رواية اڼتقام شمس الفصل السابع بقلم زهرة عصام
انت في الصفحة 1 من صفحتين
اڼتقام شمس ٧
أنا عارف انك سليمة
قالها بوقار صدمها لكن رفضت إنها تعترف بسهولة
لا يا جدو أنا مسميش سليمة انا اسمي شمس زعلانة منك بتغلط في إسمي
الجد ضحك بصوت عالي و قال
لسة مصرة تخبئ عليا يا شمس ! أنا عارف كل حاجة عنك من وقت ما رجلك خطت عتبت بيتي و عارف إنتي جاية هنا لية و عاوزة اية الراجل العجوز اللي قدامك لسة عنده عقل يوزن بلد و يعرف اية الصح من الغلط...
و اية المطلوب مني دلوقتي لو فاكر إن بكلامك دا هرجع عن اللي في دماغي تبقي غلطان
الجد بصلها بجدية و قال
وأنا مش عاوزك ترجعي عن اللي في دماغك!! بالعكس دا أنا هساعدك كمان
شمس بدهشة
تساعدني أنا !
كملت بجدية و قالت
وإنت هتستفيد اية بقي من كدا !
عاوز انضف العيلة من اللي فيها أنا ولادي معرفتش اربيهم كل واحد ماشي ورا مراته لا و مراتتهم كمان اختيارتهم غلط
شمس بأحرج
أنا اسفة أنا مكنش قصدي إنك تعرف كدا بس هما جم قدامي صدفة و
كتمليش يا شمس كدا كدا كان لازم يجي يوم و الحقيقة تنكشف يعني هيفضلوا مخبيين الحقيقة قد اية هما الاتنين خاينين و محتاجين القټل بس اعمل اية دول ولادي يا شمس و لو الموضوع دا اتعرف مش واحد بس اللي هيروح لا التاني هيتسجن كمان
هساعدك بس في الموضوع دا لكن أنا مليش دخل في أفعال عيلتك أنا جاية لهدف معين اخلصه و امشي من هنا لان لا دا مكاني ولا عمري هبقي واحدة منكم
الجد بصلها بغموض و قال
إنتي لا يمكن تخرجي من هنا يا شمس المكان دا مكانك و انتي هنا ست الكل بما فيهم أبوكي و مراته دا كفاية إنك شبه الغالية
شمس باستفسار
الجد ابتسم و قال
مش مهم دلوقتي تعرفي المهم دلوقتي قوليلي ناوية على اية
شمس بتصميم
ناوية ارجع حق أمي حتي لو كان آخر يوم في عمري
الباب خبط و دخل مروان بعد ما الجد سمح لية بصله و بص ل شمس اللي أول ما شافته كشرت في وشه و قالت
وحش يا جدو
مروان جز على سنانه بدون ما يبين لحد و بلع كلامها ڠصب عنه و قال بهدوء مصطنع
الجد أخد نفس و قال بهدوء
محدش غريب هنا يا مروان تقدر تتكلم قدام شمس أختك
كمل كلامه بعد ما ضغط على كلمه أختك عشان يبين ل مروان مدي العلاقة بينهم
تقدر تتكلم قدامها
مروان بصبر قال جواه
معلش يا مروان اتحمل شوية كمان
بص لجده و ابتسم و قال
معلش يا جدي كلام مهم مش لازم عيال صغيرة زي شمس
