رواية اسرار الماضي لبنت ناس الفصل العاشر بقلم رينا الهادي
قال كتب كتاب ونهيص ونمشي لأ طبعا أنا حاجز قاعة كبيرة في المحلة و حاجز عربيات لتوصيل الناس هو انت فاكراني قليل ولا اية
رقية مقصدتش أبدا بس كنت فاهمة إنك خلصت فلوسك في التجهيزات والشقة وكدة وبعدين لية التكاليف الزيادة دي عليك و هقعد اغزاي في الكوشة نهر هتبقي مع مين يعني وممكن تتحرج من أهل قريتك أن مراتك عندها بنت .
مصطفي أنا فاضي بعد العصر النهاردة و بكرة يعني لو ما عجبناش حاجة النهاردة نكمل وننزل بكرة .
رقية تمام يبقي منتظرينك بعد العصر .
مصطفي تمام هتودي نهر عند أبو إبراهيم .
رقية لا أنا عاوزاها معانا بعد أذنك طبعا .
مصطفي هيكون تعب عليها لف في المحلات وكدة وهي لسة صغيرة.
رقية السن دة الحركة كويسة لية ثم ما ينفعش أخرج معاك لوحدنا هيكون إسمها خلوة واحنا لسة ما كتبناش الكتاب لازم حد معانا أو هات أخوك لو تحب او الحاجة.
رقية خلينا في السليم أحسن حتي علشان شكلنا قدام الناس .
مصطفي الناس ما تهمنيش الي جايب لنا حاجة يجي يخدها بس ماشي سلام العصر هعدي عليكم.
بعدها مصطفي إتصل علي بيت أبو إبراهيم و قالة يحاول مع رقية تخلي نهر معاهم علشان يدوروا براحتهم علي فستان كويس لكن أبو إبراهيم قالة أنة طلب منها تخلي نهر لآخر النهار وهي قالت لا بعد صلاة الظهر بس هيحاول تاني واكيد هتقولة أنهم خارجين لكن محاولاتهم فشلت و رقية صممت أن نهر تكون معاها .
مصطفي و لية الزنقة دي رجلك هتوجعك كدة خليها تركب ورا و بص لنهر و ضحك ولا اية يا عسل.
رقية بسرعة نزلت تفتح لها الباب و إبتسمت لها بحب و قفلت الباب بعد ما دخلت نهر و رجعت في الكرسي الامامي .
رقية من فضلك ممكن تقفل اللوكر بتاع العربية علشان الامان .
مصطفي اللوكر دة إنت بتعرفي في العربيات بقي.
رقية عادي يعني حتي الميكروباص فية لوكر ومش اول مرة اركب عربية أنا استغلت في الاقصر كتير وعربيات الشغل هناك و التكسيات كتير.
مصطفي روحتي فين سهمتي مرة واحدة.
رقية لا ابدأ. كنت عاوزة أسألك سؤال ينفع بدل ما نروح المحلة نروح المنصورة أصل المحلات فيها أكتر و
