رواية اڼتقام شمس الفصل الثالث عشر بقلم زهرة عصام
الاوضة بتاعتك أنا كنت مستنيكي تصحي من بدري عشان ألعب معاكي مش لاقي حد يلعب معايا يرضيكي يا شموسة
شمس هزت راسها بالنفي و بصت ل حازم بحب هي عارف أنه عاوز يشغلها عنهم و ياخدها بعيد عشان متسمعش حاجة و نفسيتها تتأثر بس للأسف هي سمعت كل حاجة سمعت اللي المفروض سندها في الحياة بيقول عليها !! سمعت كلام في حقها كفيل أنه ېقتل اي بنت تانية حيه
عاوزة اتفرج
زياد عينه دمعت عليها و قال بصوت مهزوزو
عشان خاطري يا شمس تعالي ندخل جوه و هجيبلك شكولاته دول وحشيين و هيزعقوا جامد
شمس هزت راسها بالنفي و حولت نظرها عليهم من تاني بس المرة دي نظراتها واضحة و بيها بعض الحدة و قالت في نفسها
الجد خبط بعصايته على الأرض و قال بصرامه
أنا اللي طردت مراتك من البيت و أنا اللي هتردك إنت كمان لو ملمتش نفسك و عرفت إنت بتكلم مين و واقف قدام مين البيت دا له احترامه
يعني تقعد فيه تحترم أهله يحترموك و يشلوك على دماغهم لكن هتقل ادبك هتاخد بالجذمة على دماغك
الجد لمح شمس وافقة بتشوفهم من فوق بلع ريقه بصعوبه و هو خاېف عليها و خاېف تكون سمعت حاجة من كلام شهاب حب أنه يعرف كل واحد حدوده معاها فكمل بصرامة
أما شمس في دي في حته تانية لوحدها دي الحته الغالية عندي و اي حد مهما يكون مين هيمسها بسوء أو يقولها كلمه متعجبهاش أنا مش هسكتله و هجيب حقها منه و هو واقف كله إلا هي
بص ل شهاب في عيونه و قال
دي بنتي أنا مش بنت حد تاني و اللي يجي على بنتي بكلمه هاكله
