رواية سباق المۏت الفصل الأول بقلم رشا منصور
انت في الصفحة 1 من 3 صفحات
المكان مكتب فى مصلحة حكوميه
طب وبعدين يا استاذ حسن أنا بقالي ساعتين وكل شويه أقف طابور علشان امضاء او طابع بريد أنا عندى شغل ومستأذن بالعافيه ما تقول ع طلباتك مرة واحدة بدل العطله دى
حسن الموظف
انت اللى غاوى عطلة ما قولتلك من الأول الموضوع محتاج وقت وعلشان اسيب اللى فى أيدي واخلصلك ورقك لازم تقدرني وكلك نظر انت شايف بنتعب اد ايه
ياسيدي تحت أمرك بس الحق شغلي وطلعت 100 جنيه بصلي بطرف عينه وقالي طب دى حق الشاي فين بقي السجاير قولت له اجبلك بتشرب ايه قالي مش عاوز اتعبك زود ورقه كمان وروح اقعد استريح وتعالى بعد نص ساعه استلم ورقك
حسن الموظف.
خلصت له الورق بعد ما خدت منه 200 جنيه وبعد نص ساعه لقيته جى ومعاه البوليس بقولهم فى ايه
فى أنك متصور صوت وصورة وانت بتاخد الرشوة
وقام رجال الشړطه بالقبض عليه
وكان معكم شادي محمد قناة الحقيقه اللي بنساعد دايما فى كشف الفساد دوس لايك وشير وأعمل اشتراك للقناة لو لسه أول مرة تشوفنا .
استوووووووب
نسيت أعرفكم بنفسي أنا اليوتيوبر شادى محمد عندى قناة ع اليوتيوب والتيك توك وصفحتي فى الفيس فيها أكتر من مليون متابع والحمد لله بحقق ربح كويس جدا
دى لعبه الشجاعه والقوة سعر التذكرة 100 جنيه
ولو جيت مع أصحابك سعر التذكرة بينزل ل 50 ج بس
ولكل فايز معانا هديه لو قدرت تكمل اللعبه للنهايه ومدتها ساعه هتكسب ألف جنيه
للحجز والعنوان إتصل ع 01
أحنا جيران ومتربين مع بعض وبيساعدونى فى شغل القناة
وقولت لهم الفكرة وخليتهم هما اللى يتصلوا علشان يعرفوا المكان ونروح نحجز
ومنكرش ان ده كان تهور. مني
عمرو.
بقولك يا شادى شكل الحوار ڼصبايه بجد ده بيقولى الحجز فى المكتب لكن اللعبه فى مكان تاني ومرديش يعرفني العنوان بيقولى لحظه اللعب هتعرف
هى باينه من الإعلان أصل ازاى يعني كل واحد يدفع 100 بعد ساعه ياخدهم ألف ده لو قاصد يخسر مش هيعمل كدا
محمود.
طب وبعدين كدا الموضوع مش مضمون افرض وأحنا معاهم جوه اكتشفوا أننا بنصورهم دول ممكن يعملوا فينا حاجه ومحدش هيعرف ينقذنا ما تفكك من الحوار ده يا شادى
شادى.
لا انا عندى فكرة أنت عارف الكاميرات اللى معايا كلها جايه من بره وصغيرة جدا واستحاله حد يكشفها والبث هيبقي مباشر كل اللى محتاجينه واحد فينا يفضل بره ولو شوفت اى حاجه مش مظبوطه بلغ البوليس ع طول وانت يا محمود اللى عليك المهمه دى تأجر موتوسيكل وتقف بعيد شويه
