنا .
نهر عاوزة أسألك حاجة بس ما تزعليش .
رقية اسألي براحتك لما أكون أنا وأنت لوحدنا أسألي و تكلمي براحتك لكن لما يكون مصطفي موجود أجلي السؤال لبعد ما يمشي و نكون وحدنا لأننا بنات زي بعض و أحيانا الولاد مش لازم يعرفوا كل حاجة عننا .
نهر لما عمو يطلع ينام فوق السطح زي جدو ممكن آجي أنام معاك .
رقية متوقعتش السؤال دة و ضحكت جامد مين قالك أن جدو بيطلع ينام فوق السطح دة إنت ماطلعتيش هينة ابدأ .
نهر بمرح لأ ماهو مش جدو لوحدة إللي بيعمل كدة فية ناس تانية بتعمل كدة بس مش هقولك عليهم علشان جدو قالي أن دة سر .
رقية باهتمام برافو عليك لازم نحافظ علي الأسرار و كدة عرفت أن جدو هو إلي قالك كدة و إجابة سؤالك أنا هاجي أنام جنبك لأن مصطفي واضح أنة ما بيحبش حد يدخل أوضتة وأنا عاوزة أبعدكم عن انكم تزعلوا من بعض بس عندي كام سؤال أنا كمان .
نهر إتفضلي .
رقية جدو كلمك في حاجة بخصوص مصطفي .
نهر كتيييييير أولا قالي نفس كلامك إني لازم أنام لوحدي في أوضتي . و أسمع كلام عمو و أعتبرة زي بابا و أكون مؤدبة و اني أعتمد علي نفسي و اعرف العب لوحدي أو أطلع العب مع الجيران الصغيرين بس قدام البيت ما أدخلش بيت حد و أستاذن عمو و حضرتك لو هروح عند حد و حاجات كتيييير قوووي ااااه قال كمان و بحزن وصوت مخڼوق إني أقول لعمو مصطفي يا بابا .
رقية طب لية زعلانة كدة 
نهر مش عاوزة أقول لة يا بابا هو مش بابا .
رقية طب ما عمو أبو إبراهيم مش جدو و بتقولي لة جدو و كمان مراتة بتقولي لها يا تيتة و إنت عارفة أنهم مش جدو و تيتة
نهر صح مام لكن جدو بيحبني بيلعب معايا كتير و أحيانا بيرفض يلعب مع أحفادة لكن أنا بيعلب معايا ويخرج وبنعمل مصايب كتير في تيتة وعندنا أسرار مع بعض من الاخر بحسة جدو فعلا و حضرتك بتقولي لة عمو و بقول لتيتة تيتة علشان مراتة لكن عمو مصطفي مش بحسة بيحبني مش بيلعب معايا مش بيحبك معايا لو أتغير و كان كويس معايا أقول لة بابا لكن بلييييز ماما مش تقولي أقول لة بابا وأنا مش حساها و كمان لازم أشوف أنة بتعامل معاك كويس علشان أقول لة بابا .
رقية بتأثر يااااة يا نهر إنت كبرتي قوي و بتتكلمي بعقل أكتر من ناس كتير أوعدك مش هجبرك علي شيء إلا لو في مصلحتك و هنفضل علي طول أصحاب .
نهر عارفة يا مام أنا بحبك قوي إنت ديما بتخيريني و بتتكلمي معايا و بتقنعيني أو اقنعك .
رقية يلا نقول الأذكار علشان ننام .
بعد الاذكار ناموا و افاقوا علي دق بالباب الخارجي قامت رقية نظرت من وراء الشيش و راءت إنتصار و محمد وأولادهم و الحاجة بسرعة لبست وخرجت فتحت لهم .
إنتصار معليش يا عروسة جايين بدري.
رقية تنوروا في أي وقت .
إنتصار بصي يا قمر احنا جايبين شوية حاجات هنحطها في الثلاجة علشان بكرة أنا هطبخها دي هتبقي صينيه الإتفاق بتاعتكم و برضوا أساعدك في الحاجات الباقية إلي هتروح الشقة .
رقية هي صينية الإتفاق
دي بتبقي علي العريس 
محمد لأ بتبقي علي